ਅਮਿਤਾਭ ਬਚਨ ਹੁਣ ਬਾਲੀਵੁੱਡ ਤੋਂ ਬਾਅਦ ਸਾਊਥ ਵਿਚ ਵੀ ਧਮਾਲ ਮਚਾਉਣ ਲਈ ਤਿਆਰ ਹਨ। ਬਾਹੂਬਲੀ ਸਟਾਰ ਪ੍ਰਭਾਸ ਅਤੇ ਦੀਪਿਕਾ ਪਾਦੁਕੋਣ ਜਲਦੀ ਹੀ ਇੱਕ ਤੇਲਗੂ ਸਾਇੰਸ ਫਿਕਸ਼ਨ ਫਿਲਮ 'ਪ੍ਰੋਜੈਕਟ ਕੇ' ਵਿੱਚ ਨਜ਼ਰ ਆਉਣਗੇ।
ਫਿਲਮ 'ਚ ਇਨ੍ਹਾਂ ਦੋਵਾਂ ਦੇ ਨਾਲ ਅਮਿਤਾਭ ਬੱਚਨ ਵੀ ਮੁੱਖ ਭੂਮਿਕਾ ਨਿਭਾਉਣਗੇ। ਇਸ ਦੌਰਾਨ ਨਿਰਮਾਤਾਵਾਂ ਦਾ ਕਹਿਣਾ ਹੈ ਕਿ ਬਾਹੂਬਲੀ ਵਾਂਗ 'ਪ੍ਰੋਜੈਕਟ ਕੇ' ਵੀ ਦੋ ਹਿੱਸਿਆਂ 'ਚ ਰਿਲੀਜ਼ ਹੋਵੇਗੀ, ਜਿਸ ਦਾ ਪਹਿਲਾ ਭਾਗ ਅਗਲੇ ਸਾਲ ਅਪ੍ਰੈਲ 'ਚ ਆ ਸਕਦਾ ਹੈ। ਨਿਰਮਾਤਾਵਾਂ ਦਾ ਕਹਿਣਾ ਹੈ ਕਿ ਪਹਿਲੇ ਭਾਗ ਦੀ ਸ਼ੁਰੂਆਤੀ ਸ਼ੂਟਿੰਗ ਖਤਮ ਹੋ ਗਈ ਹੈ ਅਤੇ ਉਹ ਫਿਲਮ ਦੀ ਰਿਲੀਜ਼ ਦੀ ਉਡੀਕ ਕਰ ਰਹੇ ਹਨ।
ਪਿੰਕਵਿਲਾ ਦੀਆਂ ਖਬਰਾਂ ਮੁਤਾਬਕ ਫਿਲਮ 'ਪ੍ਰੋਜੈਕਟ ਕੇ' ਵੀ ਬਾਹੂਬਲੀ ਵਾਂਗ ਦੋ ਹਿੱਸਿਆਂ 'ਚ ਰਿਲੀਜ਼ ਹੋਣ ਜਾ ਰਹੀ ਹੈ। ਜਿੱਥੇ ਪਹਿਲਾ ਭਾਗ ਸਸਪੈਂਸ ਪੈਦਾ ਕਰੇਗਾ, ਉੱਥੇ ਦੂਜਾ ਭਾਗ ਕਹਾਣੀ ਦਾ ਅਹਿਮ ਹਿੱਸਾ ਹੋਵੇਗਾ। ਮੇਕਰਸ ਮੁਤਾਬਕ ਇਹ ਇੱਕ ਵੱਡੀ ਫਿਲਮ ਬਣਨ ਜਾ ਰਹੀ ਹੈ। ਦੱਸ ਦੇਈਏ ਕਿ ਇਹ ਫਿਲਮ ਵੈਜਯੰਤੀ ਫਿਲਮ ਪ੍ਰੋਡਕਸ਼ਨ ਦੇ 50 ਸਾਲ ਪੂਰੇ ਹੋਣ ਦੇ ਜਸ਼ਨ 'ਚ ਬਣਾਈ ਜਾ ਰਹੀ ਹੈ।
ਫਿਲਮ ਦੇ ਨਿਰਦੇਸ਼ਕ ਨਾਗ ਅਸ਼ਵਿਨ ਦਾ ਕਹਿਣਾ ਹੈ, ਕਿ ਫਿਲਮ ਦੇ ਪਹਿਲੇ ਭਾਗ ਦੀ ਸ਼ੂਟਿੰਗ ਸ਼ੁਰੂ ਹੋ ਚੁੱਕੀ ਹੈ। ਇਸ ਤੋਂ ਇਲਾਵਾ ਉਨ੍ਹਾਂ ਨੇ ਇਹ ਵੀ ਕਿਹਾ ਕਿ ਇਸ ਸੀਨ 'ਚ ਪ੍ਰਭਾਸ ਕੂਲ ਅਵਤਾਰ 'ਚ ਨਜ਼ਰ ਆਉਣਗੇ। ਨਾਗ ਅਸ਼ਵਿਨ ਅਤੇ ਪ੍ਰਭਾਸ ਵਿਚਕਾਰ ਇਹ ਪਹਿਲੀ ਸਹਿਯੋਗੀ ਫਿਲਮ ਹੈ, ਜਿਨ੍ਹਾਂ ਨੇ ਸਾਵਿਤਰੀ ਬਾਇਓਪਿਕ ਅਤੇ ਫਿਲਮ ਮਹਾਨਤੀ ਵਰਗੀਆਂ ਫਿਲਮਾਂ ਦਾ ਨਿਰਦੇਸ਼ਨ ਕੀਤਾ ਹੈ। ਇਸ ਦੇ ਨਾਲ ਹੀ ਦੀਪਿਕਾ ਵੀ ਇਸ ਫਿਲਮ 'ਚ ਪਹਿਲੀ ਵਾਰ ਪ੍ਰਭਾਸ ਨਾਲ ਨਜ਼ਰ ਆਵੇਗੀ।
ਬਿੱਗ ਬੀ ਦੀ ਗੱਲ ਕਰੀਏ ਤਾਂ ਪ੍ਰਭਾਸ ਨਾਲ ਇਹ ਉਨ੍ਹਾਂ ਦੀ ਦੂਜੀ ਫਿਲਮ ਹੈ। ਪ੍ਰਭਾਸ ਨੇ 'ਆਦਿ-ਪੁਰਸ਼' ਵਿੱਚ ਬਿੱਗ ਬੀ ਨਾਲ ਵੀ ਕੰਮ ਕੀਤਾ ਹੈ। ਦੀਪਿਕਾ ਦੇ ਵਰਕਫ੍ਰੰਟ ਦੀ ਗੱਲ ਕਰੀਏ ਤਾਂ ਦੀਪਿਕਾ ਦੀ ਪਠਾਨ ਹਾਲ ਹੀ 'ਚ ਰਿਲੀਜ਼ ਹੋਈ ਹੈ, ਜੋ ਬਾਕਸ ਆਫਿਸ ਦੇ ਸਾਰੇ ਰਿਕਾਰਡ ਤੋੜ ਰਹੀ ਹੈ। ਇਸ ਦੇ ਨਾਲ ਉਹ ਓਮ ਸ਼ਾਂਤੀ ਓਮ, ਤਮਾਸ਼ਾ, ਪਦਮਾਵਤ, ਬਾਜੀਰਾਵ ਮਸਤਾਨੀ ਅਤੇ ਚੇਨਈ ਐਕਸਪ੍ਰੈਸ ਵਿੱਚ ਵੀ ਕੰਮ ਕਰ ਚੁਕੀ ਹੈ। ਇਸ ਦੇ ਨਾਲ ਹੀ ਪ੍ਰਭਾਸ ਸਾਊਥ ਦੇ ਮਸ਼ਹੂਰ ਐਕਟਰ ਹਨ। ਉਨ੍ਹਾਂ ਨੇ ਬਾਹੂਬਲੀ, ਆਦਿ ਪੁਰਸ਼, ਬਾਗੀ, ਮਿਰਚੀ, ਸਾਹੋ ਅਤੇ ਰਾਧੇ ਸ਼ਿਆਮ ਵਰਗੀਆਂ ਫਿਲਮਾਂ ਵਿੱਚ ਕੰਮ ਕੀਤਾ ਹੈ।
