ਨੇਹਾ ਦਾ ਗੀਤ ਸੁਣ ਅਨੂ ਮਲਿਕ ਨੇ ਕਿਹਾ ਸੀ - ਆਪਣੇ ਮੂੰਹ 'ਤੇ ਮਾਰਾਂਗਾ ਥੱਪੜ

ਤੁਹਾਨੂੰ ਦੱਸ ਦੇਈਏ ਕਿ ਨੇਹਾ ਕੱਕੜ ਨੇ 2006 ਵਿੱਚ ਇੰਡੀਅਨ ਆਈਡਲ ਵਿੱਚ ਹਿੱਸਾ ਲਿਆ ਸੀ। ਸ਼ੋਅ ਵਿੱਚ ਨੇਹਾ ਕੱਕੜ ਦਾ ਸਫ਼ਰ ਲੰਬਾ ਨਹੀਂ ਰਿਹਾ ਸੀ ਅਤੇ ਉਹ ਜਲਦੀ ਹੀ ਬਾਹਰ ਹੋ ਗਈ ਸੀ।
ਨੇਹਾ ਦਾ ਗੀਤ ਸੁਣ ਅਨੂ ਮਲਿਕ ਨੇ ਕਿਹਾ ਸੀ - ਆਪਣੇ ਮੂੰਹ 'ਤੇ ਮਾਰਾਂਗਾ ਥੱਪੜ

ਨੇਹਾ ਕੱਕੜ ਅੱਜ ਕਿਸੇ ਵੀ ਪਹਿਚਾਣ ਦੀ ਮੋਹਤਾਜ਼ ਨਹੀਂ ਹੈ। ਸੈਲਫੀ ਕੁਈਨ ਦੇ ਨਾਂ ਨਾਲ ਮਸ਼ਹੂਰ ਨੇਹਾ ਕੱਕੜ ਦੀਆਂ ਤਸਵੀਰਾਂ, ਵੀਡੀਓਜ਼ ਅਤੇ ਗੀਤ ਅਕਸਰ ਚਰਚਾ 'ਚ ਰਹਿੰਦੇ ਹਨ। ਨੇਹਾ ਕੱਕੜ ਨੂੰ ਹਿੱਟ ਮਸ਼ੀਨ ਵੀ ਕਿਹਾ ਜਾਂਦਾ ਹੈ ਅਤੇ ਉਸ ਦੇ ਕਈ ਗੀਤ ਧਮਾਕੇਦਾਰ ਹਨ ਅਤੇ ਉਸਦੀ ਆਵਾਜ਼ ਦੇ ਲੱਖਾਂ ਦੀਵਾਨੇ ਹਨ।

ਨੇਹਾ ਦੀ ਬਹੁਤ ਮਜ਼ਬੂਤ ​​ਫੈਨ ਫਾਲੋਇੰਗ ਹੈ ਅਤੇ ਉਸ ਨੂੰ ਪ੍ਰਸ਼ੰਸਕਾਂ ਦਾ ਬਹੁਤ ਪਿਆਰ ਮਿਲਦਾ ਹੈ। ਹਾਲਾਂਕਿ ਦੂਜੇ ਪਾਸੇ ਨੇਹਾ ਨੂੰ ਕਈ ਵਾਰ ਕਿਸੇ ਨਾ ਕਿਸੇ ਕਾਰਨ ਬਹੁਤ ਟ੍ਰੋਲ ਕੀਤਾ ਜਾਂਦਾ ਹੈ। ਇਸ ਦੌਰਾਨ, ਨੇਹਾ ਕੱਕੜ ਦਾ ਇੱਕ ਥ੍ਰੋਬੈਕ ਵੀਡੀਓ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਿਹਾ ਹੈ, ਜੋ ਉਸ ਦੀ ਇੰਡੀਅਨ ਆਈਡਲ ਆਡੀਸ਼ਨ ਕਲਿੱਪ ਹੈ।

ਨੇਹਾ ਕੱਕੜ ਦਾ ਆਡੀਸ਼ਨ ਕਲਿੱਪ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਿਹਾ ਹੈ, ਜਿਸ 'ਚ ਉਹ ਇਕ ਹੋਰ ਗਾਇਕ ਨਾਲ ਫਿਲਮ ਰਿਫਿਊਜੀ ਦਾ ਗੀਤ 'ਐਸਾ ਲਗਤਾ ਹੈ' ਗਾਉਂਦੀ ਨਜ਼ਰ ਆ ਰਹੀ ਹੈ। ਵੀਡੀਓ 'ਚ ਦੇਖਿਆ ਜਾ ਰਿਹਾ ਹੈ ਕਿ ਫਰਾਹ ਖਾਨ, ਅਨੂ ਮਲਿਕ ਅਤੇ ਸੋਨੂੰ ਨਿਗਮ ਉਸ ਸੀਜ਼ਨ ਦੇ ਜੱਜ ਦੇ ਰੂਪ 'ਚ ਨਜ਼ਰ ਆ ਰਹੇ ਹਨ। ਵੀਡੀਓ 'ਚ ਦੇਖਿਆ ਜਾ ਰਿਹਾ ਹੈ ਕਿ ਜਿਵੇਂ ਹੀ ਨੇਹਾ ਆਪਣਾ ਗੀਤ ਖਤਮ ਕਰਦੀ ਹੈ, ਅਨੁ ਮਲਿਕ ਕਹਿੰਦੇ ਹਨ- 'ਨੇਹਾ ਕੱਕੜ, ਤੇਰਾ ਗੀਤ ਸੁਣ ਕੇ, ਮੈਨੂੰ ਲੱਗਦਾ ਹੈ, ਮੈਂ ਆਪਣੇ ਮੂੰਹ 'ਤੇ ਥੱਪੜ ਮਾਰਾ।'

ਇਸ ਤੋਂ ਬਾਅਦ ਫਰਾਹ ਅਤੇ ਸੋਨੂੰ ਨੇ ਗੀਤ ਦੀ ਚੋਣ 'ਤੇ ਸਵਾਲ ਉਠਾਏ। ਤੁਹਾਨੂੰ ਦੱਸ ਦੇਈਏ ਕਿ ਨੇਹਾ ਕੱਕੜ ਨੇ 2006 ਵਿੱਚ ਇੰਡੀਅਨ ਆਈਡਲ ਵਿੱਚ ਹਿੱਸਾ ਲਿਆ ਸੀ। ਸ਼ੋਅ ਵਿੱਚ ਨੇਹਾ ਕੱਕੜ ਦਾ ਸਫ਼ਰ ਲੰਬਾ ਨਹੀਂ ਰਿਹਾ ਸੀ ਅਤੇ ਉਹ ਜਲਦੀ ਹੀ ਬਾਹਰ ਹੋ ਗਈ ਸੀ। ਹਾਲਾਂਕਿ, ਨੇਹਾ ਨੇ ਹਾਰ ਨਹੀਂ ਮੰਨੀ ਅਤੇ ਹੌਲੀ-ਹੌਲੀ ਆਪਣੀ ਮਿਹਨਤ ਨਾਲ ਆਪਣੇ ਲਈ ਇੱਕ ਵੱਡੀ ਜਗ੍ਹਾ ਬਣਾ ਲਈ ਹੈ। ਨੇਹਾ ਹੁਣ ਵੱਡੀਆਂ ਗਾਇਕਾ 'ਚ ਗਿਣੀ ਜਾਂਦੀ ਹੈ ਅਤੇ ਉਸ ਦੇ ਖਾਤੇ 'ਚ ਕਈ ਹਿੱਟ ਗੀਤ ਹਨ।

ਯਾਦ ਰਹੇ ਕਿ ਹਾਲ ਹੀ 'ਚ ਨੇਹਾ 'ਤੇ ਫਾਲਗੁਨੀ ਦੇ ਗੀਤ ਨੂੰ ਲੈ ਕੇ ਕਾਫੀ ਟ੍ਰੋਲ ਹੋਏ ਸਨ। ਇਸਤੋਂ ਪਹਿਲਾ ਫਾਲਗੁਨੀ ਪਾਠਕ ਨਾਲ ਨੇਹਾ ਨਾਲ ਗੀਤ ਨੂੰ ਲੈਕੇ ਵਿਵਾਦ ਚੱਲ ਰਿਹਾ ਹੈ। ਫਾਲਗੁਨੀ ਦੇ ਅਨੁਸਾਰ, ਨਾ ਤਾਂ ਨੇਹਾ ਕੱਕੜ ਅਤੇ ਨਾ ਹੀ ਉਨ੍ਹਾਂ ਦੀ ਟੀਮ ਨੇ ਇਸ ਗੀਤ ਨੂੰ ਬਣਾਉਣ ਤੋਂ ਪਹਿਲਾਂ ਅਤੇ ਨਾ ਹੀ ਬਾਅਦ ਵਿੱਚ ਉਸ ਨਾਲ ਸੰਪਰਕ ਕੀਤਾ। ਫਾਲਗੁਨੀ ਨੇ ਦੱਸਿਆ ਕਿ ਉਹ ਨੇਹਾ ਕੱਕੜ ਖਿਲਾਫ ਕਾਨੂੰਨੀ ਕਾਰਵਾਈ ਕਰਨਾ ਚਾਹੁੰਦੀ ਸੀ, ਪਰ ਉਸ ਕੋਲ ਇਸ ਗੀਤ ਦੇ ਅਧਿਕਾਰ ਨਹੀਂ ਹਨ। ਫਾਲਗੁਨੀ ਪਾਠਕ ਨੇਹਾ ਕੱਕੜ ਦੁਆਰਾ ਰੀਮੇਕ ਕੀਤੇ ਜਾ ਰਹੇ 'ਮੈਂ ਪਾਇਲ ਹੈ ਛਨਕਈ' ਗੀਤ ਤੋਂ ਖੁਸ਼ ਨਹੀਂ ਹੈ। ਸਿਰਫ ਫਾਲਗੁਨੀ ਪਾਠਕ ਹੀ ਨਹੀਂ ਬਲਕਿ ਕਰੋੜਾਂ ਸਰੋਤਿਆਂ ਨੇ ਨੇਹਾ ਕੱਕੜ ਦੀ ਇਸ ਗੀਤ ਨੂੰ ਗਾਉਣ ਦੀ ਨਿੰਦਾ ਵੀ ਕੀਤੀ ਹੈ।

Related Stories

No stories found.
Punjab Today
www.punjabtoday.com