ਬਾਲੀਵੁੱਡ ਕਰਦਾ ਸਟਾਰਸ 'ਤੇ ਫੋਕਸ, ਦੱਖਣ ਕਰਦਾ ਕੰਟੈਂਟ 'ਤੇ : ਅਨੁਪਮ ਖੇਰ

ਇਸ ਸਾਲ ਦੀ ਸਭ ਤੋਂ ਵੱਧ ਕਮਾਈ ਕਰਨ ਵਾਲੀ ਹਿੰਦੀ ਫਿਲਮ 'ਦਿ ਕਸ਼ਮੀਰ ਫਾਈਲਜ਼' ਹੈ, ਜਿਸ ਵਿੱਚ ਅਨੁਪਮ ਖੇਰ ਨੇ ਵੀ ਕੰਮ ਕੀਤਾ ਸੀ।
ਬਾਲੀਵੁੱਡ ਕਰਦਾ ਸਟਾਰਸ 'ਤੇ ਫੋਕਸ, ਦੱਖਣ ਕਰਦਾ  ਕੰਟੈਂਟ 'ਤੇ : ਅਨੁਪਮ ਖੇਰ

ਹਿੰਦੀ ਅਤੇ ਦੱਖਣੀ ਫਿਲਮਾਂ ਨੂੰ ਲੈ ਕੇ ਪਿਛਲੇ ਕੁਝ ਸਮੇਂ ਤੋਂ ਲੰਬੀ ਬਹਿਸ ਚੱਲ ਰਹੀ ਹੈ। ਜੇਕਰ ਬਾਕਸ ਆਫਿਸ ਦੀ ਰਿਪੋਰਟ 'ਤੇ ਨਜ਼ਰ ਮਾਰੀਏ ਤਾਂ ਦੱਖਣ ਦੀਆਂ ਜ਼ਿਆਦਾ ਫਿਲਮਾਂ ਹਿੰਦੀ ਦੇ ਮੁਕਾਬਲੇ ਬਿਹਤਰ ਪ੍ਰਦਰਸ਼ਨ ਕਰ ਰਹੀਆਂ ਹਨ। ਇਸ ਸਾਲ ਦੀ ਸਭ ਤੋਂ ਵੱਧ ਕਮਾਈ ਕਰਨ ਵਾਲੀ ਹਿੰਦੀ ਫਿਲਮ 'ਦਿ ਕਸ਼ਮੀਰ ਫਾਈਲਜ਼' ਹੈ, ਜਿਸ ਵਿੱਚ ਅਨੁਪਮ ਖੇਰ ਨੇ ਵੀ ਕੰਮ ਕੀਤਾ ਸੀ। ਹੁਣ ਅਨੁਪਮ ਨੇ ਵੀ ਹਿੰਦੀ ਅਤੇ ਸਾਊਥ ਦੀ ਬਹਿਸ 'ਤੇ ਆਪਣੀ ਪ੍ਰਤੀਕਿਰਿਆ ਦਿੱਤੀ ਹੈ।

ਇਸ ਦੌਰਾਨ ਅਨੁਪਮ ਨੇ ਸਾਊਥ ਦੀਆਂ ਫਿਲਮਾਂ ਦੀ ਤਾਰੀਫ ਕੀਤੀ। ਇਸ ਦੇ ਨਾਲ ਹੀ ਹਿੰਦੀ ਫਿਲਮਾਂ ਦੇ ਬਾਰੇ 'ਚ ਉਨ੍ਹਾਂ ਕਿਹਾ ਕਿ ਇੱਥੇ ਅਸੀਂ ਸਿਰਫ ਸਿਤਾਰਿਆਂ 'ਤੇ ਫੋਕਸ ਕਰਦੇ ਹਾਂ, ਕੰਟੈਂਟ 'ਤੇ ਨਹੀਂ। ਦੱਖਣ ਕੰਟੈਂਟ 'ਤੇ ਜ਼ਿਆਦਾ ਫੋਕਸ ਕਰਦਾ ਹੈ। ਦਰਅਸਲ, ਹਾਲ ਹੀ ਵਿੱਚ ਅਨੁਪਮ ਦੀ ਫਿਲਮ ਕਾਰਤੀਕੇਯਾ 2 ਰਿਲੀਜ਼ ਹੋਈ ਹੈ, ਜੋ ਇੱਕ ਤੇਲਗੂ ਫਿਲਮ ਹੈ। ਇਸ ਦੱਖਣ ਫਿਲਮ ਨੇ ਲਾਲ ਸਿੰਘ ਚੱਢਾ, ਰਕਸ਼ਾ ਬੰਧਨ ਅਤੇ ਦੋਬਾਰਾ ਨੂੰ ਪਿੱਛੇ ਛੱਡ ਦਿੱਤਾ। ਇਸ ਫਿਲਮ 'ਚ ਨਿਖਿਲ ਸਿਧਾਰਥ ਮੁੱਖ ਭੂਮਿਕਾ 'ਚ ਹਨ।

ਅਨੁਪਮ ਨੇ ਦੱਖਣ ਭਾਰਤੀ ਫਿਲਮਾਂ ਦੀ ਪਹੁੰਚ ਦੀ ਤਾਰੀਫ ਕੀਤੀ ਹੈ। ਈ-ਟਾਈਮਜ਼ ਨਾਲ ਗੱਲ ਕਰਦੇ ਹੋਏ ਨਿਖਿਲ ਦਾ ਕਹਿਣਾ ਹੈ ਕਿ ਜੇਕਰ ਤੁਸੀਂ ਫਿਲਮ ਨੂੰ ਦਰਸ਼ਕਾਂ ਤੱਕ ਪਹੁੰਚਾਉਣਾ ਚਾਹੁੰਦੇ ਹੋ ਤਾਂ ਤੁਹਾਨੂੰ ਪਹਿਲਾਂ ਉਨ੍ਹਾਂ ਨੂੰ ਸਮਝਣਾ ਹੋਵੇਗਾ। ਇਸ 'ਤੇ ਅਨੁਪਮ ਕਹਿੰਦੇ ਹਨ, 'ਤੁਸੀਂ ਖਪਤਕਾਰ ਬਾਰੇ ਸੋਚੋ। ਮੁਸੀਬਤ ਉਦੋਂ ਸ਼ੁਰੂ ਹੁੰਦੀ ਹੈ, ਜਦੋਂ ਤੁਸੀਂ ਖਪਤਕਾਰਾਂ ਵੱਲ ਨਹੀਂ ਦੇਖਦੇ ਅਤੇ ਸੋਚਦੇ ਹਾਂ ਕਿ ਅਸੀਂ ਇੱਕ ਵਧੀਆ ਫਿਲਮ ਬਣਾ ਕੇ ਤੁਹਾਡਾ ਪੱਖ ਕਰ ਰਹੇ ਹਾਂ। ਹੁਣ ਤੁਸੀਂ ਇੱਕ ਚੰਗੀ ਫਿਲਮ ਦੇਖ ਰਹੇ ਹੋ।

ਅਨੁਪਮ ਖੇਰ ਨੇ ਕਿਹਾ ਕਿ ਨੇ ਮਹਾਨਤਾ ਸਮੂਹਿਕ ਕੋਸ਼ਿਸ਼ਾਂ ਨਾਲ ਮਿਲਦੀ ਹੈ ਅਤੇ ਇਹੀ ਮੈਂ ਤੇਲਗੂ ਵਿੱਚ ਫਿਲਮਾਂ ਕਰ ਕੇ ਸਿੱਖਿਆ ਹੈ। ਮੈਂ ਤੇਲਗੂ ਵਿੱਚ ਇੱਕ ਹੋਰ ਫ਼ਿਲਮ ਕੀਤੀ ਹੈ। ਮੈਂ ਤਾਮਿਲ ਭਾਸ਼ਾ ਵਿੱਚ ਇੱਕ ਫਿਲਮ ਵੀ ਕੀਤੀ ਹੈ। ਮੈਂ ਹੁਣ ਮਲਿਆਲਮ ਫਿਲਮ ਕਰਨ ਜਾ ਰਿਹਾ ਹਾਂ। ਅਭਿਨੇਤਾ ਨੇ ਅੱਗੇ ਕਿਹਾ, "ਮੈਨੂੰ ਲਗਦਾ ਹੈ ਕਿ ਉਥੇ ਮੈਂ ਦੋਵਾਂ ਵਿਚਕਾਰ ਕੋਈ ਅੰਤਰ ਨਹੀਂ ਕਰ ਰਿਹਾ ਹਾਂ, ਪਰ ਮੈਨੂੰ ਲਗਦਾ ਹੈ ਕਿ (ਉਨ੍ਹਾਂ ਦਾ) ਸਿਨੇਮਾ ਇਸ ਲਈ ਢੁਕਵਾਂ ਹੈ, ਕਿਉਂਕਿ ਉਹ ਹਾਲੀਵੁੱਡ ਦੀ ਨਕਲ ਨਹੀਂ ਕਰ ਰਹੇ ਹਨ। ਉਹ ਕਹਾਣੀ ਦੱਸ ਰਹੇ ਹਨ ਅਤੇ ਇੱਥੇ ਅਸੀਂ ਸਿਤਾਰੇ ਵੇਚ ਰਹੇ ਹਾਂ।

ਫਿਲਮ ਕਾਰਤੀਕੇਯ 2 ਦੀ ਗੱਲ ਕਰੀਏ ਤਾਂ ਇਹ ਚੰਦੂ ਮੋਂਡੇਤੀ ਦੁਆਰਾ ਲਿਖੀ ਅਤੇ ਨਿਰਦੇਸ਼ਿਤ ਇੱਕ ਰਹੱਸਮਈ ਐਡਵੈਂਚਰ ਫਿਲਮ ਹੈ। ਇਹ ਫਿਲਮ 2014 ਵਿੱਚ ਆਈ ਫਿਲਮ ਕਾਰਤੀਕੇਯਾ ਦਾ ਸੀਕਵਲ ਹੈ। ਇਸ ਫਿਲਮ 'ਚ ਅਨੁਪਮ ਸਹਾਇਕ ਭੂਮਿਕਾ 'ਚ ਹਨ। ਫਿਲਮ ਦੀ ਸਫਲਤਾ 'ਤੇ ਅਨੁਪਮ ਨੇ ਇੰਸਟਾਗ੍ਰਾਮ 'ਤੇ ਲਿਖਿਆ, ''ਮੇਰੀ ਤੋ ਨਿਕਲ ਪਈ ਦੋਸਤੋ''। 'ਦਿ ਕਸ਼ਮੀਰ ਫਾਈਲਜ਼' ਤੋਂ ਬਾਅਦ ਮੇਰੀ ਕਾਰਤਿਕੇਯਾ 2 ਫਿਲਮ ਵੀ ਬਲਾਕਬਸਟਰ ਰਹੀ ਹੈ।

Related Stories

No stories found.
logo
Punjab Today
www.punjabtoday.com