ਆਥੀਆ-ਕੇਐੱਲ ਰਾਹੁਲ ਦਾ ਵਿਆਹ 23 ਜਨਵਰੀ ਨੂੰ, ਸੁਨੀਲ ਸ਼ੈਟੀ ਕਰਨਗੇ ਪਰਫਾਰਮ

ਰਾਹੁਲ ਅਤੇ ਆਥੀਆ ਕਰੀਬ ਤਿੰਨ ਸਾਲਾਂ ਤੋਂ ਇੱਕ ਦੂਜੇ ਨੂੰ ਡੇਟ ਕਰ ਰਹੇ ਹਨ। ਦੋਵੇਂ ਅਕਸਰ ਇੱਕ ਦੂਜੇ ਨਾਲ ਛੁੱਟੀਆਂ ਮਨਾਉਣ ਜਾਂਦੇ ਹਨ।
ਆਥੀਆ-ਕੇਐੱਲ ਰਾਹੁਲ ਦਾ ਵਿਆਹ 23 ਜਨਵਰੀ ਨੂੰ, ਸੁਨੀਲ ਸ਼ੈਟੀ ਕਰਨਗੇ ਪਰਫਾਰਮ

ਆਥੀਆ-ਕੇਐੱਲ ਰਾਹੁਲ ਦੇ ਵਿਆਹ ਦਾ ਇੰਤਜ਼ਾਰ ਜਲਦ ਖਤਮ ਹੋਣ ਜਾ ਰਿਹਾ ਹੈ। ਬਾਲੀਵੁੱਡ ਅਭਿਨੇਤਰੀ ਆਥੀਆ ਸ਼ੈੱਟੀ ਅਤੇ ਭਾਰਤੀ ਕ੍ਰਿਕਟਰ ਕੇਐਲ ਰਾਹੁਲ ਜਲਦੀ ਹੀ ਵਿਆਹ ਦੇ ਬੰਧਨ ਵਿੱਚ ਬੱਝਣ ਜਾ ਰਹੇ ਹਨ।

ਮੀਡੀਆ ਰਿਪੋਰਟਾਂ ਮੁਤਾਬਕ ਦੋਵਾਂ ਦਾ ਵਿਆਹ ਇਸ ਸਾਲ 23 ਜਨਵਰੀ ਨੂੰ ਸੁਨੀਲ ਸ਼ੈਟੀ ਦੇ ਖੰਡਾਲਾ ਬੰਗਲੇ 'ਚ ਹੋਵੇਗਾ। ਵਿਆਹ ਬਾਰੇ ਗੱਲ ਕਰਦੇ ਹੋਏ, ਜੋੜੇ ਦੇ ਇੱਕ ਨਜ਼ਦੀਕੀ ਸੂਤਰ ਨੇ ਖੁਲਾਸਾ ਕੀਤਾ ਕਿ ਸੰਗੀਤ 21 ਜਨਵਰੀ ਨੂੰ ਆਯੋਜਿਤ ਕੀਤਾ ਜਾਵੇਗਾ ਅਤੇ ਸਿਰਫ ਉਨ੍ਹਾਂ ਦੇ ਨਜ਼ਦੀਕੀ ਦੋਸਤ ਅਤੇ ਪਰਿਵਾਰ ਦੇ ਲੋਕ ਹੀ ਸ਼ਾਮਲ ਹੋਣਗੇ।

ਵਿਆਹ ਬਾਰੇ ਗੱਲ ਕਰਦੇ ਹੋਏ, ਆਥੀਆ ਸ਼ੇੱਟੀ ਅਤੇ ਕੇਐਲ ਰਾਹੁਲ ਦੇ ਇੱਕ ਨਜ਼ਦੀਕੀ ਸੂਤਰ ਨੇ ਕਿਹਾ, 'ਆਥੀਆ ਦੀ ਸਭ ਤੋਂ ਨਜ਼ਦੀਕੀ ਦੋਸਤ ਜਿਵੇਂ ਕਿ ਅਦਾਕਾਰਾ ਆਕਾਂਕਸ਼ਾ ਰੰਜਨ, ਪਹਿਲਾਂ ਹੀ ਇਸ ਦਾ ਹਿੱਸਾ ਹੋਵੇਗੀ। ਬਾਕੀ ਮਹਿਮਾਨ ਸੰਗੀਤ ਵਾਲੇ ਦਿਨ ਹੀ ਹਾਜ਼ਰੀ ਭਰਨਗੇ। ਆਥੀਆ ਦੇ ਦੋਸਤਾਂ ਦੇ ਨਾਲ-ਨਾਲ ਭਰਾ ਅਹਾਨ ਅਤੇ ਮਾਤਾ-ਪਿਤਾ ਸੁਨੀਲ ਅਤੇ ਮਾਨਾ ਸ਼ੈੱਟੀ ਦੇ ਵੀ ਪ੍ਰਦਰਸ਼ਨ ਦੀ ਉਮੀਦ ਹੈ। ਇਹ ਬਹੁਤ ਪ੍ਰਾਈਵੇਟ ਵਿਆਹ ਹੋਵੇਗਾ।

ਇਸ ਵਿਆਹ 'ਚ ਸਿਰਫ ਕਰੀਬੀ ਦੋਸਤ ਅਤੇ ਪਰਿਵਾਰਕ ਮੈਂਬਰ ਹੀ ਸ਼ਾਮਲ ਹੋਣਗੇ। ਇਹ ਵੀ ਕਿਹਾ ਜਾ ਰਿਹਾ ਹੈ ਕਿ ਇੰਡਸਟਰੀ ਦੇ ਬਹੁਤ ਸਾਰੇ ਲੋਕ ਇਸ ਵਿੱਚ ਸ਼ਾਮਲ ਨਹੀਂ ਹੋਣਗੇ। ਵਿਆਹ ਦੇ ਸਮੇਂ ਸਾਰੇ ਮਹਿਮਾਨ 5 ਸਟਾਰ ਹੋਟਲ 'ਚ ਰੁਕਣਗੇ। ਇਹ ਵੀ ਕਿਹਾ ਜਾ ਰਿਹਾ ਹੈ ਕਿ ਆਥੀਆ ਨੂੰ ਸੈਲੀਬ੍ਰਿਟੀ ਸਟਾਈਲਿਸਟ ਅਮੀ ਪਟੇਲ ਸਟਾਈਲ ਕਰਨਗੇ, ਜਦੋਂ ਕਿ ਕੇਐੱਲ ਰਾਹੁਲ ਨੂੰ ਸਟਾਈਲਿਸਟ ਰਾਹੁਲ ਵਿਜੇ ਸਟਾਈਲ ਕਰਨਗੇ।

ਰਾਹੁਲ ਅਤੇ ਆਥੀਆ ਕਰੀਬ ਤਿੰਨ ਸਾਲਾਂ ਤੋਂ ਇੱਕ ਦੂਜੇ ਨੂੰ ਡੇਟ ਕਰ ਰਹੇ ਹਨ। ਦੋਵੇਂ ਅਕਸਰ ਇੱਕ ਦੂਜੇ ਨਾਲ ਛੁੱਟੀਆਂ ਮਨਾਉਣ ਜਾਂਦੇ ਹਨ। ਲੰਬੇ ਸਮੇਂ ਤੱਕ ਦੋਵਾਂ ਨੇ ਆਪਣੇ ਰਿਸ਼ਤੇ ਨੂੰ ਗੁਪਤ ਰੱਖਿਆ। ਆਥੀਆ ਨੂੰ ਅਕਸਰ ਅੰਤਰਰਾਸ਼ਟਰੀ ਕ੍ਰਿਕਟ ਮੈਚਾਂ ਵਿੱਚ ਕੇਐਲ ਰਾਹੁਲ ਦੇ ਨਾਲ ਦੇਖਿਆ ਜਾਂਦਾ ਹੈ। ਹਾਲ ਹੀ 'ਚ ਦੋਵਾਂ ਨੇ ਇਕੱਠੇ ਨਵਾਂ ਸਾਲ ਮਨਾਇਆ। ਦੋਵਾਂ ਨੇ ਇੱਕ ਦੂਜੇ ਦੀਆਂ ਤਸਵੀਰਾਂ ਵੀ ਸ਼ੇਅਰ ਕੀਤੀਆਂ ਸਨ। ਵਿਆਹ ਦੀਆਂ ਰਸਮਾਂ 21 ਜਨਵਰੀ ਤੋਂ 23 ਜਨਵਰੀ ਦੇ ਵਿਚਕਾਰ ਹੋਣਗੀਆਂ। ਰਿਪੋਰਟਾਂ ਦੇ ਅਨੁਸਾਰ, ਆਥੀਆ ਅਤੇ ਰਾਹੁਲ 2019 ਵਿੱਚ ਕਾਮਨ ਫ੍ਰੈਂਡਸ ਦੇ ਜ਼ਰੀਏ ਮਿਲੇ ਸਨ ਅਤੇ ਦੋਂਵਾਂ ਨੂੰ ਪਿਆਰ ਹੋ ਗਿਆ ਸੀ । ਜੋੜੇ ਨੇ ਕਦੇ ਵੀ ਇਹ ਸਵੀਕਾਰ ਨਹੀਂ ਕੀਤਾ ਕਿ ਉਹ ਡੇਟਿੰਗ ਕਰ ਰਹੇ ਸਨ ਅਤੇ ਜਨਤਕ ਤੌਰ 'ਤੇ ਰਿਸ਼ਤੇ ਵਿੱਚ ਸਨ, ਪਰ ਕਦੇ ਵੀ ਇਸ ਤੋਂ ਇਨਕਾਰ ਵੀ ਨਹੀਂ ਕੀਤਾ।

Related Stories

No stories found.
Punjab Today
www.punjabtoday.com