ਬਾਲੀਵੁੱਡ ਅਦਾਕਾਰਾ ਡਿੰਪਲ ਕਪਾਡੀਆ ਸਟਾਰਰ ਵੈੱਬਸੀਰੀਜ਼ 'ਸਾਸ ਬਹੂ ਔਰ ਫਲੇਮਿੰਗੋ' ਦਾ ਟ੍ਰੇਲਰ ਰਿਲੀਜ਼ ਹੋ ਗਿਆ ਹੈ। ਇਹ ਵੈੱਬਸੀਰੀਜ਼ ਜਲਦ ਹੀ Disney+ Hotstar 'ਤੇ ਰਿਲੀਜ਼ ਹੋਣ ਜਾ ਰਹੀ ਹੈ। ਵੈੱਬ ਸੀਰੀਜ਼ ਦੇ ਟ੍ਰੇਲਰ ਨੂੰ ਪ੍ਰਸ਼ੰਸਕ ਕਾਫੀ ਪਸੰਦ ਕਰ ਰਹੇ ਹਨ। ਇਸ ਸੀਰੀਜ਼ 'ਚ ਰਾਧਿਕਾ ਮਦਾਨ ਵੀ ਅਹਿਮ ਭੂਮਿਕਾ 'ਚ ਨਜ਼ਰ ਆਉਣ ਵਾਲੀ ਹੈ।
ਸਾਸ ਬਹੂ ਔਰ ਫਲੇਮਿੰਗੋ ਦੇ ਟ੍ਰੇਲਰ ਵਿੱਚ, ਡਿੰਪਲ ਕਪਾਡੀਆ ਇੱਕ ਕਾਰੋਬਾਰੀ ਔਰਤ ਦੇ ਕਿਰਦਾਰ ਵਿੱਚ ਨਜ਼ਰ ਆ ਰਹੀ ਹੈ, ਹਾਲਾਂਕਿ ਇੱਕ ਕਾਰੋਬਾਰੀ ਔਰਤ ਜੋ ਨਸ਼ੇ ਦਾ ਕਾਰੋਬਾਰ ਕਰਦੀ ਹੈ। ਇਸ ਕਾਰੋਬਾਰ ਵਿਚ ਉਸਦੀ ਭਾਈਵਾਲ ਹੋਰ ਕੋਈ ਨਹੀਂ, ਸਗੋਂ ਉਸ ਦੀਆਂ ਆਪਣੀਆਂ ਨੂੰਹਾਂ ਤੇ ਬੇਟਿਆਂ ਹਨ। ਡਿੰਪਲ ਕਪਾਡੀਆ ਯਾਨੀ ਰਾਣੀ ਬਾ, ਆਪਣਾ ਘਰ ਚਲਾਉਣ ਦੇ ਨਾਲ-ਨਾਲ ਜੜੀ ਬੂਟੀਆਂ ਅਤੇ ਦਸਤਕਾਰੀ ਦਾ ਕਾਰੋਬਾਰ ਵੀ ਕਰਦੀ ਹੈ। ਇਸ ਕਾਰੋਬਾਰ ਦੇ ਪਿੱਛੇ ਰਾਣੀ ਬਾ ਇਕ ਹੋਰ ਕਾਰੋਬਾਰ ਕਰਦੀ ਹੈ, ਜਿਸਦਾ ਨਾਂ ਉਸਨੇ ਫਲੇਮਿੰਗੋ (ਨਸ਼ਾ ) ਰੱਖਿਆ ਹੈ।
ਵੈੱਬ ਸੀਰੀਜ਼ ਦਾ ਟ੍ਰੇਲਰ ਰਿਲੀਜ਼ ਹੁੰਦੇ ਹੀ ਤੇਜ਼ੀ ਨਾਲ ਵਾਇਰਲ ਹੋ ਰਿਹਾ ਹੈ। ਇਸ ਨੂੰ ਪ੍ਰਸ਼ੰਸਕਾਂ ਵੱਲੋਂ ਚੰਗਾ ਹੁੰਗਾਰਾ ਮਿਲ ਰਿਹਾ ਹੈ। ਵੈੱਬ ਸੀਰੀਜ਼ 'ਚ ਡਿੰਪਲ ਕਪਾਡੀਆ ਇਕ ਡਾਇਲਾਗ ਬੋਲਦੀ ਨਜ਼ਰ ਆ ਰਹੀ ਹੈ, ਜਿਸ 'ਚ ਉਹ ਕਹਿੰਦੀ ਹੈ, 'ਬਾਜ਼ਾਰ 'ਚ ਸਾਡੇ ਤੋਂ ਵੱਧ ਚੋਖਾ ਮਾਲ ਕੋਈ ਨਹੀਂ ਬਣਾ ਸਕਦਾ।' ਸਾਸ ਬਹੂ ਔਰ ਫਲੇਮਿੰਗੋ ਦੇ ਟ੍ਰੇਲਰ ਨੂੰ ਦੇਖਣ ਤੋਂ ਬਾਅਦ, ਪ੍ਰਸ਼ੰਸਕ ਉਮੀਦ ਕਰ ਰਹੇ ਹਨ ਕਿ ਆਖਰਕਾਰ ਇੱਕ ਸ਼ਾਨਦਾਰ ਵੈੱਬ ਸੀਰੀਜ਼ ਰਿਲੀਜ਼ ਹੋਣ ਵਾਲੀ ਹੈ।
ਫਿਲਮ ਦੇ ਟ੍ਰੇਲਰ ਤੋਂ ਸਾਫ ਹੈ ਕਿ ਇਸ ਦੀ ਕਹਾਣੀ ਰਾਜਸਥਾਨੀ ਪਿਛੋਕੜ ਦੀ ਹੈ। ਕਈ ਲੋਕ ਡਿੰਪਲ ਕਪਾਡੀਆ ਦੇ ਲੁੱਕ ਦੀ ਤੁਲਨਾ ਫਿਲਮ 'ਰਾਮ ਲੀਲਾ' 'ਚ ਸੁਪ੍ਰਿਆ ਪਾਠਕ ਦੇ ਲੁੱਕ ਨਾਲ ਵੀ ਕਰ ਰਹੇ ਹਨ। ਇਸ ਦੌਰਾਨ ਵੈੱਬ ਸੀਰੀਜ਼ ਦੇ ਟ੍ਰੇਲਰ ਨੂੰ ਪ੍ਰਸ਼ੰਸਕਾਂ ਵੱਲੋਂ ਜ਼ਬਰਦਸਤ ਹੁੰਗਾਰਾ ਮਿਲ ਰਿਹਾ ਹੈ। ਪ੍ਰਸ਼ੰਸਕਾਂ ਦਾ ਮੰਨਣਾ ਹੈ ਕਿ ਹੁਣ ਤੱਕ ਕ੍ਰਾਈਮ ਵੈੱਬ ਸੀਰੀਜ਼ 'ਚ ਉਨ੍ਹਾਂ ਨੇ ਪੁਰਸ਼ਾਂ ਨੂੰ ਨਸ਼ੇ ਨਾਲ ਜੁੜੇ ਕਾਰੋਬਾਰ ਨੂੰ ਸੰਭਾਲਦੇ ਦੇਖਿਆ ਹੈ, ਹਾਲਾਂਕਿ ਵੈੱਬ ਸੀਰੀਜ਼ 'ਚ ਇਸ ਕਾਰੋਬਾਰ ਨੂੰ ਘਰ ਦੀਆਂ ਨੂੰਹਾਂ ਹੀ ਚਲਾਉਣਗੀਆਂ।
ਵੈੱਬ ਸੀਰੀਜ਼ ਦਾ ਇਕ ਡਾਇਲਾਗ ਪ੍ਰਸ਼ੰਸਕਾਂ ਨੂੰ ਕਾਫੀ ਪਸੰਦ ਆ ਰਿਹਾ ਹੈ, ਜਿਸ 'ਚ ਡਿੰਪਲ ਕਹਿੰਦੀ ਹੈ, 'ਧੀ-ਨੂੰਹ ਵੀ ਕਾਰੋਬਾਰ ਸੰਭਾਲ ਲੈਂਦੀ ਹੈ।' ਤੁਹਾਨੂੰ ਦੱਸ ਦੇਈਏ ਕਿ ਵੈੱਬਸੀਰੀਜ਼ ਵਿੱਚ ਡਿੰਪਲ ਕਪਾਡੀਆ ਦੇ ਨਾਲ ਰਾਧਿਕਾ ਮਦਾਨ, ਅੰਗੀਰਾ ਧਰ ਅਤੇ ਈਸ਼ਾ ਤਲਵਾਰ ਹਨ। ਇਸ ਸੀਰੀਜ਼ 'ਚ ਨਸੀਰੂਦੀਨ ਸ਼ਾਹ, ਆਸ਼ੀਸ਼ ਵਰਮਾ, ਵਰੁਣ ਮਿੱਤਰਾ, ਉਦਿਤ ਅਰੋੜਾ, ਦੀਪਕ ਡੋਬਰਿਆਲ ਅਤੇ ਮੋਨਿਕਾ ਡੋਗਰਾ ਵੀ ਨਜ਼ਰ ਆਉਣ ਵਾਲੇ ਹਨ।
