ਜਿੰਮੀ ਸ਼ੇਰਗਿੱਲ ਆਪਣੀ ਹਰੇਕ ਫਿਲਮ ਦੇ ਨਾਲ ਆਪਣੀ ਛਾਪ ਛੱਡਦੇ ਹਨ। ਸਾਲ 2021 'ਚ ਓਟੀਟੀ 'ਤੇ ਰਿਲੀਜ਼ ਹੋਈ ਫਿਲਮ 'ਕਾਲਮ ਬੰਬ' 'ਚ ਜਿੰਮੀ ਸ਼ੇਰਗਿੱਲ ਨੇ ਪੁਲਿਸ ਅਫਸਰ ਦੀ ਭੂਮਿਕਾ ਨਿਭਾਈ ਸੀ। ਹੁਣ ਉਹ ਆਪਣੀ ਆਉਣ ਵਾਲੀ ਫਿਲਮ 'ਆਜ਼ਮ' 'ਚ ਗੈਂਗਸਟਰ ਦੀ ਭੂਮਿਕਾ 'ਚ ਨਜ਼ਰ ਆਉਣ ਵਾਲੇ ਹਨ। ਸ਼ਰਵਨ ਤਿਵਾਰੀ ਦੇ ਨਿਰਦੇਸ਼ਨ 'ਚ ਬਣੀ ਇਸ ਫਿਲਮ ਦਾ ਟੀਜ਼ਰ ਰਿਲੀਜ਼ ਹੋ ਗਿਆ ਹੈ।
15 ਸੈਕਿੰਡ ਦੇ ਟੀਜ਼ਰ 'ਚ ਗੋਲੀ ਚੱਲਣ ਦੀ ਆਵਾਜ਼ 'ਚ ਜਿੰਮੀ ਸ਼ੇਰਗਿੱਲ ਦਾ ਡਾਇਲਾਗ ਸੁਣਨ ਨੂੰ ਮਿਲਦਾ ਹੈ-ਸਾਡਾ ਕਾਰੋਬਾਰ ਬੈਲੇਂਸ 'ਤੇ ਚੱਲਦਾ ਹੈ, ਜਿਸ ਦਾ ਬੈਲੇਂਸ ਖਤਮ ਹੋ ਗਿਆ, ਉਹ ਬੰਦਾ ਖਤਮ ਹੋ ਗਿਆ। ਹਾਲ ਹੀ 'ਚ ਮੇਕਰਸ ਨੇ 'ਆਜ਼ਮ' ਦਾ ਮੋਸ਼ਨ ਪੋਸਟਰ ਰਿਲੀਜ਼ ਕੀਤਾ ਸੀ। ਜਦਕਿ ਹੁਣ ਟੀਜ਼ਰ ਦੇ ਨਾਲ ਫਿਲਮ ਦੀ ਰਿਲੀਜ਼ ਡੇਟ ਦਾ ਵੀ ਐਲਾਨ ਕਰ ਦਿੱਤਾ ਗਿਆ ਹੈ। ਇਹ ਫਿਲਮ 19 ਮਈ ਨੂੰ ਸਿਨੇਮਾਘਰਾਂ 'ਚ ਰਿਲੀਜ਼ ਹੋ ਰਹੀ ਹੈ। 'ਆਜ਼ਮ' ਵਿੱਚ ਜਿੰਮੀ ਸ਼ੇਰਗਿੱਲ ਦੇ ਨਾਲ ਅਭਿਮਨਿਊ ਸਿੰਘ, ਇੰਦਰਨੀਲ ਸੇਨਗੁਪਤਾ, ਗੋਵਿੰਦ ਨਾਮਦੇਵ ਅਤੇ ਰਜ਼ਾ ਮੁਰਾਦ ਹਨ।
ਟੀਜ਼ਰ 'ਚ ਜਿੰਮੀ ਸ਼ੇਰਗਿੱਲ ਦਾ ਦਮਦਾਰ ਅੰਦਾਜ਼ ਦੇਖਣ ਨੂੰ ਮਿਲ ਰਿਹਾ ਹੈ। ਇਹ ਫਿਲਮ ਇੱਕ ਕ੍ਰਾਈਮ-ਥ੍ਰਿਲਰ ਹੈ ਅਤੇ ਇਹ ਇੱਕ ਗੈਂਗਸਟਰ ਦੀ ਕਹਾਣੀ ਦੱਸਦੀ ਹੈ ਜੋ ਇੱਕ ਡੌਨ ਬਣ ਜਾਂਦਾ ਹੈ। ਫਿਲਮ ਦੀ ਕਹਾਣੀ ਇੱਕ ਮਾਫੀਆ ਡੌਨ ਦੀ ਲੁੱਟ ਦੇ ਦੁਆਲੇ ਬੁਣੀ ਗਈ ਹੈ। ਕਹਾਣੀ ਅਪਰਾਧ ਦੀ ਦੁਨੀਆ ਦੇ ਨਾਲ-ਨਾਲ ਰਾਜਨੀਤੀ, ਧੋਖੇ ਅਤੇ ਸਾਜ਼ਿਸ਼ ਦੇ ਆਲੇ-ਦੁਆਲੇ ਘੁੰਮਦੀ ਹੈ। ਟੀਬੀ ਪਟੇਲ ਇਸ ਫਿਲਮ ਦੇ ਨਿਰਮਾਤਾ ਹਨ। ਕਹਾਣੀ ਦੇ ਕੇਂਦਰ ਵਿੱਚ ਇੱਕ ਅਪਰਾਧ ਸਿੰਡੀਕੇਟ ਹੈ, ਜਿਸ ਵਿੱਚ ਨਵਾਬ ਖਾਨ ਆਪਣੇ ਉੱਤਰਾਧਿਕਾਰੀ ਦੀ ਭਾਲ ਕਰ ਰਿਹਾ ਹੈ। ਫਿਲਮ 'ਚ ਜਿੰਮੀ ਸ਼ੇਰਗਿੱਲ ਦੇ ਕਿਰਦਾਰ ਦਾ ਨਾਂ ਜਾਵੇਦ ਹੈ।
ਜਿੰਮੀ ਸ਼ੇਰੀਗਲ ਨੂੰ ਹਿੰਦੀ ਸਿਨੇਮਾ ਸਕ੍ਰੀਨ 'ਤੇ ਆਖਰੀ ਵਾਰ ਸੋਨਾਕਸ਼ੀ ਸਿਨਹਾ ਅਤੇ ਹੁਮਾ ਕੁਰੈਸ਼ੀ ਦੀ ਫਿਲਮ 'ਡਬਲ ਐਕਸਐਲ' ਵਿੱਚ ਇੱਕ ਕੈਮਿਓ ਰੋਲ ਵਿੱਚ ਦੇਖਿਆ ਗਿਆ ਸੀ। ਹਿੰਦੀ ਦੇ ਨਾਲ-ਨਾਲ ਜਿੰਮੀ ਸ਼ੇਰਗਿੱਲ ਪੰਜਾਬੀ ਫਿਲਮਾਂ ਦੇ ਵੱਡੇ ਸੁਪਰਸਟਾਰ ਹਨ। ਹਾਲਾਂਕਿ, 2018 ਦੀ 'ਸਾਹਿਬ ਬੀਬੀ ਔਰ ਗੈਂਗਸਟਰ 3' ਤੋਂ ਬਾਅਦ, ਉਸ ਦੀ ਕੋਈ ਵੀ ਹਿੰਦੀ ਫਿਲਮ ਬਾਕਸ ਆਫਿਸ 'ਤੇ ਕਮਾਲ ਨਹੀਂ ਕਰ ਸਕੀ ਹੈ, ਅਜਿਹੇ 'ਚ ਜਿੰਮੀ ਸ਼ੇਰਗਿੱਲ ਨੂੰ ਵੱਡੀ ਹਿੱਟ ਫਿਲਮ ਦੀ ਤਲਾਸ਼ ਹੈ।
