'ਪਠਾਨ' ਫਿਲਮ ਅੱਜ ਕਲ ਚਰਚਾ ਦਾ ਮੁਖ ਕੇਂਦਰ ਬਣੀ ਹੋਈ ਹੈ ਅਤੇ ਫਿਲਮ ਹਰ ਪਾਸੇ ਤਹਿਲਕਾ ਮਚਾ ਰਹੀ ਹੈ । 'ਪਠਾਨ' ਦੀ ਐਡਵਾਂਸ ਬੁਕਿੰਗ 20 ਜਨਵਰੀ ਤੋਂ ਸ਼ੁਰੂ ਹੋ ਗਈ ਸੀ । ਫਿਲਮ ਦੇ ਪਹਿਲੇ ਦਿਨ ਦੀ ਐਡਵਾਂਸ ਬੁਕਿੰਗ ਦੀ ਗੱਲ ਕਰੀਏ ਤਾਂ ਹੁਣ ਤੱਕ ਕੁੱਲ 3 ਲੱਖ 500 ਟਿਕਟਾਂ ਵਿਕ ਚੁੱਕੀਆਂ ਹਨ।
ਮਹਾਂਮਾਰੀ ਤੋਂ ਬਾਅਦ ਹਿੰਦੀ ਫਿਲਮਾਂ ਵਿੱਚ ਬ੍ਰਹਮਾਸਤਰ ਦੀ ਸਭ ਤੋਂ ਵੱਧ ਐਡਵਾਂਸ ਬੁਕਿੰਗ ਸੀ। ਹਾਲਾਂਕਿ ਟਿਕਟਾਂ ਦੀ ਵਿਕਰੀ ਦੇ ਮਾਮਲੇ 'ਚ ਦੋਵਾਂ ਫਿਲਮਾਂ ਦੇ ਅੰਕੜੇ ਕਾਫੀ ਨੇੜੇ ਹਨ। 'ਪਠਾਨ' ਨੇ 23 ਜਨਵਰੀ ਦੀ ਸਵੇਰ ਤੱਕ ਬ੍ਰਹਮਾਸਤਰ ਨੂੰ ਪਛਾੜ ਦਿਤਾ ਹੈ । ਜੇਕਰ ਐਡਵਾਂਸ ਬੁਕਿੰਗ ਦੇ ਹਿਸਾਬ ਨਾਲ ਡਾਟਾ ਕੱਢਿਆ ਜਾਵੇ ਤਾਂ ਫਿਲਮ ਨੇ ਪਹਿਲੇ ਦਿਨ 18 ਕਰੋੜ ਦੀ ਕਮਾਈ ਕਰ ਲਈ ਹੈ।
ਖਬਰਾਂ ਦੀ ਮੰਨੀਏ ਤਾਂ ਫਿਲਮ ਆਪਣੇ ਓਪਨਿੰਗ ਵੀਕੈਂਡ 'ਤੇ 150 ਤੋਂ 200 ਕਰੋੜ ਦੀ ਕਮਾਈ ਕਰ ਸਕਦੀ ਹੈ। 'ਪਠਾਨ' ਐਡਵਾਂਸ ਬੁਕਿੰਗ ਵਿੱਚ 'ਵਾਰ' ਅਤੇ 'ਕੇਜੀਐਫ' ਨੂੰ ਚੁਣੌਤੀ ਦਵੇਗੀ। ਰਿਪੋਰਟਾਂ ਮੁਤਾਬਕ ਪਠਾਨ ਦੀ ਐਡਵਾਂਸ ਬੁਕਿੰਗ 58 ਫੀਸਦੀ ਨੂੰ ਪਾਰ ਕਰ ਗਈ ਹੈ। ਹਿੰਦੀ ਭਾਸ਼ਾ ਦੀ ਗੱਲ ਕਰੀਏ ਤਾਂ ਰਿਤਿਕ ਰੋਸ਼ਨ ਦੀ ਵਾਰ ਅਤੇ ਯਸ਼ ਦੀ KGF 2 ਨੇ ਐਡਵਾਂਸ ਬੁਕਿੰਗ ਦੇ ਮਾਮਲੇ 'ਚ ਰਿਕਾਰਡ ਬਣਾਏ ਸਨ।
ਰਿਲੀਜ਼ ਤੋਂ ਪਹਿਲਾਂ, ਦੋਵਾਂ ਫਿਲਮਾਂ ਨੇ ਸਿਰਫ ਐਡਵਾਂਸ ਬੁਕਿੰਗ ਵਿੱਚ ਲਗਭਗ 20 ਕਰੋੜ ਰੁਪਏ ਦਾ ਸ਼ੁੱਧ ਸੰਗ੍ਰਹਿ ਕੀਤਾ ਸੀ। ਹੁਣ ਪਠਾਨ ਦੋਵੇਂ ਫਿਲਮਾਂ ਦੀ ਐਡਵਾਂਸ ਬੁਕਿੰਗ ਦੇ ਰਿਕਾਰਡ ਨੂੰ ਚੁਣੌਤੀ ਦੇਣ ਲਈ ਤਿਆਰ ਹੈ। ਬੰਗਾਲ ਅਤੇ ਆਂਧਰਾ ਪ੍ਰਦੇਸ਼ ਵਿੱਚ ਐਡਵਾਂਸ ਬੁਕਿੰਗ ਮਜ਼ਬੂਤ ਹੈ, ਜੇਕਰ ਖੇਤਰ ਦੇ ਹਿਸਾਬ ਨਾਲ ਦੇਖਿਆ ਜਾਵੇ ਤਾਂ ਪੱਛਮੀ ਬੰਗਾਲ ਵਿੱਚ ਫਿਲਮ ਦੀ ਐਡਵਾਂਸ ਬੁਕਿੰਗ ਮਜ਼ਬੂਤ ਹੋ ਰਹੀ ਹੈ। ਕਿਉਂਕਿ ਬੰਗਾਲ 'ਚ ਸ਼ਾਹਰੁਖ ਖਾਨ ਦੀ ਫੈਨ ਫਾਲੋਇੰਗ ਬਹੁਤ ਜ਼ਿਆਦਾ ਹੈ, ਇਸ ਲਈ ਉਥੋਂ ਅਜਿਹੇ ਨੰਬਰ ਆਉਣਾ ਕੋਈ ਹੈਰਾਨੀ ਵਾਲੀ ਗੱਲ ਨਹੀਂ ਹੈ।
ਹੈਦਰਾਬਾਦ ਅਤੇ ਆਂਧਰਾ ਪ੍ਰਦੇਸ਼ ਵੀ ਕਾਫੀ ਮਜ਼ਬੂਤ ਹਨ। ਇਸ ਦੇ ਨਾਲ ਹੀ ਪੰਜਾਬ ਅਤੇ ਗੁਜਰਾਤ 'ਚ ਫਿਲਮ ਦੀ ਐਡਵਾਂਸ ਬੁਕਿੰਗ ਦੀ ਰਫਤਾਰ ਥੋੜੀ ਘੱਟ ਹੈ। ਫਿਲਮ ਓਪਨਿੰਗ ਵੀਕੈਂਡ 'ਚ 150-200 ਕਰੋੜ ਦਾ ਕਾਰੋਬਾਰ ਕਰ ਸਕਦੀ ਹੈ। ਇਕ ਰਿਪੋਰਟ ਮੁਤਾਬਕ ਹੁਣ ਤੱਕ 14.66 ਕਰੋੜ ਰੁਪਏ ਦੀ ਐਡਵਾਂਸ ਬੁਕਿੰਗਾਂ ਵਿੱਚੋਂ 1.79 ਕਰੋੜ ਰੁਪਏ ਦਿੱਲੀ-ਐਨਸੀਆਰ ਤੋਂ ਕਮਾਏ ਗਏ ਹਨ। ਮੁੰਬਈ 'ਚ 1.74 ਕਰੋੜ ਰੁਪਏ ਦੀ ਐਡਵਾਂਸ ਬੁਕਿੰਗ ਹੋ ਚੁੱਕੀ ਹੈ। ਇਸੇ ਤਰ੍ਹਾਂ ਦੇਸ਼ ਦੇ ਹੋਰ ਵੱਡੇ ਸ਼ਹਿਰਾਂ ਬੈਂਗਲੁਰੂ, ਹੈਦਰਾਬਾਦ ਅਤੇ ਕੋਲਕਾਤਾ 'ਚ ਵੀ ਸ਼ਾਹਰੁਖ ਖਾਨ ਦੇ ਪ੍ਰਸ਼ੰਸਕਾਂ 'ਚ ਜ਼ਬਰਦਸਤ ਕ੍ਰੇਜ਼ ਹੈ।
