ਪ੍ਰਿਅੰਕਾ ਚੋਪੜਾ ਨੇ ਬਾਲੀਵੁੱਡ ਵਿਚ ਅਦਾਕਾਰਾਂ ਨਾਲ ਹੋ ਰਹੇ ਵਿਤਕਰੇ ਨੂੰ ਲੈ ਕੇ ਆਵਾਜ਼ ਉਠਾਈ ਸੀ, ਜਿਸਤੋ ਬਾਅਦ ਉਸਦੀ ਬਹੁਤ ਪ੍ਰਸੰਸਾ ਹੋਈ ਸੀ। ਪ੍ਰਿਅੰਕਾ ਚੋਪੜਾ ਸਟਾਰਰ ਮੋਸਟ ਅਵੇਟਿਡ OTT ਸ਼ੋਅ ਸਿਟਾਡੇਲ 28 ਅਪ੍ਰੈਲ ਨੂੰ ਰਿਲੀਜ਼ ਹੋ ਗਿਆ ਸੀ। ਇਸ ਵੈੱਬ ਸੀਰੀਜ਼ ਲਈ ਪ੍ਰਿਅੰਕਾ ਚੋਪੜਾ ਨੇ ਕਾਫੀ ਮਿਹਨਤ ਕੀਤੀ ਸੀ। ਨਤੀਜੇ ਵਜੋਂ, ਉਸਨੂੰ ਸਿਟਾਡੇਲ ਲਈ ਮਰਦ ਅਭਿਨੇਤਾ ਦੇ ਬਰਾਬਰ ਫੀਸ ਮਿਲੀ।
ਪ੍ਰਿਅੰਕਾ ਨੇ ਕਿਹਾ ਕਿ ਉਹ ਪਹਿਲਾਂ ਤਾਂ ਹੈਰਾਨ ਰਹਿ ਗਈ ਸੀ ਕਿ ਉਸ ਨੂੰ ਸਿਟਾਡੇਲ ਲਈ ਉਸ ਦੇ ਕੋ-ਸਟਾਰ ਰਿਚਰਡ ਮੈਡਨ ਜਿੰਨੀ ਹੀ ਰਕਮ ਦਿੱਤੀ ਗਈ ਸੀ। ਪ੍ਰਿਅੰਕਾ ਨੇ ਕਿਹਾ ਸੀ ਕਿ ਇਹ ਉਹ ਚੀਜ਼ ਸੀ ਜੋ ਉਸਦੀ ਜ਼ਿੰਦਗੀ ਵਿੱਚ ਦੁਬਾਰਾ ਕਦੇ ਨਹੀਂ ਹੋਵੇਗੀ, ਇਸ ਲਈ ਉਸ ਨੇ ਇਸ ਬਾਰੇ ਸੋਚਣਾ ਬੰਦ ਕਰ ਦਿੱਤਾ ਸੀ । ਹਾਲਾਂਕਿ, ਹੁਣ ਪ੍ਰਿਯੰਕਾ ਨੂੰ ਲਵ ਅਗੇਨ ਲਈ ਉਸਦੇ ਸਹਿ-ਕਲਾਕਾਰ ਦੇ ਬਰਾਬਰ ਭੁਗਤਾਨ ਕੀਤਾ ਜਾ ਰਿਹਾ ਹੈ। ਪ੍ਰਿਅੰਕਾ ਨੇ ਕਿਹਾ- 'ਸੱਚ ਕਹਾਂ ਤਾਂ ਮੈਂ ਬਹੁਤ ਹੈਰਾਨ ਹੋਈ, ਕਿਉਂਕਿ ਮੈਂ ਇਸ ਬਾਰੇ ਸੋਚਣਾ ਜਾਂ ਬੋਲਣਾ ਬੰਦ ਕਰ ਦਿੱਤਾ ਸੀ।' ਮੇਰੇ ਪੁਰਸ਼ ਕਲਾਕਾਰਾਂ ਦੀ ਫੀਸ ਅਤੇ ਮੈਨੂੰ ਮਿਲਣ ਵਾਲੀ ਫੀਸ ਵਿੱਚ ਬਹੁਤ ਫਰਕ ਹੁੰਦਾ ਸੀ। ਮੈਨੂੰ ਸੱਚਮੁੱਚ ਉਮੀਦ ਨਹੀਂ ਸੀ ਕਿ ਇਹ ਚੀਜ਼ ਜ਼ਿੰਦਗੀ ਵਿੱਚ ਕਦੇ ਦੋਬਾਰਾ ਵੀ ਵਾਪਰੇਗੀ।
ਪ੍ਰਿਅੰਕਾ ਨੇ ਕਿਹਾ- 'ਜਦੋਂ ਔਰਤਾਂ ਇੰਡਸਟਰੀ 'ਚ ਵੱਡੇ ਅਹੁਦਿਆਂ 'ਤੇ ਹੁੰਦੀਆਂ ਹਨ ਤਾਂ ਕੀ ਉਹ ਪਿੱਛੇ ਮੁੜ ਕੇ ਦੇਖਦੀਆਂ ਹਨ ਅਤੇ ਦੂਜੀਆਂ ਔਰਤਾਂ ਦੀ ਮਦਦ ਕਰਦੀਆਂ ਹਨ ਅਤੇ ਹੋਰ ਔਰਤਾਂ ਲਈ ਮੌਕੇ ਪੈਦਾ ਕਰਦੀਆਂ ਹਨ। ਮੈਨੂੰ ਲੱਗਦਾ ਹੈ ਕਿ ਜਵਾਬ ਹਾਂ ਹੈ। ਮੈਂ ਹੁਣ ਮਹਿਸੂਸ ਕਰਦੀ ਹਾਂ ਕਿ ਮੈਂ ਬਹੁਤ ਲੰਬਾ ਸਫ਼ਰ ਤੈਅ ਕੀਤਾ ਹੈ। ਮਹਿਸੂਸ ਹੁੰਦਾ ਹੈ ਕਿ ਮੈਂ ਕੱਚ ਦੀ ਕੰਧ ਨੂੰ ਤੋੜ ਕੇ ਆਪਣੇ ਲਈ ਇੱਕ ਰਸਤਾ ਬਣਾ ਲਿਆ ਹੈ, ਜੋ ਆਉਣ ਵਾਲੇ ਅਦਾਕਾਰਾਂ ਲਈ ਲਾਭਦਾਇਕ ਹੋ ਸਕਦਾ ਹੈ। ਲਵ ਅਗੇਨ ਅਤੇ ਸੀਟਾਡੇਲ ਤੋਂ ਬਾਅਦ, ਮੈਂ ਜ਼ਿਆਦਾਤਰ ਪ੍ਰੋਜੈਕਟਾਂ ਲਈ ਇੱਕੋ ਜਿਹੀ ਰਕਮ ਲਈ ਹੈ।
ਪ੍ਰਿਅੰਕਾ ਆਪਣੀ ਆਉਣ ਵਾਲੀ ਸੀਰੀਜ਼ 'ਸਿਟਾਡੇਲ' ਦਾ ਪ੍ਰਮੋਸ਼ਨ ਕਰ ਰਹੀ ਸੀ। ਇਸ ਦੌਰਾਨ ਉਸਨੇ ਦੱਸਿਆ ਸੀ ਕਿ 22 ਸਾਲਾਂ ਦੇ ਆਪਣੇ ਕਰੀਅਰ ਵਿੱਚ ਇਹ ਪਹਿਲੀ ਵਾਰ ਹੈ, ਜਦੋਂ ਉਸਨੇ ਆਪਣੇ ਮੇਲ-ਕੋ-ਸਟਾਰ ਦੇ ਬਰਾਬਰ ਫੀਸ ਲਈ ਹੈ। ਇਸ ਦੌਰਾਨ ਉਸਨੇ ਬਰਾਬਰ ਕੰਮ ਕਰਨ ਦੇ ਬਾਵਜੂਦ ਔਰਤ ਹੋਣ ਕਾਰਨ ਘੱਟ ਫੀਸ ਲੈਣ ਅਤੇ ਇੰਡਸਟਰੀ 'ਚ ਦਬਾਅ ਵਧਣ ਦੀ ਗੱਲ ਕੀਤੀ ਸੀ। ਵਰਕਫ੍ਰੰਟ ਦੀ ਗੱਲ ਕਰੀਏ ਤਾਂ ਪ੍ਰਿਯੰਕਾ ਦੀ ਵੈੱਬ ਸੀਰੀਜ਼ ਸੀਟਾਡੇਲ 28 ਅਪ੍ਰੈਲ ਨੂੰ OTT 'ਤੇ ਰਿਲੀਜ਼ ਹੋ ਚੁੱਕੀ ਹੈ। ਇਸ ਤੋਂ ਇਲਾਵਾ 12 ਮਈ ਨੂੰ ਅਦਾਕਾਰਾ ਦੀ ਫਿਲਮ ਲਵ ਅਗੇਨ ਰਿਲੀਜ਼ ਹੋਵੇਗੀ, ਜਿਸ 'ਚ ਪ੍ਰਿਅੰਕਾ ਦੇ ਨਾਲ ਹਾਲੀਵੁੱਡ ਐਕਟਰ ਸੈਮ ਹਿਊਗਨ ਨਜ਼ਰ ਆਉਣਗੇ।
