ਸਾਮੰਥਾ ਰੂਥ ਪ੍ਰਭੂ ਬਹੁਤ ਘਟ ਸਮੇਂ 'ਚ ਫ਼ਿਲਮਾਂ 'ਚ ਮਸ਼ਹੂਰ ਹੋਈ ਹੈ। ਦੱਖਣੀ ਫ਼ਿਲਮਾਂ ਦੀ ਅਭਿਨੇਤਰੀ ਸਮੰਥਾ ਰੂਥ ਪ੍ਰਭੂ ਮਾਈਓਸਾਈਟਿਸ ਨਾਮਕ ਇੱਕ ਆਟੋ-ਇਮਿਊਨ ਬਿਮਾਰੀ ਨਾਲ ਜੂਝ ਰਹੀ ਸੀ। ਇਸ ਗੱਲ ਦੀ ਜਾਣਕਾਰੀ ਉਨ੍ਹਾਂ ਨੇ ਖੁਦ ਆਪਣੇ ਸੋਸ਼ਲ ਮੀਡੀਆ ਅਕਾਊਂਟ 'ਤੇ ਦਿੱਤੀ ਹੈ। ਹੁਣ ਉਨ੍ਹਾਂ ਦੀ ਸਿਹਤ 'ਚ ਕਾਫੀ ਸੁਧਾਰ ਹੈ ਅਤੇ ਅਦਾਕਾਰਾ ਨੇ ਇਕ ਵਾਰ ਫਿਰ ਤੋਂ ਕੰਮ ਕਰਨਾ ਸ਼ੁਰੂ ਕਰ ਦਿੱਤਾ ਹੈ।
ਇਸ ਦੌਰਾਨ ਅਦਾਕਾਰਾ ਨੇ ਸੋਸ਼ਲ ਮੀਡੀਆ 'ਤੇ ਇਕ ਵੀਡੀਓ ਸ਼ੇਅਰ ਕੀਤੀ ਹੈ, ਜਿਸ 'ਚ ਉਹ ਵਰਕਆਊਟ ਕਰਦੀ ਨਜ਼ਰ ਆ ਰਹੀ ਹੈ। ਇਸ ਵੀਡੀਓ 'ਚ ਸਮੰਥਾ ਪੁੱਲ ਅੱਪਸ ਕਰਦੀ ਨਜ਼ਰ ਆ ਰਹੀ ਹੈ। ਇਹ ਵੀਡੀਓ ਸਾਹਮਣੇ ਆਉਂਦੇ ਹੀ ਯੂਜ਼ਰਸ ਸੋਸ਼ਲ ਮੀਡੀਆ 'ਤੇ ਉਸਦੀ ਖੂਬ ਤਾਰੀਫ ਕਰ ਰਹੇ ਹਨ, ਉਥੇ ਹੀ ਇਕ ਯੂਜ਼ਰ ਨੇ ਕਮੈਂਟ ਕਰਦੇ ਹੋਏ ਲਿਖਿਆ, 'ਵੈਲਕਮ ਬੈਕ ਸਮੰਥਾ'। ਤਾਂ ਦੂਜੇ ਨੇ ਲਿਖਿਆ, 'ਤੁਸੀਂ ਸਭ ਤੋਂ ਮਜ਼ਬੂਤ ਹੋ'।
ਸਾਮੰਥਾ ਨੇ ਆਪਣੇ ਬਹੁ-ਪ੍ਰਤੀਤ ਪ੍ਰੋਜੈਕਟ 'ਸਿਟਾਡੇਲ' 'ਤੇ ਕੰਮ ਸ਼ੁਰੂ ਕਰ ਦਿੱਤਾ ਹੈ। ਸਮੰਥਾ ਦੀ ਬੀਮਾਰੀ ਕਾਰਨ ਲਗਾਤਾਰ ਖਬਰਾਂ ਆ ਰਹੀਆਂ ਸਨ, ਕਿ ਅਦਾਕਾਰਾ ਇਸ ਪ੍ਰੋਜੈਕਟ ਤੋਂ ਹਟ ਸਕਦੀ ਹੈ, ਪਰ ਹੁਣ ਅਦਾਕਾਰਾ ਦੀ ਸ਼ੂਟਿੰਗ 'ਤੇ ਵਾਪਸੀ ਨੇ ਇਨ੍ਹਾਂ ਸਾਰੀਆਂ ਖਬਰਾਂ 'ਤੇ ਰੋਕ ਲਗਾ ਦਿੱਤੀ ਹੈ। ਸ਼ੂਟਿੰਗ ਤੋਂ ਲੰਬਾ ਬ੍ਰੇਕ ਲੈਣ ਤੋਂ ਬਾਅਦ, ਅਭਿਨੇਤਰੀ ਨੇ ਵਰੁਣ ਧਵਨ ਦੇ ਨਾਲ 'ਸਿਟਾਡੇਲ' ਦੀ ਸ਼ੂਟਿੰਗ ਸ਼ੁਰੂ ਕਰ ਦਿੱਤੀ ਹੈ।
ਵਰਕ ਫਰੰਟ ਦੀ ਗੱਲ ਕਰੀਏ ਤਾਂ ਸਮੰਥਾ ਜਲਦੀ ਹੀ ਵਿਜੇ ਦੇਵਰਕੋਂਡਾ ਦੇ ਨਾਲ ਰੋਮਾਂਟਿਕ ਡਰਾਮਾ ਫਿਲਮ 'ਕੁਸ਼ੀ' ਵਿੱਚ ਨਜ਼ਰ ਆਵੇਗੀ। ਇਸ ਫਿਲਮ ਦਾ ਨਿਰਦੇਸ਼ਨ ਸ਼ਿਵ ਨਰਵਾਣੇ ਨੇ ਕੀਤਾ ਹੈ। ਫਿਲਮ ਪਹਿਲਾਂ ਦਸੰਬਰ 'ਚ ਰਿਲੀਜ਼ ਹੋਣੀ ਸੀ, ਪਰ ਇਕ ਇੰਟਰਵਿਊ ਦੌਰਾਨ ਵਿਜੇ ਨੇ ਦੱਸਿਆ ਕਿ ਇਹ ਫਿਲਮ ਫਰਵਰੀ 2023 'ਚ ਰਿਲੀਜ਼ ਹੋਵੇਗੀ।
ਇਸ ਤੋਂ ਇਲਾਵਾ 17 ਫਰਵਰੀ ਨੂੰ ਸਾਮੰਥਾ ਦੀ ਫਿਲਮ ਸ਼ਕੁੰਤਲਮ ਵੀ ਬਾਕਸ ਆਫਿਸ 'ਤੇ ਦਸਤਕ ਦੇਣ ਲਈ ਤਿਆਰ ਹੈ। ਇਹ ਫਿਲਮ ਕਾਲੀਦਾਸ ਦੇ ਮਸ਼ਹੂਰ ਸੰਸਕ੍ਰਿਤ ਨਾਟਕ ਸ਼ਕੁੰਤਲਮ ਤੋਂ ਬਣਾਈ ਗਈ ਹੈ। ਇਸਤੋਂ ਪਹਿਲਾ ਵੀ ਸਮੰਥਾ ਨੇ ਇਹ ਵੀ ਸਪੱਸ਼ਟ ਕੀਤਾ ਸੀ, ਕਿ ਉਸਦੀ ਬਿਮਾਰੀ ਜਾਨਲੇਵਾ ਨਹੀਂ ਹੈ, ਕਿਉਂਕਿ ਕੁਝ ਪ੍ਰਕਾਸ਼ਨ ਲਿਖ ਰਹੇ ਹਨ। "ਮੈਂ ਇੱਕ ਗੱਲ ਸਪੱਸ਼ਟ ਕਰਨਾ ਚਾਹੁੰਦੀ ਹਾਂ, ਕਿ ਮੈਂ ਬਹੁਤ ਸਾਰੇ ਲੇਖ ਦੇਖੇ ਹਨ ਜੋ ਮੇਰੀ ਸਥਿਤੀ ਨੂੰ ਜਾਨਲੇਵਾ ਦਸਦੇ ਹੈ, ਮੈਂ ਜਿਸ ਹਾਲਤ ਵਿੱਚ ਹਾਂ ਉਹ ਜਾਨਲੇਵਾ ਨਹੀਂ ਹੈ।''
