ਸਾਮੰਥਾ ਰੂਥ ਪ੍ਰਭੂ ਅੱਜ ਦੇਸ਼ ਦੀ ਸਭ ਤੋਂ ਮਸ਼ਹੂਰ ਸਿਤਾਰਿਆਂ ਵਿੱਚੋਂ ਇੱਕ ਹੈ। 'ਕੌਫੀ ਵਿਦ ਕਰਨ' ਦੇ ਸੀਜ਼ਨ 7 ਦੇ ਐਪੀਸੋਡ 'ਚ ਸਾਮੰਥਾ ਰੂਥ ਪ੍ਰਭੂ ਨੂੰ ਅਕਸ਼ੈ ਕੁਮਾਰ ਨਾਲ ਦੇਖਿਆ ਗਿਆ । ਸ਼ੋਅ 'ਤੇ, ਅਭਿਨੇਤਰੀ ਨੇ ਖੁਲਾਸਾ ਕੀਤਾ ਕਿ ਉਹ ਅਦਾਕਾਰੀ ਵਿੱਚ ਆਈ, ਕਿਉਂਕਿ ਪਰਿਵਾਰ ਕੋਲ ਉਸਦੀ ਉੱਚ ਸਿੱਖਿਆ ਲਈ ਪੈਸੇ ਨਹੀਂ ਸਨ।
ਇਸਦੇ ਨਾਲ ਹੀ, ਸਾਮੰਥਾ ਨੇ ਦੱਸਿਆ ਕਿ ਉਸਦੇ ਪਿਤਾ ਨੇ ਉਸਨੂੰ ਪੈਸੇ ਦੇਣ ਤੋਂ ਇਨਕਾਰ ਕਰ ਦਿੱਤਾ ਸੀ। ਜਦੋਂ ਕਰਨ ਨੇ ਸਮੰਥਾ ਨੂੰ ਪੁੱਛਿਆ ਕਿ ਕੀ ਅਦਾਕਾਰੀ ਵਿੱਚ ਆਉਣਾ ਉਸਦਾ ਸੁਪਨਾ ਸੀ। ਜਿਸ 'ਤੇ ਅਭਿਨੇਤਰੀ ਨੇ ਕਿਹਾ, "ਨਹੀਂ, ਮੈਂ ਅਜਿਹਾ ਕਦੇ ਨਹੀਂ ਸੋਚਿਆ ਸੀ। ਅਸਲ ਵਿੱਚ ਮੇਰੇ ਕੋਲ ਕੋਈ ਵਿਕਲਪ ਨਹੀਂ ਸੀ, ਕਿਉਂਕਿ ਘਰ ਵਿੱਚ ਕੁਝ ਠੀਕ ਨਹੀਂ ਚੱਲ ਰਿਹਾ ਸੀ।
ਸਾਡੇ ਕੋਲ ਅੱਗੇ ਪੜ੍ਹਨ ਲਈ ਪੈਸੇ ਨਹੀਂ ਸਨ। ਜਦੋਂ ਮੇਰੇ ਪਿਤਾ ਨੇ ਕਿਹਾ ਕਿ 'ਮੈਂ ਤੁਹਾਡੀ ਫੀਸ ਨਹੀਂ ਦੇ ਸਕਦਾ। ਇਸ ਕਾਰਨ ਮੇਰੀ ਜ਼ਿੰਦਗੀ ਪੂਰੀ ਤਰ੍ਹਾਂ ਬਦਲ ਗਈ ਹੈ। ਜਦੋਂ ਅਕਸ਼ੈ ਕੁਮਾਰ ਨੇ ਕਿਹਾ ਕਿ ਮਰਦ ਕਲਾਕਾਰ ਮਲਟੀ-ਸਟਾਰਰ ਫਿਲਮਾਂ ਕਰਨ 'ਚ ਅਸੁਰੱਖਿਆ ਮਹਿਸੂਸ ਕਰਦੇ ਹਨ। ਇਸ 'ਤੇ ਸਾਮੰਥਾ ਨੇ ਕਿਹਾ ਕਿ ਮਹਿਲਾ ਅਦਾਕਾਰਾਂ ਨਾਲ ਅਜਿਹਾ ਕੁਝ ਨਹੀਂ ਹੁੰਦਾ।
ਅਭਿਨੇਤਰੀ ਨੇ ਕਿਹਾ, "ਤੁਸੀਂ ਸੋਚੋਗੇ ਕਿ ਮਹਿਲਾ ਅਦਾਕਾਰਾਂ ਨੂੰ ਵੀ ਇਹੀ ਸਮੱਸਿਆ ਹੋਵੇਗੀ, ਪਰ ਅਜਿਹਾ ਕੁਝ ਨਹੀਂ। ਮੈਂ ਹਾਲ ਹੀ ਵਿੱਚ ਨਯਨਤਾਰਾ ਨਾਲ ਇੱਕ ਫਿਲਮ ਕੀਤੀ ਸੀ ਅਤੇ ਉਸ ਨਾਲ ਕੰਮ ਕਰਨਾ ਬਹੁਤ ਵਧੀਆ ਅਨੁਭਵ ਸੀ।" ਸਾਮੰਥਾ ਨੇ ਅੱਗੇ ਕਿਹਾ, "ਸ਼ੂਟ ਦੇ ਆਖਰੀ ਦਿਨ ਅਸੀਂ ਦੋਵਾਂ ਨੇ ਇੱਕ ਦੂਜੇ ਨੂੰ ਗਲੇ ਲਗਾਇਆ ਅਤੇ ਸਾਡੀਆਂ ਦੋਹਾਂ ਦੀਆਂ ਅੱਖਾਂ ਵਿੱਚ ਹੰਝੂ ਸਨ। ਅਸੀਂ ਦੋਵਾਂ ਨੇ ਇਕੱਠੇ ਕੰਮ ਕਰਕੇ ਬਹੁਤ ਵਧੀਆ ਸਮਾਂ ਬਿਤਾਇਆ ਹੈ।"
ਨਯਨਥਾਰਾ ਅਤੇ ਸਾਮੰਥਾ ਰੂਥ ਪ੍ਰਭੂ ਨੂੰ 2022 ਦੀ ਫਿਲਮ 'ਕਥੁਵਕਾਲੂ ਰੇਂਧੁ ਕੰਧਲ' ਵਿੱਚ ਇਕੱਠੇ ਦੇਖਿਆ ਗਿਆ ਸੀ। ਇਸ ਫਿਲਮ 'ਚ ਵਿਜੇ ਸੇਤੂਪਤੀ ਵੀ ਮੁੱਖ ਭੂਮਿਕਾ 'ਚ ਸਨ। ਸਾਮੰਥਾ ਦੇ ਵਰਕਫਰੰਟ ਦੀ ਗੱਲ ਕਰੀਏ ਤਾਂ ਇਹ ਅਭਿਨੇਤਰੀ ਜਲਦੀ ਹੀ ਫਿਲਿਪ ਜਾਨ ਨਾਲ 'ਅਰੇਂਜਮੈਂਟ ਆਫ ਲਵ' 'ਚ ਨਜ਼ਰ ਆਵੇਗੀ। ਇਸ ਫਿਲਮ 'ਚ ਸਾਮੰਥਾ ਇਕ ਬਾਇਸੈਕਸੁਅਲ ਕਿਰਦਾਰ ਨਿਭਾਉਂਦੀ ਨਜ਼ਰ ਆਵੇਗੀ, ਜੋ ਆਪਣੀ ਡਿਟੈਕਟਿਵ ਏਜੰਸੀ ਚਲਾਉਂਦੀ ਹੈ। ਇਸ ਤੋਂ ਇਲਾਵਾ ਉਸ ਕੋਲ 'ਸ਼ਕੁੰਤਲਮ', 'ਯਸ਼ੋਦਾ' ਅਤੇ 'ਖੁਸ਼ੀ' ਵਰਗੀਆਂ ਫਿਲਮਾਂ ਹਨ। ਅਦਾਕਾਰਾ ਨੇ 'ਦਿ ਫੈਮਿਲੀ ਮੈਨ 2' ਨਾਲ ਡਿਜੀਟਲ ਡੈਬਿਊ ਕੀਤਾ ਸੀ।
