ਸ਼ਾਹਰੁਖ ਦੀ ਪਠਾਨ ਹਰ ਨਵੇਂ ਦਿਨ ਦੇ ਨਾਲ ਰਿਕਾਰਡ ਬਣਾ ਰਹੀ ਹੈ। ਸ਼ਾਹਰੁਖ ਖਾਨ ਦੀ ਫਿਲਮ 'ਪਠਾਨ' ਨੇ ਬਾਲੀਵੁੱਡ ਫਿਲਮਾਂ ਵਿੱਚ ਕਮਾਈ ਦੇ ਮਾਮਲੇ ਵਿੱਚ ਆਮਿਰ ਖਾਨ ਦੀ ਫਿਲਮ ਦੰਗਲ ਦਾ ਰਿਕਾਰਡ ਤੋੜ ਦਿੱਤਾ ਹੈ। ਬਾਕਸ ਆਫਿਸ ਇੰਡੀਆ ਦੀ ਰਿਪੋਰਟ ਮੁਤਾਬਕ ਪਠਾਨ ਨੇ ਸਿਰਫ 11 ਦਿਨਾਂ 'ਚ 386.50 ਕਰੋੜ ਦੀ ਕਮਾਈ ਕੀਤੀ ਹੈ, ਜਦਕਿ ਦੰਗਲ ਨੇ ਘਰੇਲੂ ਬਾਕਸ ਆਫਿਸ 'ਤੇ 374.43 ਕਰੋੜ ਦੀ ਕਮਾਈ ਕੀਤੀ ਸੀ ।
ਸਮੁੱਚੇ ਹਿੰਦੀ ਸੰਸਕਰਣ ਵਿੱਚ ਸਭ ਤੋਂ ਵੱਧ ਕਮਾਈ ਕਰਨ ਵਾਲੀਆਂ ਫਿਲਮਾਂ ਵਿੱਚ ਬਾਹੂਬਲੀ-2 ਅਤੇ ਕੇਜੀਐਫ-2 ਹੁਣ ਪਠਾਨ ਤੋਂ ਅੱਗੇ ਦੋ ਫਿਲਮਾਂ ਹਨ। ਦੋਵਾਂ ਦੇ ਹਿੰਦੀ ਸੰਸਕਰਣਾਂ ਦਾ ਸੰਗ੍ਰਹਿ 435.33 ਕਰੋੜ ਰੁਪਏ ਅਤੇ 510.99 ਕਰੋੜ ਰੁਪਏ ਹੈ। ਜੇਕਰ ਤਾਮਿਲ ਅਤੇ ਤੇਲਗੂ ਦੇ ਅੰਕੜਿਆਂ ਨੂੰ ਜੋੜਿਆ ਜਾਵੇ ਤਾਂ 'ਪਠਾਨ' ਦੀ ਕੁੱਲ ਕਮਾਈ ਇਸ ਸਮੇਂ 400 ਕਰੋੜ ਨੂੰ ਪਾਰ ਕਰ ਚੁੱਕੀ ਹੈ। ਇਸ ਦੇ ਨਾਲ ਹੀ ਦੁਨੀਆ ਭਰ 'ਚ ਕੁਲੈਕਸ਼ਨ 729 ਕਰੋੜ ਤੱਕ ਪਹੁੰਚ ਗਿਆ ਹੈ।
ਅਸਲ ਵਿੱਚ ਹਿੰਦੀ ਭਾਸ਼ਾ ਵਿੱਚ ਬਣੀਆਂ ਫਿਲਮਾਂ ਵਿੱਚੋਂ ਦੰਗਲ ਨੇ ਦੁਨੀਆ ਭਰ ਵਿੱਚ ਸਭ ਤੋਂ ਵੱਧ 2,024 ਕਰੋੜ ਦੀ ਕਮਾਈ ਕੀਤੀ ਸੀ। ਦੂਜੇ ਨੰਬਰ 'ਤੇ ਸਲਮਾਨ ਖਾਨ ਦੀ ਫਿਲਮ ਬਜਰੰਗੀ ਭਾਈਜਾਨ ਰਹੀ, ਜਿਸ ਨੇ ਦੁਨੀਆ ਭਰ 'ਚ 969.06 ਕਰੋੜ ਦੀ ਕਮਾਈ ਕੀਤੀ। ਆਮਿਰ ਖਾਨ ਦੀ ਫਿਲਮ ਸੀਕ੍ਰੇਟ ਸੁਪਰਸਟਾਰ ਨੇ 966.86 ਕਰੋੜ ਦੀ ਕਮਾਈ ਕੀਤੀ, ਜਦੋਂ ਕਿ ਉਨ੍ਹਾਂ ਦੀ ਇੱਕ ਹੋਰ ਫਿਲਮ ਪੀਕੇ ਨੇ 854 ਕਰੋੜ ਦੀ ਕਮਾਈ ਕੀਤੀ। ਹੁਣ ਇਸ ਸੂਚੀ ਵਿੱਚ 729 ਕਰੋੜ ਦੇ ਨਾਲ ਪਠਾਨ ਦੀ ਐਂਟਰੀ ਹੋ ਗਈ ਹੈ।
ਪਠਾਨ ਬਾਲੀਵੁੱਡ 'ਚ ਸਭ ਤੋਂ ਤੇਜ਼ੀ ਨਾਲ 300 ਕਰੋੜ ਦੀ ਕਮਾਈ ਕਰਨ ਵਾਲੀ ਫਿਲਮ ਹੈ। ਸ਼ੁਰੂਆਤੀ ਹਫਤੇ 'ਚ ਹੀ ਫਿਲਮ ਨੇ 318.50 ਕਰੋੜ ਦੀ ਕਮਾਈ ਕਰਕੇ ਰਿਕਾਰਡ ਬਣਾਇਆ ਹੈ। ਇਸ ਤੋਂ ਪਹਿਲਾਂ, KGF-2 ਦੇ ਹਿੰਦੀ ਸੰਸਕਰਣ ਨੇ ਪਹਿਲੇ ਹਫ਼ਤੇ ਵਿੱਚ ਸਭ ਤੋਂ ਵੱਧ 268.63 ਕਰੋੜ ਦੀ ਕਮਾਈ ਕੀਤੀ ਸੀ। ਇਸ ਦੇ ਨਾਲ ਹੀ ਬਾਹੂਬਲੀ-2 ਫਿਲਮ 247 ਕਰੋੜ ਦੀ ਕਮਾਈ ਨਾਲ ਦੂਜੇ ਨੰਬਰ 'ਤੇ ਰਹੀ। ਪਠਾਨ ਨੇ ਸਿਨੇਮਾਘਰਾਂ ਵਿੱਚ ਆਪਣੀ ਬਲਾਕਬਸਟਰ ਦੌੜ ਜਾਰੀ ਰੱਖੀ ਹੈ। ਟ੍ਰੇਡ ਐਨਾਲਿਸਟ ਤਰਨ ਆਦਰਸ਼ ਦੇ ਮੁਤਾਬਕ, ਫਿਲਮ ਨੇ ਘਰੇਲੂ ਬਾਕਸ ਆਫਿਸ 'ਤੇ ਹੁਣ ਤੱਕ 378.15 ਕਰੋੜ ਰੁਪਏ ਦੀ ਕਮਾਈ ਕੀਤੀ ਹੈ। ਦੂਜੇ ਪਾਸੇ ਵਰਲਡਵਾਈਡ ਕਲੈਕਸ਼ਨ ਦੀ ਗੱਲ ਕਰੀਏ ਤਾਂ ਫਿਲਮ ਨੇ ਹੁਣ ਤੱਕ 725 ਕਰੋੜ ਤੋਂ ਜ਼ਿਆਦਾ ਦਾ ਕਲੈਕਸ਼ਨ ਕਰ ਲਿਆ ਹੈ।
