ਸ਼ਾਹਰੁਖ ਖਾਨ ਦੇ ਪੁੱਤਰ ਆਰੀਅਨ ਖਾਨ ਬਾਲੀਵੁੱਡ 'ਚ ਧਮਾਲ ਮਚਾਉਣ ਲਈ ਤਿਆਰ ਹੈ। ਸ਼ਾਹਰੁਖ ਖਾਨ ਨੇ ਆਪਣੇ ਬੇਟੇ ਆਰੀਅਨ ਖਾਨ ਨੂੰ ਬਾਲੀਵੁੱਡ 'ਚ ਲਾਂਚ ਕਰਨ ਲਈ ਸਪੋਰਟ ਕਰਨ 'ਚ ਕੋਈ ਕਸਰ ਨਹੀਂ ਛੱਡੀ ਹੈ।
ਆਰੀਅਨ ਖਾਨ ਨੇ ਵੀ ਭੈਣ ਸੁਹਾਨਾ ਖਾਨ ਦੀ ਤਰ੍ਹਾਂ ਇੰਡਸਟਰੀ 'ਚ ਐਕਟਿਵ ਹੋਣ ਦੀ ਤਿਆਰੀ ਕਰ ਲਈ ਹੈ। ਪਰ ਆਰੀਅਨ ਦਾ ਇਹ ਡੈਬਿਊ ਸਕ੍ਰੀਨ 'ਤੇ ਨਹੀਂ ਸਗੋਂ ਕੈਮਰੇ ਦੇ ਪਿੱਛੇ ਹੋਵੇਗਾ। ਆਰੀਅਨ ਐਕਟਿੰਗ ਤੋਂ ਪਹਿਲਾਂ ਪ੍ਰੋਡਕਸ਼ਨ ਵਿੱਚ ਹੱਥ ਅਜ਼ਮਾਉਣਾ ਚਾਹੁੰਦਾ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਸ਼ਾਹਰੁਖ ਨੇ ਆਪਣੀ ਟ੍ਰੇਨਿੰਗ ਲਈ ਆਰੀਅਨ ਦੇ ਆਉਣ ਵਾਲੇ ਪ੍ਰੋਜੈਕਟ ਲਈ ਇੱਕ ਮਸ਼ਹੂਰ ਫਿਲਮ ਨਿਰਮਾਤਾ ਨੂੰ ਚੁਣਿਆ ਹੈ।
ਵੈੱਬਸਾਈਟ ਦੀ ਰਿਪੋਰਟ ਮੁਤਾਬਕ ਜਲਦ ਹੀ ਸ਼ਾਹਰੁਖ ਦੇ ਬੇਟੇ ਆਰੀਅਨ ਆਪਣੇ ਡੈਬਿਊ ਪ੍ਰੋਜੈਕਟ ਦੇ ਪ੍ਰੋਡਕਸ਼ਨ ਦੀ ਜ਼ਿੰਮੇਵਾਰੀ ਸੰਭਾਲਣਗੇ ਅਤੇ ਇਸ 'ਤੇ ਕੰਮ ਸ਼ੁਰੂ ਹੋ ਚੁੱਕਾ ਹੈ। ਖਬਰਾਂ ਮੁਤਾਬਕ ਆਰੀਅਨ ਜਲਦ ਹੀ ਸ਼ਾਹਰੁਖ ਦੀ ਪ੍ਰੋਡਕਸ਼ਨ ਕੰਪਨੀ ਰੈੱਡ ਚਿਲੀਜ਼ ਐਂਟਰਟੇਨਮੈਂਟ ਦੇ ਬੈਨਰ ਹੇਠ ਬਣਨ ਵਾਲੀ ਵੈੱਬ ਸੀਰੀਜ਼ ਦਾ ਸਕ੍ਰਿਪਟ ਰਾਈਟਰ ਬਣਨ ਜਾ ਰਿਹਾ ਹੈ। ਆਰੀਅਨ ਨੂੰ ਫਿਲਮ ਐਕਟਿੰਗ ਨਾਲੋਂ ਫਿਲਮ ਮੇਕਿੰਗ ਵਿੱਚ ਜ਼ਿਆਦਾ ਦਿਲਚਸਪੀ ਹੈ।
ਆਰੀਅਨ ਨਿਰਦੇਸ਼ਨ ਤੋਂ ਪਹਿਲਾਂ ਖੁਦ ਨੂੰ ਲੇਖਕ ਵਜੋਂ ਅਜ਼ਮਾਉਣਾ ਚਾਹੁੰਦਾ ਹੈ। ਇਸ ਦੇ ਲਈ ਸ਼ਾਹਰੁਖ ਨੇ ਮਸ਼ਹੂਰ ਇਜ਼ਰਾਇਲੀ ਸੀਰੀਜ਼ 'ਫੌਦਾ' ਦੇ ਫਿਲਮਕਾਰ ਲਿਓਰ ਰਾਜ਼ ਨੂੰ ਬਿਹਤਰੀਨ ਟ੍ਰੇਨਿੰਗ ਦੇਣ ਲਈ ਚੁਣਿਆ ਹੈ। ਆਰੀਅਨ ਖਾਨ ਦੇ ਇਸ ਡੈਬਿਊ ਪ੍ਰੋਜੈਕਟ 'ਤੇ ਕੰਮ ਸ਼ੁਰੂ ਹੋ ਚੁੱਕਾ ਹੈ। ਇਸ ਵੈੱਬ ਸੀਰੀਜ਼ ਦੇ ਕਾਸਟ ਲਈ ਆਡੀਸ਼ਨ ਵੀ ਸ਼ੁਰੂ ਹੋ ਗਏ ਹਨ। ਫਿਲਹਾਲ ਇਸ ਵੈੱਬ ਸੀਰੀਜ਼ ਦਾ ਕੰਮ ਸ਼ੁਰੂਆਤੀ ਪੜਾਅ 'ਚ ਹੈ, ਪਰ ਉਮੀਦ ਹੈ ਕਿ ਇਸ ਸਾਲ ਦੇ ਅੰਤ ਤੱਕ ਇਸ ਦੀ ਸ਼ੂਟਿੰਗ ਸ਼ੁਰੂ ਹੋ ਜਾਵੇਗੀ।
ਇਸ ਵੈੱਬਸੀਰੀਜ਼ ਦੀ ਸਕ੍ਰਿਪਟ ਬਾਰੇ ਪਹਿਲਾਂ ਵੀ ਖਬਰਾਂ ਆਈਆਂ ਸਨ, ਕਿ ਬਿਲਾਲ ਸਿੱਦੀਕੀ ਨਾਲ ਕੰਮ ਕਰਨਗੇ। ਬਿਲਾਲ ਮਸ਼ਹੂਰ ਸੀਰੀਜ਼ 'ਬਾਰਡ ਆਫ ਬਲੱਡ' ਦੇ ਸਹਿ-ਲੇਖਕ ਹਨ। ਜਾਣਕਾਰੀ ਲਈ ਦੱਸ ਦੇਈਏ ਕਿ ਆਰੀਅਨ ਨੇ ਡੈਬਿਊ ਕਰਨ ਤੋਂ ਪਹਿਲਾਂ ਅਮਰੀਕਾ ਤੋਂ ਫਿਲਮ ਮੇਕਿੰਗ ਦੀ ਟ੍ਰੇਨਿੰਗ ਵੀ ਲਈ ਹੈ।
ਸ਼ਾਹਰੁਖ ਖਾਨ ਨੇ ਇਕ ਵਾਰ ਇੰਟਰਵਿਊ 'ਚ ਕਿਹਾ ਸੀ, ਕਿ ਆਰੀਅਨ ਖਾਨ ਨੂੰ ਉਨ੍ਹਾਂ ਵਾਂਗ ਐਕਟਿੰਗ ਕਰਨ ਦਾ ਸ਼ੌਕ ਨਹੀਂ ਹੈ। ਉਹ ਫਿਲਮ ਨਿਰਮਾਣ ਵਿੱਚ ਦਿਲਚਸਪੀ ਰੱਖਦਾ ਹੈ। ਦੂਜੇ ਪਾਸੇ ਸ਼ਾਹਰੁਖ ਦੀਆਂ ਫਿਲਮਾਂ ਦੀ ਗੱਲ ਕਰੀਏ ਤਾਂ ਉਹ ਜਲਦ ਹੀ ਆਪਣੀ ਵੱਡੀ ਫਿਲਮ 'ਪਠਾਨ' ਨਾਲ ਵੱਡੇ ਪਰਦੇ 'ਤੇ ਵਾਪਸੀ ਕਰ ਰਹੇ ਹਨ। ਇਸ ਫਿਲਮ 'ਚ ਸਲਮਾਨ ਖਾਨ ਦੇ ਕੈਮਿਓ ਕਰਨ ਦੀ ਵੀ ਚਰਚਾ ਹੈ। ਇਹ ਫਿਲਮ ਜਨਵਰੀ 2023 'ਚ ਰਿਲੀਜ਼ ਹੋਵੇਗੀ।
