ਪੰਜਾਬ ਦੀ ਕੈਟਰੀਨਾ ਕੈਫ ਸ਼ਹਿਨਾਜ਼ ਗਿੱਲ ਅਕਸਰ ਚਰਚਾਵਾਂ ਵਿੱਚ ਰਹਿੰਦੀ ਹੈ। ਉਸਨੇ ਬਿੱਗ ਬੌਸ 13 ਦੇ ਘਰ ਤੋਂ ਆਪਣੀ ਮਾਸੂਮੀਅਤ ਅਤੇ ਭੋਲੇਪਣ ਨਾਲ ਦਰਸ਼ਕਾਂ ਦੇ ਦਿਲਾਂ 'ਤੇ ਅਮਿੱਟ ਛਾਪ ਛੱਡੀ ਹੈ। ਹਰ ਕੋਈ ਉਸਦਾ ਦੀਵਾਨਾ ਹੈ। ਹਰ ਕੋਈ ਉਸਦੀ ਇੱਕ ਝਲਕ ਪਾਉਣ ਲਈ ਬੇਤਾਬ ਹੈ।
ਸ਼ਹਿਨਾਜ਼ ਗਿੱਲ ਜਿੱਥੇ ਵੀ ਦਿਖਾਈ ਦਿੰਦੀ ਹੈ, ਪ੍ਰਸ਼ੰਸਕ ਉਸ ਨਾਲ ਸੈਲਫੀ ਅਤੇ ਫੋਟੋਆਂ ਲੈਣ ਲਈ ਬੇਤਾਬ ਹਨ। ਇੱਕ ਵਾਰ ਫਿਰ ਉਹੀ ਹੋਇਆ। ਉਸ ਨੂੰ ਏਅਰਪੋਰਟ 'ਤੇ ਦੇਖਿਆ ਗਿਆ ਅਤੇ ਉਸ ਦੇ ਪ੍ਰਸ਼ੰਸਕਾਂ ਦੀ ਲਾਈਨ ਲੱਗੀ ਹੋਈ ਸੀ। ਫੋਟੋ ਕਲਿੱਕ ਕਰਵਾਉਂਦੇ ਸਮੇਂ ਇਕ ਨੇ ਅਜਿਹਾ ਕੰਮ ਕੀਤਾ ਕਿ ਉਸ ਨੇ ਰਸਤੇ 'ਚ ਵਿਅਕਤੀ ਨੂੰ ਤਾਅਨਾ ਮਾਰ ਦਿੱਤਾ।
ਦਰਅਸਲ, ਸ਼ਹਿਨਾਜ਼ ਗਿੱਲ ਏਅਰਪੋਰਟ 'ਤੇ ਨਜ਼ਰ ਆਈ। ਉਹ ਪਾਪਰਾਜ਼ੀ ਲਈ ਪੋਜ਼ ਦੇ ਰਹੀ ਸੀ ਕਿ ਲੋਕਾਂ ਨੇ ਉਸ ਨੂੰ ਦੇਖਦੇ ਹੀ ਘੇਰ ਲਿਆ। ਇਸ ਤੋਂ ਬਾਅਦ ਇਕ-ਇਕ ਕਰਕੇ ਉਸ ਦੇ ਪ੍ਰਸ਼ੰਸਕ ਉਸ ਨਾਲ ਫੋਟੋਆਂ ਖਿੱਚਣ ਲੱਗੇ। ਇਸੇ ਦੌਰਾਨ ਇਕ ਹੋਰ ਵਿਅਕਤੀ ਆ ਗਿਆ। ਉਹ ਸ਼ਹਿਨਾਜ਼ ਗਿੱਲ ਦੇ ਮੋਢੇ 'ਤੇ ਹੱਥ ਰੱਖਣ ਲੱਗ ਪਿਆ, ਕਿ ਅਦਾਕਾਰਾ ਪਿੱਛੇ ਹਟ ਗਈ।
ਉਸਦੇ ਪ੍ਰਸ਼ੰਸਕ ਨੇ ਵੀ ਅਭਿਨੇਤਰੀ ਨੂੰ ਦੇਖ ਕੇ ਆਪਣੇ ਆਪ ਨੂੰ ਰੋਕ ਲਿਆ ਅਤੇ ਮੁਆਫੀ ਵੀ ਮੰਗਣੀ ਸ਼ੁਰੂ ਕਰ ਦਿੱਤੀ। ਹਾਲਾਂਕਿ ਬਾਅਦ 'ਚ ਦੋਹਾਂ ਨੇ ਫੋਟੋ ਕਲਿੱਕ ਕਰਵਾ ਲਈ। ਸ਼ਹਿਨਾਜ਼ ਗਿੱਲ ਨੇ ਵੀ ਸਾਰਿਆਂ ਦੇ ਨਾਲ ਫੋਟੋ ਲਈ ਪੋਜ਼ ਦਿੱਤਾ। ਅਤੇ ਜਦੋਂ ਉਹ ਉਥੋਂ ਜਾਣ ਲੱਗੀ ਤਾਂ ਉਹੀ ਬੰਦੇ ਨੂੰ ਦੇਖ ਕੇ ਬੋਲੀ - ਤੈਨੂੰ ਕੀ ਲੱਗਦਾ ਤੇਰਾ ਯਾਰ ਸੀ।
ਹੁਣ ਇਹ ਵੀਡੀਓ ਸੋਸ਼ਲ ਮੀਡੀਆ 'ਤੇ ਖੂਬ ਵਾਇਰਲ ਹੋਣ ਲੱਗਾ ਹੈ। ਇਸ 'ਤੇ ਲੋਕਾਂ ਨੇ ਆਪਣੀਆਂ ਪ੍ਰਤੀਕਿਰਿਆਵਾਂ ਦੇਣੀਆਂ ਸ਼ੁਰੂ ਕਰ ਦਿੱਤੀਆਂ ਹਨ। ਸ਼ਹਿਨਾਜ਼ ਗਿੱਲ ਦੇ ਵਰਕਫਰੰਟ ਦੀ ਗੱਲ ਕਰੀਏ ਤਾਂ ਉਹ ਕਈ ਮਿਊਜ਼ਿਕ ਵੀਡੀਓਜ਼ 'ਚ ਨਜ਼ਰ ਆ ਚੁੱਕੀ ਹੈ। ਹੁਣ ਉਹ ਸੁਪਰਸਟਾਰ ਸਲਮਾਨ ਖਾਨ ਦੇ ਨਾਲ 'ਕਿਸੀ ਕਾ ਭਾਈ ਕਿਸੀ ਕੀ ਜਾਨ' 'ਚ ਨਜ਼ਰ ਆਵੇਗੀ।
ਫਿਲਮ ਕ੍ਰਿਸਮਸ ਦੇ ਮੌਕੇ 'ਤੇ 30 ਦਸੰਬਰ ਨੂੰ ਰਿਲੀਜ਼ ਹੋਵੇਗੀ। ਇਨ੍ਹਾਂ ਤੋਂ ਇਲਾਵਾ ਪਲਕ ਤਿਵਾਰੀ, ਸਿਧਾਰਥ ਨਿਗਮ ਅਤੇ ਰਾਘਵ ਜੁਆਲ ਵੀ ਇਸ 'ਚ ਨਜ਼ਰ ਆਉਣਗੇ। ਬਿੱਗ ਬੌਸ 13 ਤੋਂ ਮਸ਼ਹੂਰ ਹੋਈ ਅਦਾਕਾਰਾ ਸ਼ਹਿਨਾਜ਼ ਗਿੱਲ ਨੂੰ ਕੌਣ ਨਹੀਂ ਜਾਣਦਾ ਹੈ, ਉਸਦੇ ਲੱਖਾਂ ਦੀਵਾਨੇ ਹਨ । ਪਾਪਰਾਜ਼ੀ ਉਨ੍ਹਾਂ ਨੂੰ ਆਪਣੇ ਕੈਮਰਿਆਂ 'ਚ ਕੈਦ ਕਰਦੇ ਹਨ। ਹੁਣ ਉਹ ਇਕ ਵਾਰ ਫਿਰ ਏਅਰਪੋਰਟ 'ਤੇ ਨਜ਼ਰ ਆਈ, ਜਿਸਦੇ ਬਾਅਦ ਤੋਂ ਇਹ ਹਰਕਤ ਵੇਖਣ ਨੂੰ ਮਿਲੀ ।
