ਅੰਤਰਰਾਸ਼ਟਰੀ ਕ੍ਰਿਕਟ ਅਤੇ ਆਈਪੀਐਲ ਨੂੰ ਹਿਲਾ ਦੇਣ ਤੋਂ ਬਾਅਦ, ਕ੍ਰਿਕਟਰ ਸ਼ੁਭਮਨ ਗਿੱਲ ਹੁਣ ਦੇਸੀ ਸਪਾਈਡਰ-ਮੈਨ ਦੇ ਕਿਰਦਾਰ ਨੂੰ ਆਪਣੀ ਆਵਾਜ਼ ਦੇਣ ਜਾ ਰਿਹਾ ਹੈ। ਕ੍ਰਿਕਟਰ ਐਨੀਮੇਟਿਡ ਫਿਲਮ ਲਈ ਹਿੰਦੀ ਅਤੇ ਪੰਜਾਬੀ ਭਾਸ਼ਾਵਾਂ ਵਿੱਚ ਡਬਿੰਗ ਕਰਨਗੇ, ਜੋ 2 ਜੂਨ ਨੂੰ ਰਿਲੀਜ਼ ਹੋਣ ਵਾਲੀ ਹੈ। ਸਪਾਈਡਰ-ਮੈਨ ਦਾ ਇਹ ਸੰਸਕਰਣ, ਪਾਤਰਾਂ ਵਿਚ ਇੱਕ ਭਾਰਤੀ ਅਹਿਸਾਸ ਦਿਖਾਈ ਦੇਵੇਗਾ। ਇਸ ਦੇ ਜ਼ਰੀਏ ਭਾਰਤੀ ਸਪਾਈਡਰ-ਮੈਨ ਆਪਣਾ ਡੈਬਿਊ ਕਰਨਗੇ।
ਅੰਗਰੇਜ਼ੀ ਵਿੱਚ, ਭਾਰਤੀ ਅਮਰੀਕੀ ਅਭਿਨੇਤਾ ਕਰਨ ਸੋਨੀ ਇਸ ਕਿਰਦਾਰ ਨੂੰ ਆਪਣੀ ਆਵਾਜ਼ ਦੇਣਗੇ। ਜਦਕਿ ਸ਼ੁਭਮਨ ਗਿੱਲ ਨੂੰ ਹਿੰਦੀ ਅਤੇ ਪੰਜਾਬੀ ਲਈ ਚੁਣਿਆ ਗਿਆ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਮਸ਼ਹੂਰ ਅਮਰੀਕੀ ਕਾਮਿਕ ਕਿਤਾਬ ਮਾਰਵਲ ਕਾਮਿਕਸ ਵਿੱਚ 2005 ਵਿੱਚ ਇੰਡੀਅਨ ਸਪਾਈਡਰ ਮੈਨ ਦਾ ਜ਼ਿਕਰ ਕੀਤਾ ਗਿਆ ਸੀ, ਜੋ ਇੱਕ ਛੋਟੇ ਜਿਹੇ ਪਿੰਡ ਵਿੱਚ ਰਹਿੰਦਾ ਹੈ।
ਜ਼ਿਆਦਾਤਰ ਨੌਜਵਾਨਾਂ ਵਾਂਗ, ਸ਼ੁਭਮਨ ਗਿੱਲ ਸਪਾਈਡਰ-ਮੈਨ ਨੂੰ ਦੇਖ ਕੇ ਵੱਡਾ ਹੋਇਆ ਹੈ, ਇਸ ਲਈ ਉਹ ਇਸ ਕਿਰਦਾਰ ਨੂੰ ਆਪਣੀ ਆਵਾਜ਼ ਦੇਣ ਲਈ ਬਹੁਤ ਉਤਸ਼ਾਹਿਤ ਹੈ। ਇੰਸਟਾਗ੍ਰਾਮ 'ਤੇ ਫਿਲਮ ਨਾਲ ਸਬੰਧਤ ਵੀਡੀਓ ਸ਼ੇਅਰ ਕਰਦੇ ਹੋਏ ਸ਼ੁਭਮਨ ਨੇ ਲਿਖਿਆ- 'ਸ਼ੁਭ ਮੈਨ ਹੁਣ ਸਪਾਈਡਰ ਮੈਨ ਹੈ। ਮੈਂ ਸਪਾਈਡਰ-ਮੈਨ ਵਿੱਚ ਭਾਰਤੀ ਸਪਾਈਡਰ-ਮੈਨ ਲਈ ਆਪਣੀ ਆਵਾਜ਼ ਦੇਣ ਲਈ ਉਤਸ਼ਾਹਿਤ ਹਾਂ। ਜਲਦ ਹੀ ਟ੍ਰੇਲਰ ਰਿਲੀਜ਼ ਹੋਵੇਗਾ, ਐਕਸ਼ਨ ਦੇਖਣ ਲਈ ਤਿਆਰ ਹੋ ਜਾਓ।
ਜਦੋਂ ਤੋਂ ਇਹ ਵੀਡੀਓ ਸਾਹਮਣੇ ਆਇਆ ਹੈ, ਪ੍ਰਸ਼ੰਸਕ ਸ਼ੁਭਮਨ ਗਿੱਲ ਦੇ ਇਸ ਪ੍ਰੋਜੈਕਟ ਨੂੰ ਲੈ ਕੇ ਕਾਫੀ ਖੁਸ਼ ਹਨ। ਇੱਕ ਯੂਜ਼ਰ ਨੇ ਕਮੈਂਟ ਸੈਕਸ਼ਨ ਵਿੱਚ ਲਿਖਿਆ – ਇਸ ਸ਼ਾਨਦਾਰ ਐਨੀਮੇਟਡ ਫਿਲਮ ਨੂੰ ਦੇਖਣ ਦਾ ਇੱਕ ਹੋਰ ਕਾਰਨ ਮਿਲਿਆ। 2 ਜੂਨ ਨੂੰ ਭਾਰਤੀ ਸਕ੍ਰੀਨਜ਼ 'ਤੇ ਅੰਗਰੇਜ਼ੀ, ਹਿੰਦੀ, ਤਾਮਿਲ, ਤੇਲਗੂ, ਕੰਨੜ, ਮਲਿਆਲਮ, ਗੁਜਰਾਤੀ, ਮਰਾਠੀ, ਪੰਜਾਬੀ ਅਤੇ ਬੰਗਾਲੀ ਭਾਸ਼ਾਵਾਂ 'ਚ ਆਵੇਗੀ।
ਇਹ ਫਿਲਮ 2018 ਦੀ "ਸਪਾਈਡਰ-ਮੈਨ: ਇਨਟੂ ਦਾ ਸਪਾਈਡਰ-ਵਰਸ" ਦਾ ਸੀਕਵਲ ਹੈ। ਇੰਡੀਅਨ ਪ੍ਰੀਮੀਅਰ ਲੀਗ (ਆਈ.ਪੀ.ਐੱਲ.) 'ਚ ਗੁਜਰਾਤ ਟਾਈਟਨਸ ਲਈ ਖੇਡਣ ਵਾਲੇ ਸ਼ੁਭਮਨ ਨੇ ਇਕ ਬਿਆਨ 'ਚ ਅੱਗੇ ਕਿਹਾ, "ਮੈਂ ਸਪਾਈਡਰ-ਮੈਨ ਨੂੰ ਦੇਖ ਕੇ ਵੱਡਾ ਹੋਇਆ ਹਾਂ, ਅਤੇ ਉਹ ਸਭ ਤੋਂ ਵੱਧ ਰਿਲੇਟੇਬਲ ਸੁਪਰਹੀਰੋਜ਼ 'ਚੋਂ ਇਕ ਹੈ। ਇੰਡੀਅਨ ਸਪਾਈਡਰ-ਮੈਨ ਦੀ ਸ਼ੁਰੂਆਤ ਹੋਵੇਗੀ। ਸਾਡੇ ਭਾਰਤੀ ਸਪਾਈਡਰ-ਮੈਨ ਪਵਿੱਤਰ ਪ੍ਰਭਾਕਰ ਦੀ ਹਿੰਦੀ ਅਤੇ ਪੰਜਾਬੀ ਭਾਸ਼ਾਵਾਂ ਵਿੱਚ ਪਹਿਲੀ ਵਾਰ ਪਰਦੇ 'ਤੇ ਆਵਾਜ਼ ਦੇਣ ਦਾ ਮੇਰੇ ਲਈ ਅਜਿਹਾ ਕਮਾਲ ਦਾ ਤਜਰਬਾ ਹੈ।
