ਸਿਧਾਰਥ ਮਲਹੋਤਰਾ ਅਤੇ ਕਿਆਰਾ ਅਡਵਾਨੀ ਵਿਆਹ ਦੇ ਬੰਧਨ ਵਿੱਚ ਬੱਝ ਗਏ ਹਨ । ਵਿਆਹ ਤੋਂ ਬਾਅਦ ਕਿਆਰਾ ਮੁੰਬਈ ਦੇ ਜੁਹੂ ਸਥਿਤ ਸਿਧਾਰਥ ਦੇ ਸੀ ਫੇਸਿੰਗ ਹਾਊਸ 'ਚ ਸ਼ਿਫਟ ਹੋਣ ਜਾ ਰਹੀ ਹੈ। ਇਸ ਆਲੀਸ਼ਾਨ ਘਰ ਦਾ ਇੰਟੀਰੀਅਰ ਸ਼ਾਹਰੁਖ ਖਾਨ ਦੀ ਪਤਨੀ ਗੌਰੀ ਖਾਨ ਨੇ ਬਣਾਇਆ ਹੈ।
ਈ ਟਾਈਮਜ਼ ਮੁਤਾਬਕ ਸਿਧਾਰਥ ਕਈ ਦਿਨਾਂ ਤੋਂ ਜਾਇਦਾਦ ਦੀ ਤਲਾਸ਼ ਕਰ ਰਿਹਾ ਸੀ। ਹਾਲਾਂਕਿ, ਕੁਝ ਦਿਨ ਪਹਿਲਾਂ, ਉਸਨੇ 3,500 ਵਰਗ ਫੁੱਟ ਦੇ ਅਪਾਰਟਮੈਂਟ ਨੂੰ ਫਾਈਨਲ ਕੀਤਾ ਹੈ, ਜਿਸ ਦੀ ਕੀਮਤ ਲਗਭਗ 70 ਕਰੋੜ ਰੁਪਏ ਦੱਸੀ ਜਾਂਦੀ ਹੈ। ਇਸ ਤੋਂ ਇਲਾਵਾ ਮੁੰਬਈ ਦੇ ਪਾਲੀ ਹਿੱਲ ਇਲਾਕੇ 'ਚ ਸਿਧਾਰਥ ਦਾ ਇਕ ਲਗਜ਼ਰੀ ਬੈਚਲਰ ਪੈਡ ਹੈ। ਸਿਧਾਰਥ ਦੀ ਕੁੱਲ ਜਾਇਦਾਦ ਲਗਭਗ 75 ਕਰੋੜ ਰੁਪਏ ਹੈ। ਉਹ ਇੱਕ ਮਹੀਨੇ ਵਿੱਚ ਕਰੀਬ 50 ਲੱਖ ਰੁਪਏ ਕਮਾ ਲੈਂਦਾ ਹੈ।
ਸਿਧਾਰਥ ਇੱਕ ਫਿਲਮ ਲਈ ਲਗਭਗ 7 ਕਰੋੜ ਰੁਪਏ ਲੈਂਦੇ ਹਨ। ਇਸ ਦੇ ਨਾਲ ਹੀ ਕਿਆਰਾ ਦੀ ਕੁੱਲ ਜਾਇਦਾਦ 30 ਕਰੋੜ ਦੇ ਕਰੀਬ ਹੈ। ਉਹ ਇੱਕ ਫਿਲਮ ਲਈ ਲਗਭਗ 3 ਕਰੋੜ ਰੁਪਏ ਚਾਰਜ ਕਰਦੀ ਹੈ। ਕਿਆਰਾ ਦੀ ਮਹੀਨਾਵਾਰ ਕਮਾਈ ਲਗਭਗ 35 ਲੱਖ ਰੁਪਏ ਹੈ। ਕੌਫੀ ਵਿਦ ਕਰਨ 'ਚ ਸਿਧਾਰਥ ਨੇ ਖੁਲਾਸਾ ਕੀਤਾ ਕਿ ਉਨ੍ਹਾਂ ਨੇ ਆਪਣੀ ਪ੍ਰੇਮਿਕਾ ਕਿਆਰਾ ਦਾ ਮੋਬਾਈਲ ਨੰਬਰ 'ਕੀ' ਦੇ ਰੂਪ 'ਚ ਸੇਵ ਕੀਤਾ ਹੈ।
ਇਸ ਦੇ ਨਾਲ ਹੀ 'ਮਿਸ਼ਨ ਮਜਨੂੰ' ਦੇ ਪ੍ਰਮੋਸ਼ਨ ਦੌਰਾਨ ਸਿਧਾਰਥ ਨੇ ਇਹ ਵੀ ਦੱਸਿਆ ਸੀ ਕਿ ਉਹ ਕਿਆਰਾ ਦਾ ਨੰਬਰ ਸਪੀਡ ਡਾਇਲ 'ਤੇ ਰੱਖਦਾ ਹੈ। ਬਾਲੀਵੁੱਡ ਦੀ ਮਸ਼ਹੂਰ ਜੋੜੀ ਸਿਧਾਰਥ ਮਲਹੋਤਰਾ ਅਤੇ ਕਿਆਰਾ ਅਡਵਾਨੀ ਨੇ 7 ਫਰਵਰੀ ਨੂੰ ਜੈਸਲਮੇਰ (ਰਾਜਸਥਾਨ) ਵਿੱਚ ਡੈਸਟੀਨੇਸ਼ਨ ਵਿਚ ਵਿਆਹ ਕੀਤਾ ਸੀ । ਇਸ ਦੌਰਾਨ ਸੋਸ਼ਲ ਮੀਡੀਆ 'ਤੇ ਸਿਧਾਰਥ ਅਤੇ ਕਿਆਰਾ ਦਾ ਇਕ ਵੀਡੀਓ ਸਾਹਮਣੇ ਆਇਆ ਹੈ, ਜਿਸ 'ਚ ਦੋਵੇਂ ਡਾਂਸ ਕਰਦੇ ਨਜ਼ਰ ਆ ਰਹੇ ਹਨ।
ਸੂਤਰ ਨੇ ਇਹ ਵੀ ਖੁਲਾਸਾ ਕੀਤਾ ਕਿ ਜੋੜਾ ਆਪਣੇ ਪਰਿਵਾਰ ਅਤੇ ਦੋਸਤਾਂ ਲਈ ਦੋ ਰਿਸੈਪਸ਼ਨ ਦੀ ਮੇਜ਼ਬਾਨੀ ਕਰੇਗਾ, ਇੱਕ ਦਿੱਲੀ ਵਿੱਚ ਅਤੇ ਦੂਜੀ ਮੁੰਬਈ ਵਿੱਚ ਹੋਵੇਗੀ। ਸੂਤਰਾਂ ਨੇ ਸਾਂਝਾ ਕੀਤਾ, "ਕਿਆਰਾ ਅਤੇ ਸਿਧਾਰਥ 9 ਫਰਵਰੀ ਨੂੰ ਦਿੱਲੀ ਵਿੱਚ ਆਪਣੇ ਪਰਿਵਾਰਾਂ ਅਤੇ ਦੋਸਤਾਂ ਲਈ ਇੱਕ ਰਿਸੈਪਸ਼ਨ ਦੀ ਮੇਜ਼ਬਾਨੀ ਕਰਨਗੇ। ਫਿਰ ਉਹ ਫਿਲਮ ਉਦਯੋਗ ਵਿੱਚ ਆਪਣੇ ਦੋਸਤਾਂ ਲਈ ਇੱਕ ਹੋਰ ਰਿਸੈਪਸ਼ਨ ਲਈ 10 ਤਰੀਕ ਨੂੰ ਮੁੰਬਈ ਜਾਣਗੇ। ਇਹ ਰਿਸੈਪਸ਼ਨ 12 ਫਰਵਰੀ ਨੂੰ ਹੋਵੇਗਾ।
