ਆਸ਼ਾ ਭੌਂਸਲੇ ਨੇ ਦੁਨੀਆ ਭਰ 'ਚ ਖੋਲ੍ਹੇ ਇੱਕ ਦਰਜਨ ਤੋਂ ਵੱਧ ਰੈਸਟੋਰੈਂਟ

ਆਸ਼ਾ ਭੌਂਸਲੇ ਨੇ ਦੱਸਿਆ ਕਿ ਸਾਡਾ ਪਹਿਲਾ ਰੈਸਟੋਰੈਂਟ ਦੁਬਈ ਵਿੱਚ ਖੋਲ੍ਹਿਆ ਗਿਆ ਸੀ। ਆਸ਼ਾ ਭੌਂਸਲੇ ਨੇ ਕਿਹਾ ਕਿ ਮੇਰੇ ਰੈਸਟੋਰੈਂਟਾਂ ਦੇ ਬਹੁਤ ਸਾਰੇ ਰਸੋਈਏ ਲਖਨਊ ਅਤੇ ਪੰਜਾਬ ਦੇ ਹਨ।
ਆਸ਼ਾ ਭੌਂਸਲੇ ਨੇ ਦੁਨੀਆ ਭਰ 'ਚ ਖੋਲ੍ਹੇ ਇੱਕ ਦਰਜਨ ਤੋਂ ਵੱਧ ਰੈਸਟੋਰੈਂਟ

ਆਸ਼ਾ ਭੌਂਸਲੇ ਨੇ 20 ਭਾਸ਼ਾਵਾਂ ਵਿੱਚ 11 ਹਜ਼ਾਰ ਤੋਂ ਵੱਧ ਗੀਤ ਗਾ ਚੁੱਕੀ ਹੈ। ਸਵਰਾ ਕੋਕਿਲਾ ਲਤਾ ਮੰਗੇਸ਼ਕਰ ਦੀ ਛੋਟੀ ਭੈਣ ਅਤੇ ਮਸ਼ਹੂਰ ਸੰਗੀਤਕਾਰ ਆਰ.ਡੀ. ਬਰਮਨ ਦੀ ਪਤਨੀ ਆਸ਼ਾ ਸਿਰਫ਼ ਇੱਕ ਗਾਇਕਾ ਹੀ ਨਹੀਂ ਹੈ। ਬਾਲੀਵੁੱਡ ਵਿੱਚ 6 ਦਹਾਕਿਆਂ ਤੱਕ ਫੈਲੇ ਆਪਣੇ ਸੰਗੀਤਕ ਸਫ਼ਰ ਦੇ ਨਾਲ, ਆਸ਼ਾ ਤਾਈ ਹੁਣ ਸਵਾਦ ਦੀ ਯਾਤਰਾ 'ਤੇ ਹੈ।

ਮਿਊਜ਼ੀਕਲ ਨੋਟਸ ਤੋਂ ਲੈ ਕੇ ਰਸੋਈ ਦੇ ਸਵਾਦ ਤੱਕ ਦੇ ਇਸ ਸਫਰ ਵਿੱਚ ਆਸ਼ਾ ਤਾਈ ਦੀ ਕੁੱਲ ਜਾਇਦਾਦ ਲਗਭਗ 80 ਕਰੋੜ ਰੁਪਏ ਹੈ। ਅੱਜ 90 ਸਾਲ ਦੀ ਉਮਰ 'ਚ ਵੀ ਉਹ ਨਾ ਸਿਰਫ ਇਸ ਕੰਮ ਨੂੰ ਉਸੇ ਊਰਜਾ ਨਾਲ ਦੇਖ ਰਹੀ ਹੈ, ਸਗੋਂ ਖੁਦ ਆਪਣੇ ਰੈਸਟੋਰੈਂਟ ਦੀ ਰਸੋਈ 'ਚ ਖਾਣਾ ਬਣਾਉਂਦੀ ਵੀ ਨਜ਼ਰ ਆ ਰਹੀ ਹੈ।

ਆਸ਼ਾ ਭੌਂਸਲੇ ਨੇ ਦੱਸਿਆ ਕਿ ਉਸਨੇ ਗਾਇਕੀ ਦਾ ਸਫ਼ਰ 1943 ਤੋਂ ਹੀ ਸ਼ੁਰੂ ਕੀਤਾ ਸੀ । ਆਸ਼ਾ ਨੇ ਕਿਹਾ ਕਿ ਮੇਰੀ ਪੂਰੀ ਜ਼ਿੰਦਗੀ ਇਸ ਪਲੇਅਬੈਕ ਗਾਇਕੀ ਵਿੱਚ ਬੀਤ ਗਈ। ਇਸ ਦੌਰਾਨ ਬੱਚਿਆਂ ਦਾ ਪਾਲਣ ਪੋਸ਼ਣ ਵੀ ਕੀਤਾ ਗਿਆ ਅਤੇ ਉਨ੍ਹਾਂ ਦੇ ਵਿਆਹ ਵੀ ਕਰਵਾਏ ਗਏ। ਜਦੋਂ ਮੇਰੇ ਬੱਚੇ ਛੋਟੇ ਹੁੰਦੇ ਸਨ ਤਾਂ ਉਹ ਘਰ ਆ ਕੇ ਕਹਿੰਦੇ ਸਨ ਕਿ ਉਨ੍ਹਾਂ ਮਾਸੀ ਦੇ ਘਰ ਦਾ ਕਬਾਬ ਬਹੁਤ ਵਧੀਆ ਸੀ ਜਾਂ ਮੁਰਗਾ ਵਧੀਆ ਸੀ। ਫਿਰ ਮੈਨੂੰ ਲੱਗਾ ਕਿ ਉਹ ਬਾਹਰੋਂ ਨਾ ਖਾਣ ਤਾਂ ਚੰਗਾ ਹੈ ਕਿ ਮੈਂ ਆਪ ਹੀ ਉਨ੍ਹਾਂ ਲਈ ਬਣਾ ਲਵਾਂ।

ਇਸ ਲਈ ਮੇਰਾ ਧਿਆਣ ਖਾਣਾ ਬਣਾਉਣ ਵੱਲ ਮੁੜਿਆ। ਆਸ਼ਾ ਭੌਂਸਲੇ ਨੇ ਦੱਸਿਆ ਕਿ ਮੈਂ ਮਜਰੂਹ ਸੁਲਤਾਨਪੁਰੀ ਦੀ ਬੇਗਮ ਤੋਂ ਇਲਾਵਾ ਕਈ ਲੋਕਾਂ ਤੋਂ ਖਾਣਾ ਬਣਾਉਣਾ ਸਿੱਖਿਆ। ਮੈਂ ਕਈ ਮੈਗਜ਼ੀਨਾਂ ਤੋਂ ਖਾਣੇ ਦੇ ਪਕਵਾਨਾਂ ਬਾਰੇ ਪੜਦੀ ਸੀ । ਜਿਸ ਹੋਟਲ ਵਿਚ ਜਾਂਦੀ ਸੀ, ਸ਼ੈੱਫ ਨੂੰ ਪੁੱਛਦੀ ਸੀ ਕਿ ਤੁਸੀਂ ਇਹ ਪਕਵਾਨ ਕਿਵੇਂ ਬਣਾਉਂਦੇ ਹੋ ਅਤੇ ਸ਼ੈੱਫ ਵੀ ਪਕਵਾਨਾਂ ਦੀ ਰੈਸਿਪੀ ਖੁਸ਼ੀ ਨਾਲ ਦੱਸਦਾ ਸੀ।

ਇਸ ਕਰਕੇ ਮੈਂ ਕਈ ਪਕਵਾਨ ਸਿੱਖੇ ਹਨ। ਆਸ਼ਾ ਭੌਂਸਲੇ ਨੇ ਦੱਸਿਆ ਕਿ ਸਾਡਾ ਪਹਿਲਾ ਰੈਸਟੋਰੈਂਟ ਦੁਬਈ ਵਿੱਚ ਖੋਲ੍ਹਿਆ ਗਿਆ ਸੀ ਅਤੇ ਪ੍ਰਮਾਤਮਾ ਦੀ ਕਿਰਪਾ ਨਾਲ ਇਹ ਰੈਸਟੋਰੈਂਟ ਕਰੋਨਾ ਦੇ ਦੌਰ ਵਿੱਚ ਵੀ ਸੁਚਾਰੂ ਢੰਗ ਨਾਲ ਚੱਲਿਆ ਅਤੇ ਹੁਣ ਵੀ ਚੱਲ ਰਿਹਾ ਹੈ। ਮੇਰੇ ਰੈਸਟੋਰੈਂਟਾਂ ਦੀਆਂ ਵੀ ਕਈ ਦੇਸ਼ਾਂ ਵਿੱਚ ਬਹੁਤ ਸਾਰੀਆਂ ਫਰੈਂਚਾਇਜ਼ੀ ਹਨ। ਮੈਂ ਉੱਥੇ ਦੇ ਰਸੋਈਏ ਨੂੰ ਖਾਣਾ ਬਣਾਉਣਾ ਵੀ ਸਿਖਾਇਆ ਹੈ। ਮੇਰੇ ਰੈਸਟੋਰੈਂਟਾਂ ਦੇ ਬਹੁਤ ਸਾਰੇ ਰਸੋਈਏ ਲਖਨਊ ਅਤੇ ਪੰਜਾਬ ਦੇ ਹਨ।

Related Stories

No stories found.
logo
Punjab Today
www.punjabtoday.com