ਪਿੱਛਲੇ ਦਿਨੀ ਨੋਰਾ ਫਤੇਹੀ ਨੇ ਸੁਕੇਸ਼ 'ਤੇ ਇਲਜ਼ਾਮ ਲਗਾਇਆ ਸੀ, ਕਿ ਸੁਕੇਸ਼ ਨੇ ਉਸਦੀ ਜ਼ਿੰਦਗੀ ਤਬਾਹ ਕਰ ਦਿਤੀ ਹੈ। 210 ਕਰੋੜ ਦੇ ਮਨੀ ਲਾਂਡਰਿੰਗ ਮਾਮਲੇ 'ਚ ਤਿਹਾੜ ਜੇਲ 'ਚ ਬੰਦ ਠੱਗ ਸੁਕੇਸ਼ ਚੰਦਰਸ਼ੇਖਰ ਨੇ ਮੀਡੀਆ ਨੂੰ ਦਿੱਤੇ ਬਿਆਨ 'ਚ ਨੋਰਾ ਫਤੇਹੀ 'ਤੇ ਗੰਭੀਰ ਦੋਸ਼ ਲਗਾਏ ਹਨ।
ਸੁਕੇਸ਼ ਨੇ ਕਿਹਾ ਹੈ ਕਿ ਉਸਨੇ ਨੋਰਾ ਨੂੰ ਮੋਰੱਕੋ ਵਿੱਚ ਇੱਕ ਘਰ ਲਈ ਪੈਸੇ ਦਿੱਤੇ ਸਨ। ਇਸ ਦੇ ਨਾਲ ਹੀ ਸੁਕੇਸ਼ ਨੇ ਇਹ ਵੀ ਕਿਹਾ ਕਿ ਉਸਦੇ ਜੈਕਲੀਨ ਨਾਲ ਗੂੜੇ ਰਿਸ਼ਤੇ ਸਨ। ਹਾਲ ਹੀ 'ਚ ਨੋਰਾ ਨੇ ਸੁਕੇਸ਼ 'ਤੇ ਦੋਸ਼ ਲਗਾਇਆ ਸੀ ਕਿ ਉਸ ਦੀ ਪ੍ਰੇਮਿਕਾ ਬਣਨ ਦੀ ਸ਼ਰਤ 'ਤੇ ਉਸ ਵਿਅਕਤੀ ਨੇ ਉਸ ਨੂੰ ਵੱਡੇ ਘਰ ਅਤੇ ਆਲੀਸ਼ਾਨ ਜੀਵਨ ਸ਼ੈਲੀ ਦਾ ਵਾਅਦਾ ਕੀਤਾ ਸੀ।
ਸੁਕੇਸ਼ ਨੇ ਮੀਡੀਆ ਨੂੰ ਦਿੱਤੇ ਬਿਆਨ 'ਚ ਕਿਹਾ, 'ਅੱਜ ਉਹ (ਨੋਰਾ) ਮੇਰੇ 'ਤੇ ਇਹ ਕਹਿ ਕੇ ਦੋਸ਼ ਲਗਾ ਰਹੀ ਹੈ ਕਿ ਮੈਂ ਉਸ ਨੂੰ ਘਰ ਦੇਣ ਦਾ ਵਾਅਦਾ ਕੀਤਾ ਸੀ। ਪਰ ਉਸਨੇ ਮੋਰੋਕੋ ਦੇ ਕੈਸਾਬਲਾਂਕਾ ਵਿੱਚ ਆਪਣੇ ਪਰਿਵਾਰ ਲਈ ਇੱਕ ਘਰ ਖਰੀਦਣ ਲਈ ਮੇਰੇ ਤੋਂ ਪਹਿਲਾਂ ਹੀ ਇੱਕ ਵੱਡੀ ਰਕਮ ਲੈ ਲਈ ਸੀ।
ਸੁਕੇਸ਼ ਨੇ ਅੱਗੇ ਕਿਹਾ, 'ਈਡੀ ਕੋਲ ਸਾਰੀਆਂ ਚੈਟ ਅਤੇ ਸਕ੍ਰੀਨਸ਼ਾਟ ਵੀ ਹਨ, ਇਸ ਲਈ ਇਨ੍ਹਾਂ ਗੱਲਾਂ 'ਚ ਕੋਈ ਝੂਠ ਨਹੀਂ ਹੈ। ਅਸਲ ਵਿੱਚ ਮੈਂ ਉਸਨੂੰ ਰੇਂਜ ਰੋਵਰ ਦੇਣਾ ਚਾਹੁੰਦਾ ਸੀ, ਪਰ ਕਿਉਂਕਿ ਕਾਰ ਸਟਾਕ ਵਿੱਚ ਉਪਲਬਧ ਨਹੀਂ ਸੀ ਅਤੇ ਉਸਨੂੰ ਤੁਰੰਤ ਇੱਕ ਕਾਰ ਦੀ ਜ਼ਰੂਰਤ ਸੀ, ਮੈਂ ਉਸਨੂੰ BMW S ਸੀਰੀਜ਼ ਦੇ ਦਿੱਤੀ ਜੋ ਉਸਨੇ ਲੰਬੇ ਸਮੇਂ ਤੱਕ ਵਰਤੀ ਸੀ।
ਸੁਕੇਸ਼ ਨੇ ਅੱਗੇ ਕਿਹਾ ਕਿ ਉਹ ਜੈਕਲੀਨ ਫਰਨਾਂਡੀਜ਼ ਨਾਲ ਗੰਭੀਰ ਰਿਸ਼ਤੇ ਵਿੱਚ ਸੀ। ਉਸਨੇ ਇਹ ਵੀ ਦਾਅਵਾ ਕੀਤਾ ਕਿ ਇਹ ਨੋਰਾ ਹੀ ਸੀ, ਜੋ ਜੈਕਲੀਨ ਤੋਂ ਈਰਖਾ ਕਰਦੀ ਸੀ। ਨੋਰਾ ਨੇ ਕੁਝ ਸਮਾਂ ਪਹਿਲਾਂ ਜੈਕਲੀਨ ਖਿਲਾਫ ਮਾਣਹਾਨੀ ਦਾ ਕੇਸ ਦਰਜ ਕਰਵਾਇਆ ਹੈ।
ਪਿਛਲੇ ਸਾਲ ਈਡੀ ਨੇ 210 ਕਰੋੜ ਰੁਪਏ ਦੇ ਮਨੀ ਲਾਂਡਰਿੰਗ ਮਾਮਲੇ ਵਿੱਚ ਸੁਕੇਸ਼ ਚੰਦਰਸ਼ੇਖਰ ਅਤੇ ਹੋਰਾਂ ਖ਼ਿਲਾਫ਼ ਚਾਰਜਸ਼ੀਟ ਦਾਖ਼ਲ ਕੀਤੀ ਸੀ। ਇਲਜ਼ਾਮ ਅਨੁਸਾਰ ਸੁਕੇਸ਼ ਨੇ ਤਿਹਾੜ ਜੇਲ੍ਹ ਵਿੱਚ ਸਜ਼ਾ ਭੁਗਤਣ ਦੌਰਾਨ ਇੱਕ ਵਪਾਰੀ ਦੀ ਪਤਨੀ ਤੋਂ ਜ਼ਬਰਦਸਤੀ ਕੀਤੀ ਸੀ। ਇਸ ਜ਼ਬਰਦਸਤੀ ਮਾਮਲੇ ਵਿੱਚ ਈਡੀ ਨੇ ਜੈਕਲੀਨ ਅਤੇ ਨੋਰਾ ਫਤੇਹੀ ਨੂੰ ਗਵਾਹ ਵਜੋਂ ਦਰਜ ਕੀਤਾ ਹੈ, ਇਸ ਲਈ ਜਾਂਚ ਏਜੰਸੀ ਵਾਰ-ਵਾਰ ਉਨ੍ਹਾਂ ਨੂੰ ਪੁੱਛਗਿੱਛ ਲਈ ਬੁਲਾ ਰਹੀ ਹੈ। ਦੋਸ਼ ਹੈ ਕਿ ਜੈਕਲੀਨ ਫਰਨਾਂਡੀਜ਼ ਅਤੇ ਨੋਰਾ ਫਤੇਹੀ ਤੋਂ ਇਲਾਵਾ ਸੁਕੇਸ਼ ਨੇ ਚਾਹਤ ਖੰਨਾ, ਨਿੱਕੀ ਤੰਬੋਲੀ ਅਤੇ ਨੇਹਾ ਕਪੂਰ ਵਰਗੀਆਂ ਅਭਿਨੇਤਰੀਆਂ ਨੂੰ ਫਸਾਉਣ ਦੀ ਕੋਸ਼ਿਸ਼ ਕੀਤੀ ਸੀ।
