ਭਾਰਤੀ ਟੀਮ ਦੇ ਵਿਕਟਕੀਪਰ ਰਿਸ਼ਭ ਪੰਤ ਇਨ੍ਹੀਂ ਦਿਨੀਂ ਬਾਲੀਵੁੱਡ ਅਦਾਕਾਰਾ ਉਰਵਸ਼ੀ ਰੌਤੇਲਾ ਨੂੰ ਲੈ ਕੇ ਸੁਰਖੀਆਂ 'ਚ ਹਨ। ਉਰਵਸ਼ੀ ਦੇ ਇੱਕ ਬਿਆਨ ਤੋਂ ਬਾਅਦ ਦੋਵੇਂ ਇੱਕ ਵਾਰ ਫਿਰ ਸੁਰਖੀਆਂ ਵਿੱਚ ਆ ਗਏ ਹਨ। ਦਰਅਸਲ, ਹਾਲ ਹੀ ਵਿੱਚ ਇੱਕ ਇੰਟਰਵਿਊ ਵਿੱਚ, ਬਾਲੀਵੁੱਡ ਅਭਿਨੇਤਰੀ ਨੇ 'ਮਿਸਟਰ ਆਰਪੀ' ਬਾਰੇ ਇੱਕ ਕਿੱਸਾ ਸੁਣਾਇਆ, ਜਿਸ ਤੋਂ ਬਾਅਦ ਪੰਤ ਦੀ ਇੰਸਟਾ ਸਟੋਰੀ ਦਾ ਇੱਕ ਸਕ੍ਰੀਨਸ਼ੌਟ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਗਿਆ, ਜਿਸ ਵਿੱਚ ਲਿਖਿਆ ਸੀ, ਮੈਨੂੰ ਛੱਡ ਦਿਓ ਭੈਣ, ਝੂਠ ਨਾ ਬੋਲੋ।
ਇਸ ਵਿਵਾਦ ਨੂੰ ਅੱਗੇ ਲੈ ਕੇ ਉਰਵਸ਼ੀ ਰੌਤੇਲਾ ਨੇ ਟਵੀਟ ਕਰਕੇ ਆਪਣਾ ਜਵਾਬ ਦਿੱਤਾ ਹੈ। ਇਸ ਟਵੀਟ ਵਿੱਚ ਉਰਵਸ਼ੀ ਨੇ ਰਿਸ਼ਭ ਪੰਤ ਨੂੰ ਛੋਟੂ ਭਈਆ ਕਿਹਾ ਹੈ ਅਤੇ ਪੰਤ ਨੂੰ ਕ੍ਰਿਕਟ ਖੇਡਣ ਦੀ ਸਲਾਹ ਵੀ ਦਿੱਤੀ ਹੈ। ਉਰਵਸ਼ੀ ਨੇ ਆਪਣੇ ਤਾਜ਼ਾ ਟਵੀਟ 'ਚ ਲਿਖਿਆ, 'ਛੋਟੂ ਭਈਆ ਨੂੰ ਬੈਟ ਬਾਲ ਖੇਡਣਾ ਚਾਹੀਦਾ ਹੈ। ਮੈਂ ਕੋਈ ਮੁੰਨੀ ਜੋ ਬਦਨਾਮ ਹੋਂਵਾ ਤੇਰੇ ਲਈ ਯੰਗ ਕਿੱਡੋ ਡਾਰਲਿੰਗ।'
ਤੁਹਾਨੂੰ ਦੱਸ ਦੇਈਏ, ਉਰਵਸ਼ੀ ਰੌਤੇਲਾ ਨੇ ਹਾਲ ਹੀ ਵਿੱਚ ਇੱਕ ਇੰਟਰਵਿਊ ਦਿੱਤਾ ਸੀ, ਜਿਸ ਵਿੱਚ ਉਸਨੇ ਮਿਸਟਰ ਆਰਪੀ ਬਾਰੇ ਇੱਕ ਕਿੱਸਾ ਦੱਸਦੇ ਹੋਏ ਕਿਹਾ, 'ਮੈਂ ਵਾਰਾਣਸੀ ਵਿੱਚ ਸ਼ੂਟਿੰਗ ਕਰਨ ਤੋਂ ਬਾਅਦ ਦਿੱਲੀ ਆਈ ਸੀ, ਜਿੱਥੇ ਮੇਰਾ ਸ਼ੋਅ ਹੋਣਾ ਸੀ। ਉਰਵਸ਼ੀ ਨੇ ਕਿਹਾ ਕਿ ਮਿਸਟਰ ਆਰਪੀ ਮੈਨੂੰ ਮਿਲਣ ਆਏ ਸਨ ਅਤੇ ਉਹ ਲਾਬੀ ਵਿੱਚ ਮੇਰਾ ਇੰਤਜ਼ਾਰ ਕਰ ਰਹੇ ਸਨ।
ਉਰਵਸ਼ੀ ਰੌਤੇਲਾ ਨੇ ਕਿਹਾ ਕਿ ਜਦੋਂ ਮੈਂ 10 ਘੰਟੇ ਦੀ ਸ਼ੂਟਿੰਗ ਤੋਂ ਬਾਅਦ ਵਾਪਸ ਆਈ ਤਾਂ ਮੈਂ ਥਕੀ ਹੋਈ ਸੀ ਅਤੇ ਮੈਂ ਸੌਂ ਗਈ । ਮੈਨੂੰ ਕਈ ਵਾਰ ਫੋਨ ਆਇਆ, ਪਰ ਮੈਨੂੰ ਪਤਾ ਨਹੀਂ ਲਗਿਆ। ਜਦੋਂ ਮੈਂ ਜਾਗੀ ਤਾਂ ਮੈਂ ਦੇਖਿਆ ਕਿ 16-17 ਮਿਸ ਕਾਲਾਂ ਸਨ।
ਇਸ ਤੋਂ ਬਾਅਦ ਪੰਤ ਦੀ ਇੰਸਟਾ ਸਟੋਰੀ ਦੱਸਦੇ ਹੋਏ ਇਹ ਸਕਰੀਨਸ਼ਾਟ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਗਿਆ, ਜਿਸ 'ਚ ਲਿਖਿਆ ਸੀ ਕਿ ਇਹ ਹਾਸੇ ਦੀ ਗੱਲ ਹੈ ਕਿ ਕੁਝ ਲੋਕ ਇੰਟਰਵਿਊ 'ਚ ਝੂਠ ਬੋਲਦੇ ਹਨ ਤਾਂ ਕਿ ਉਹ ਪ੍ਰਸਿੱਧੀ ਹਾਸਲ ਕਰ ਸਕੇ ਅਤੇ ਸੁਰਖੀਆਂ 'ਚ ਆ ਸਕੇ। ਇਹ ਕਿੰਨੀ ਮਾੜੀ ਗੱਲ ਹੈ ਕਿ ਕੁਝ ਲੋਕ ਪ੍ਰਸਿੱਧੀ ਦੇ ਭੁੱਖੇ ਹਨ। ਪਰਮਾਤਮਾ ਉਹਨਾਂ ਨੂੰ ਖੁਸ਼ ਰੱਖੇ। ਮੇਰੀ ਭੈਣ ਪਿੱਛਾ ਛੱਡੋ, ਝੂਠ ਦੀ ਵੀ ਹੱਦ ਹੁੰਦੀ ਹੈ।' ਖਬਰਾਂ ਮੁਤਾਬਕ ਰਿਸ਼ਭ ਪੰਤ ਨੇ ਇਸ ਇੰਸਟਾ ਸਟੋਰੀ ਨੂੰ ਕੁਝ ਹੀ ਸਮੇਂ 'ਚ ਡਿਲੀਟ ਕਰ ਦਿੱਤਾ। ਪਰ ਪੰਤ ਨੇ ਅਜਿਹੀ ਕੋਈ ਕਹਾਣੀ ਪੋਸਟ ਕੀਤੀ ਸੀ ਜਾਂ ਨਹੀਂ, ਇਸ ਦੀ ਪੁਸ਼ਟੀ ਨਹੀਂ ਹੋਈ ਹੈ।
