ਸਾਨੀਆ-ਸ਼ੋਏਬ ਲੈ ਕੇ ਆ ਰਹੇ ਹਨ ਨਵਾਂ ਟਾੱਕ ਸ਼ੋ, ਪੋਸਟਰ ਹੋਇਆ ਵਾਇਰਲ

ਤਲਾਕ ਦੀਆਂ ਚਰਚਾਵਾਂ ਦੇ ਵਿਚਕਾਰ ਸਾਨੀਆ-ਸ਼ੋਏਬ ਦੇ ਨਵੇਂ ਟਾੱਕ ਸ਼ੋ, 'ਦਿ ਮਿਰਜ਼ਾ ਮਲਿਕ ਸ਼ੋਅ' ਦਾ ਪੋਸਟਰ ਵਾਇਰਲ ਹੋ ਰਿਹਾ ਹੈ। ਕੀ ਤਲਾਕ ਵਾਲੀ ਗੱਲ ਇੱਕ ਪਬਲਿਸਿਟੀ ਸਟੰਟ ਸੀ?
ਸਾਨੀਆ-ਸ਼ੋਏਬ ਲੈ ਕੇ ਆ ਰਹੇ ਹਨ ਨਵਾਂ ਟਾੱਕ ਸ਼ੋ, ਪੋਸਟਰ ਹੋਇਆ ਵਾਇਰਲ

ਤਲਾਕ ਦੀਆਂ ਖਬਰਾਂ ਵਿਚਾਲੇ ਪਾਕਿਸਤਾਨੀ ਕ੍ਰਿਕਟਰ ਸ਼ੋਏਬ ਮਲਿਕ ਅਤੇ ਭਾਰਤੀ ਟੈਨਿਸ ਸਟਾਰ ਸਾਨੀਆ ਮਿਰਜ਼ਾ ਨੇ ਵੱਡਾ ਐਲਾਨ ਕੀਤਾ ਹੈ। ਦੋਵੇਂ ਜਲਦ ਹੀ ਪਾਕਿਸਤਾਨੀ ਚੈਨਲ 'ਤੇ ਇਕ ਟਾਕ ਸ਼ੋਅ 'ਚ ਨਜ਼ਰ ਆਉਣਗੇ। ਇਸ ਟਾਕ ਸ਼ੋਅ ਦਾ ਨਾਂ 'ਦਿ ਮਿਰਜ਼ਾ ਮਲਿਕ ਸ਼ੋਅ' ਹੈ। ਇਸ ਦੇ ਪੋਸਟਰ ਐਤਵਾਰ ਨੂੰ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਹੇ ਹਨ।

ਸ਼ੋਅ ਦਾ ਐਲਾਨ ਉਦੋਂ ਕੀਤਾ ਗਿਆ ਹੈ ਜਦੋਂ ਪਾਕਿਸਤਾਨੀ ਮੀਡੀਆ ਦਾਅਵਾ ਕਰ ਰਿਹਾ ਹੈ ਕਿ ਦੋਵੇਂ ਤਲਾਕ ਲੈਣ ਜਾ ਰਹੇ ਹਨ। ਇਹ ਵੀ ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਹੁਣ ਵੀ ਦੋਵੇਂ ਵੱਖ-ਵੱਖ ਰਹਿ ਰਹੇ ਹਨ। ਰਿਪੋਰਟ 'ਚ ਤਲਾਕ ਦਾ ਕਾਰਨ ਇਕ ਮਾਡਲ, ਆਇਸ਼ਾ ਕਮਰ ਨੂੰ ਦੱਸਿਆ ਗਿਆ ਹੈ, ਜਿਸ ਨਾਲ ਸ਼ੋਏਬ ਡੇਟ ਕਰ ਰਹੇ ਹਨ।

ਸ਼ੋਏਬ ਅਤੇ ਸਾਨੀਆ ਦੇ ਟਾਕ ਸ਼ੋਅ ਦੇ ਐਲਾਨ ਤੋਂ ਬਾਅਦ ਸੋਸ਼ਲ ਮੀਡੀਆ 'ਤੇ ਕਈ ਯੂਜ਼ਰਸ ਉਨ੍ਹਾਂ ਦੇ ਤਲਾਕ ਦੀ ਖਬਰ ਨੂੰ ਪਬਲੀਸਿਟੀ ਸਟੰਟ ਕਰਾਰ ਦੇ ਰਹੇ ਹਨ। ਲੋਕਾਂ ਦਾ ਕਹਿਣਾ ਹੈ ਕਿ ਉਨ੍ਹਾਂ ਨੇ ਨਵੇਂ ਟਾਕ ਸ਼ੋਅ ਨੂੰ ਪ੍ਰਮੋਟ ਕਰਨ ਲਈ ਆਪਣੇ ਤਲਾਕ ਦੀ ਅਫਵਾਹ ਫੈਲਾਈ ਸੀ। ਹਾਲਾਂਕਿ ਹੁਣ ਇਨ੍ਹਾਂ ਸਵਾਲਾਂ ਦੇ ਜਵਾਬ ਟਾਕ ਸ਼ੋਅ ਆਉਣ ਤੋਂ ਬਾਅਦ ਹੀ ਮਿਲਣਗੇ।

Related Stories

No stories found.
Punjab Today
www.punjabtoday.com