ਫਰਾਂਸ:ਨੌਜਵਾਨਾਂ ਨੂੰ ਮੁਫਤ ਕੰਡੋਮ ਤੇ ਹਰ ਔਰਤ ਨੂੰ ਗਰਭ ਨਿਰੋਧਕ ਮਿਲੇਗੀ ਮੁਫ਼ਤ

ਫਰਾਂਸ ਨੇ ਦੇਸ਼ ਦੇ ਨੌਜਵਾਨਾਂ ਵਿੱਚ ਜਿਨਸੀ ਤੌਰ 'ਤੇ ਫੈਲਣ ਵਾਲੀਆਂ ਬਿਮਾਰੀਆਂ ਨੂੰ ਫੈਲਣ ਤੋਂ ਰੋਕਣ ਲਈ ਇਹ ਨਵੀਂ ਸਿਹਤ ਰਣਨੀਤੀ ਬਣਾਈ ਹੈ।
ਫਰਾਂਸ:ਨੌਜਵਾਨਾਂ ਨੂੰ ਮੁਫਤ ਕੰਡੋਮ ਤੇ ਹਰ ਔਰਤ ਨੂੰ ਗਰਭ ਨਿਰੋਧਕ ਮਿਲੇਗੀ ਮੁਫ਼ਤ

ਫਰਾਂਸ ਨੂੰ ਆਪਣੀ ਵਧੀਆ ਸਹਿਤ ਸੁਵਿਧਾਵਾਂ ਲਈ ਜਾਣਿਆ ਜਾਂਦਾ ਹੈ। ਫਰਾਂਸ ਸਰਕਾਰ ਨੇ ਨੌਜਵਾਨ ਮਰਦਾਂ ਅਤੇ ਔਰਤਾਂ ਨੂੰ ਮੁਫਤ ਕੰਡੋਮ ਅਤੇ ਗਰਭ ਨਿਰੋਧਕ ਮੁਹੱਈਆ ਕਰਵਾਉਣ ਦਾ ਵੱਡਾ ਐਲਾਨ ਕੀਤਾ ਹੈ। ਫਰਾਂਸ ਦੀ ਹਰ ਦਵਾਈਆਂ ਦੀ ਦੁਕਾਨ ਨੇ ਹੁਣ 26 ਸਾਲ ਤੱਕ ਦੇ ਨੌਜਵਾਨਾਂ ਲਈ ਮੁਫਤ ਕੰਡੋਮ ਦਾ ਪ੍ਰਬੰਧ ਕੀਤਾ ਹੈ।

ਫਰਾਂਸ ਦੇ ਰਾਸ਼ਟਰਪਤੀ ਇਮੈਨੁਅਲ ਮੈਕਰੋਨ ਨੇ ਇਸ ਨੂੰ ਗਰਭ ਨਿਰੋਧਕ ਸਿਹਤ ਵਿੱਚ ਇੱਕ "ਛੋਟੀ ਕ੍ਰਾਂਤੀ" ਕਿਹਾ ਹੈ। ਇੰਨਾ ਹੀ ਨਹੀਂ ਫਰਾਂਸ ਦੀ ਮੈਕਰੋਨ ਸਰਕਾਰ ਹਰ ਔਰਤ ਨੂੰ ਮੁਫਤ ਐਮਰਜੈਂਸੀ ਗਰਭ ਨਿਰੋਧਕ ਗੋਲੀਆਂ ਵੀ ਦੇਵੇਗੀ। ਫਰਾਂਸ ਨੇ ਦੇਸ਼ ਦੇ ਨੌਜਵਾਨਾਂ ਵਿੱਚ ਜਿਨਸੀ ਤੌਰ 'ਤੇ ਫੈਲਣ ਵਾਲੀਆਂ ਬਿਮਾਰੀਆਂ ਨੂੰ ਫੈਲਣ ਤੋਂ ਰੋਕਣ ਲਈ ਇਹ ਨਵੀਂ ਸਿਹਤ ਰਣਨੀਤੀ ਬਣਾਈ ਹੈ। ਇਸ ਨੂੰ ਨਵੇਂ ਸਾਲ ਦੇ ਪਹਿਲੇ ਦਿਨ ਤੋਂ ਲਾਗੂ ਕਰ ਦਿੱਤਾ ਗਿਆ ਹੈ। ਇਸ ਦਾ ਐਲਾਨ ਮੈਕਰੋਨ ਸਰਕਾਰ ਨੇ ਦਸੰਬਰ ਮਹੀਨੇ 'ਚ ਕੀਤਾ ਸੀ।

ਇਹ ਨਿਯਮ ਪਹਿਲਾਂ 18 ਤੋਂ 25 ਸਾਲ ਦੀ ਉਮਰ ਦੇ ਬੱਚਿਆਂ ਲਈ ਸੀ, ਪਰ ਹੁਣ ਇਸ ਨੂੰ ਨਾਬਾਲਗਾਂ ਤੱਕ ਵੀ ਵਧਾ ਦਿੱਤਾ ਗਿਆ ਹੈ। ਫਰਾਂਸ ਸਰਕਾਰ ਦੇ ਬੁਲਾਰੇ ਓਲੀਵੀਅਰ ਵੇਰਨ ਨੇ ਸੋਮਵਾਰ ਨੂੰ ਕਿਹਾ ਕਿ ਗਰਭ ਨਿਰੋਧਕ ਸਾਰੀਆਂ ਔਰਤਾਂ ਲਈ ਮੁਫਤ ਉਪਲਬਧ ਹੋਣਗੇ। ਇੰਨਾ ਹੀ ਨਹੀਂ 1 ਜਨਵਰੀ ਤੋਂ ਔਰਤਾਂ ਨੂੰ ਗਰਭ ਨਿਰੋਧਕ ਦਵਾਈਆਂ ਲਈ ਡਾਕਟਰ ਦੀ ਪਰਚੀ ਦੀ ਵੀ ਲੋੜ ਨਹੀਂ ਪਵੇਗੀ।

1 ਜਨਵਰੀ, 2022 ਤੋਂ, ਫਰਾਂਸ ਵਿੱਚ 26 ਸਾਲ ਤੱਕ ਦੀ ਉਮਰ ਦੀਆਂ ਔਰਤਾਂ ਨੂੰ ਪਹਿਲਾਂ ਹੀ ਗਰਭ ਨਿਰੋਧਕ ਦਵਾਈਆਂ ਮਿਲਣੀਆਂ ਸ਼ੁਰੂ ਹੋ ਗਈਆਂ ਹਨ। ਇਸ ਵਿੱਚ ਡਾਕਟਰ ਦੀ ਸਲਾਹ ਜਾਂ ਡਾਕਟਰੀ ਪ੍ਰਕਿਰਿਆ ਸ਼ਾਮਲ ਹੈ। ਇਹ ਤਾਜ਼ਾ ਕਦਮ ਅਜਿਹੇ ਸਮੇਂ ਚੁੱਕਿਆ ਗਿਆ ਹੈ ਜਦੋਂ ਸਿਹਤ ਅਧਿਕਾਰੀਆਂ ਨੇ ਅੰਦਾਜ਼ਾ ਲਗਾਇਆ ਹੈ ਕਿ ਫਰਾਂਸ ਵਿੱਚ ਸਾਲ 2020 ਅਤੇ 2021 ਵਿੱਚ ਜਿਨਸੀ ਰੋਗਾਂ ਦੇ ਮਾਮਲਿਆਂ ਵਿੱਚ 30 ਫੀਸਦੀ ਦਾ ਵਾਧਾ ਹੋਇਆ ਹੈ।

ਮੈਕਰੋਨ ਨੇ ਦਸੰਬਰ 'ਚ ਕਿਹਾ, 'ਇਹ ਗਰਭ ਨਿਰੋਧਕ ਸਿਹਤ ਦੇ ਖੇਤਰ 'ਚ ਇਕ ਛੋਟੀ ਜਿਹੀ ਕ੍ਰਾਂਤੀ ਹੈ। ਇਹ ਜ਼ਰੂਰੀ ਹੈ ਤਾਂ ਜੋ ਸਾਡੇ ਨੌਜਵਾਨ ਜਿਨਸੀ ਸੰਪਰਕ ਦੌਰਾਨ ਆਪਣੀ ਰੱਖਿਆ ਕਰ ਸਕਣ। ਇਸ ਤੋਂ ਪਹਿਲਾਂ ਨਿਯਮ ਵਿੱਚ ਨਾਬਾਲਗਾਂ ਨੂੰ ਸ਼ਾਮਲ ਨਾ ਕੀਤੇ ਜਾਣ ਦੀ ਸਖ਼ਤ ਆਲੋਚਨਾ ਕੀਤੀ ਗਈ ਸੀ। ਇਸ ਦੇ ਨਾਲ ਹੀ ਮੈਕਰੋਨ ਨੇ ਕਿਹਾ ਸੀ ਕਿ ਫਰਾਂਸ ਸੈਕਸ ਐਜੂਕੇਸ਼ਨ ਦੀ ਦਿਸ਼ਾ 'ਚ ਬਹੁਤ ਵਧੀਆ ਕੰਮ ਕਰ ਰਿਹਾ ਹੈ। ਉਨ੍ਹਾਂ ਕਿਹਾ ਕਿ ਅਸੀਂ ਆਪਣੇ ਅਧਿਆਪਕਾਂ ਨੂੰ ਸਿਖਲਾਈ ਦੇਣੀ ਹੈ।

Related Stories

No stories found.
logo
Punjab Today
www.punjabtoday.com