ਦਿੱਲੀ 'ਚ 4 ਅਮਰੀਕੀ ਮਹਿਲਾ ਡਿਪਲੋਮੈਟਾਂ ਨੇ ਇਕ ਬਹੁਤ ਵਧੀਆ ਉਦਾਹਰਣ ਪੇਸ਼ ਕੀਤਾ ਹੈ। ਭਾਰਤ ਦੀ ਰਾਜਧਾਨੀ ਦਿੱਲੀ ਵਿੱਚ ਸਥਿਤ ਅਮਰੀਕੀ ਦੂਤਾਵਾਸ ਦੀਆਂ 4 ਮਹਿਲਾ ਅਧਿਕਾਰੀ ਆਟੋ ਚਲਾ ਕੇ ਦਫ਼ਤਰ ਜਾਂਦੀਆਂ ਹਨ। ਖਾਸ ਗੱਲ ਇਹ ਹੈ ਕਿ ਇਹ ਆਟੋ ਉਨ੍ਹਾਂ ਦਾ ਨਿੱਜੀ ਵਾਹਨ ਹੈ। ਇਸ ਰਾਹੀ ਉਹ ਦਫ਼ਤਰ ਜਾਂਦੀਆਂ ਹਨ।
ਐਨ.ਐਲ ਮੇਸਨ, ਰੂਥ ਹੋਲਮਬਰਗ, ਸ਼ੈਰੀਨ ਜੇ ਕਿਟਰਮੈਨ ਅਤੇ ਜੈਨੀਫਰ ਬਾਈਵਾਟਰਸ ਦਾ ਕਹਿਣਾ ਹੈ ਕਿ ਆਟੋ ਚਲਾਉਣਾ ਨਾ ਸਿਰਫ ਮਜ਼ੇਦਾਰ ਹੈ, ਸਗੋਂ ਇਹ ਇਕ ਉਦਾਹਰਣ ਹੈ ਕਿ ਅਮਰੀਕੀ ਅਧਿਕਾਰੀ ਆਮ ਲੋਕਾਂ ਵਾਂਗ ਹੀ ਹਨ। ਅਮਰੀਕੀ ਡਿਪਲੋਮੈਟ ਐਨਐਲ ਮੇਸਨ ਨੇ ਕਿਹਾ - ਮੈਂ ਕਦੇ ਵੀ ਕਲਚ ਵਾਹਨ ਨਹੀਂ ਚਲਾਇਆ ਸੀ, ਮੈਂ ਹਮੇਸ਼ਾ ਆਟੋਮੈਟਿਕ ਕਾਰ ਚਲਾਈ ਹੈ, ਪਰ ਭਾਰਤ ਆਉਣਾ ਅਤੇ ਆਟੋ ਚਲਾਉਣਾ ਇੱਕ ਨਵਾਂ ਅਨੁਭਵ ਸੀ। ਜਦੋਂ ਮੈਂ ਪਾਕਿਸਤਾਨ ਵਿੱਚ ਸੀ, ਮੈਂ ਇੱਕ ਵੱਡੀ ਅਤੇ ਆਲੀਸ਼ਾਨ ਬੁਲੇਟਪਰੂਫ ਕਾਰ ਵਿੱਚ ਸਫ਼ਰ ਕਰਦੀ ਸੀ। ਪਰ ਜਦੋਂ ਮੈਂ ਬਾਹਰ ਆਟੋ ਤੋਂ ਦੇਖਦੀ ਸੀ, ਤਾਂ ਮੈਨੂੰ ਲੱਗਦਾ ਸੀ ਕਿ ਮੈਨੂੰ ਘੱਟੋ-ਘੱਟ ਇੱਕ ਵਾਰ ਤਾਂ ਇਹ ਗੱਡੀ ਚਲਾਉਣੀ ਚਾਹੀਦੀ ਹੈ । ਇਸੇ ਲਈ ਭਾਰਤ ਆਉਂਦੇ ਹੀ ਉਸ ਨੇ ਆਟੋ ਖਰੀਦ ਲਿਆ।
ਰੂਥ, ਸ਼ਰੀਨ ਅਤੇ ਜੈਨੀਫਰ ਨੇ ਵੀ ਮੇਰੇ ਨਾਲ ਆਟੋ ਖਰੀਦਿਆ। ਮੇਸਨ ਨੇ ਕਿਹਾ- ਮੈਨੂੰ ਆਪਣੀ ਮਾਂ ਤੋਂ ਪ੍ਰੇਰਨਾ ਮਿਲੀ। ਉਹ ਹਮੇਸ਼ਾ ਕੁਝ ਨਵਾਂ ਕਰਦੀ ਰਹਿੰਦੀ ਸੀ। ਉਸਨੇ ਹਮੇਸ਼ਾ ਮੈਨੂੰ ਮੌਕੇ ਲੈਣ ਲਈ ਸਿਖਾਇਆ, ਮੇਰੀ ਬੇਟੀ ਵੀ ਆਟੋ ਚਲਾਉਣਾ ਸਿੱਖ ਰਹੀ ਹੈ। ਮੈਂ ਆਟੋ ਨੂੰ ਨਿੱਜੀ ਬਣਾਇਆ ਹੈ। ਇਸ ਵਿੱਚ ਬਲੂਟੁੱਥ ਡਿਵਾਈਸ ਹੈ। ਇਸ ਵਿੱਚ ਟਾਈਗਰ ਪ੍ਰਿੰਟ ਦੇ ਪਰਦੇ ਵੀ ਹਨ।
ਅਮਰੀਕੀ ਅਧਿਕਾਰੀ ਰੂਥ ਹੋਲਮਬਰਗ ਨੇ ਕਿਹਾ - ਮੈਨੂੰ ਆਟੋ ਚਲਾਉਣਾ ਪਸੰਦ ਹੈ। ਇਹ ਮੇਰੇ ਬਜ਼ਾਰ ਜਾਣ ਦਾ ਜ਼ਰੀਆ ਹੈ। ਮੈਂ ਇੱਥੇ ਲੋਕਾਂ ਨੂੰ ਮਿਲਦੀ ਹਾਂ। ਔਰਤਾਂ ਵੀ ਮੈਨੂੰ ਦੇਖ ਕੇ ਪ੍ਰੇਰਿਤ ਹੁੰਦੀਆਂ ਹਨ। ਕੂਟਨੀਤੀ ਮੇਰੇ ਲਈ ਉੱਚ ਪੱਧਰ 'ਤੇ ਨਹੀਂ ਹੈ। ਕੂਟਨੀਤੀ ਲੋਕਾਂ ਨੂੰ ਮਿਲਣ, ਉਨ੍ਹਾਂ ਨੂੰ ਜਾਣਨ ਅਤੇ ਉਨ੍ਹਾਂ ਨਾਲ ਰਿਸ਼ਤਾ ਬਣਾਉਣ ਬਾਰੇ ਹੈ। ਮੈਂ ਆਟੋ ਚਲਾਉਂਦੇ ਸਮੇਂ ਇਹ ਸਭ ਕਰ ਸਕਦੀ ਹਾਂ। ਮੈਂ ਹਰ ਰੋਜ਼ ਲੋਕਾਂ ਨੂੰ ਮਿਲਦੀਹਾਂ। ਇਹ ਕੂਟਨੀਤੀ ਲਈ ਮਹੱਤਵਪੂਰਨ ਹੈ। ਆਟੋ ਚਲਾਉਣ ਦੇ ਆਪਣੇ ਅਨੁਭਵ ਬਾਰੇ ਦੱਸਦੇ ਹੋਏ ਜੈਨੀਫਰ ਨੇ ਕਿਹਾ- ਮੈਂ ਲੋਕਾਂ ਦੀ ਚੰਗਿਆਈ ਦੇਖੀ ਹੈ। ਕਈ ਵਾਰ ਤੁਹਾਨੂੰ ਲੋਕਾਂ ਨੂੰ ਜਾਣਨ ਲਈ ਕੁਝ ਅਲਗ ਸੋਚਣਾ ਪੈਂਦਾ ਹੈ। ਜਦੋਂ ਮੈਂ ਦਿੱਲੀ ਆਈ ਤਾਂ ਮੈਸਨ ਨਾਲ ਆਟੋ ਵਿੱਚ ਜਾਂਦੀ ਸੀ। ਬਾਅਦ ਵਿੱਚ ਮੈਂ ਆਪਣਾ ਆਟੋ ਖਰੀਦ ਲਿਆ। ਗੱਡੀ ਚਲਾਉਣੀ ਔਖੀ ਸੀ, ਪਰ ਮੈਂ ਸਿੱਖ ਲਿਆ।
