ਕ੍ਰਾਈਮ ਸ਼ੋਅ ਵੇਖ ਆਫਤਾਬ ਨੇ ਸ਼ਰਧਾ ਨੂੰ ਆਰੇ ਨਾਲ ਕੱਟ ਕੇ ਫਰਿੱਜ 'ਚ ਰੱਖਿਆ

ਇਸ ਪੂਰੇ ਮਾਮਲੇ 'ਤੇ ਪੁਲਿਸ ਦੇ ਹਵਾਲੇ ਨਾਲ ਸੂਤਰਾਂ ਨੇ ਦੱਸਿਆ ਕਿ ਅਫਤਾਬ ਨੇ ਘਟਨਾ ਤੋਂ ਪਹਿਲਾਂ ਅਮਰੀਕੀ ਕ੍ਰਾਈਮ ਸ਼ੋਅ ਡੇਕਸਟਰ ਸਮੇਤ ਕਈ ਕ੍ਰਾਈਮ ਫਿਲਮਾਂ ਅਤੇ ਸ਼ੋਅ ਦੇਖੇ ਸਨ।
ਕ੍ਰਾਈਮ ਸ਼ੋਅ ਵੇਖ ਆਫਤਾਬ ਨੇ ਸ਼ਰਧਾ ਨੂੰ ਆਰੇ ਨਾਲ ਕੱਟ ਕੇ ਫਰਿੱਜ 'ਚ ਰੱਖਿਆ

ਦਿੱਲੀ ਪੁਲਿਸ ਨੇ ਸੋਮਵਾਰ ਨੂੰ ਦਿਲ ਦਹਿਲਾ ਦੇਣ ਵਾਲੇ ਕਤਲ ਕਾਂਡ ਦਾ ਖੁਲਾਸਾ ਕੀਤਾ ਸੀ । ਕਰੀਬ 6 ਮਹੀਨੇ ਪਹਿਲਾਂ 18 ਮਈ ਨੂੰ ਲਿਵ-ਇਨ ਪਾਰਟਨਰ ਆਫਤਾਬ ਨੇ ਆਪਣੀ 26 ਸਾਲਾ ਪ੍ਰੇਮਿਕਾ ਸ਼ਰਧਾ ਦਾ ਬੇਰਹਿਮੀ ਨਾਲ ਕਤਲ ਕਰ ਦਿੱਤਾ ਸੀ। ਉਸ ਦੀ ਲਾਸ਼ ਨੂੰ ਆਰੇ ਨਾਲ ਕੱਟਿਆ ਗਿਆ ਸੀ। ਨਵਾਂ ਫਰਿੱਜ ਲਿਆਇਆ ਤਾਂ ਜੋ ਉਹ ਟੁਕੜਿਆਂ ਨੂੰ ਉਸ ਵਿੱਚ ਰੱਖ ਸਕੇ ਅਤੇ ਗੰਧ ਨੂੰ ਦਬਾਉਣ ਲਈ ਧੂਪ ਬਾਲਦਾ ਸੀ।

ਆਫਤਾਬ 18 ਦਿਨਾਂ ਤੱਕ ਹਰ ਰਾਤ 2 ਵਜੇ ਉੱਠ ਕੇ ਲਾਸ਼ ਦੇ ਅੰਗਾਂ ਨੂੰ ਜੰਗਲ ਵਿੱਚ ਸੁੱਟ ਦਿੰਦਾ ਸੀ। ਪੁਲਿਸ ਨੇ ਸ਼ਨੀਵਾਰ ਨੂੰ ਆਫਤਾਬ ਨੂੰ ਗ੍ਰਿਫਤਾਰ ਕਰ ਲਿਆ। ਫਿਰ ਉਸ ਨੇ ਸ਼ਰਧਾ ਦੇ ਕਤਲ ਦੀ ਸਨਸਨੀਖੇਜ਼ ਕਹਾਣੀ ਸੁਣਾਈ। ਇੱਥੇ ਅਦਾਲਤ ਨੇ ਆਫਤਾਬ ਨੂੰ 5 ਦਿਨਾਂ ਲਈ ਪੁਲਿਸ ਰਿਮਾਂਡ 'ਤੇ ਭੇਜ ਦਿੱਤਾ ਹੈ। ਇਸ ਪੂਰੇ ਮਾਮਲੇ 'ਤੇ ਪੁਲਿਸ ਦੇ ਹਵਾਲੇ ਨਾਲ ਸੂਤਰਾਂ ਨੇ ਦੱਸਿਆ ਕਿ ਅਫਤਾਬ ਨੇ ਘਟਨਾ ਤੋਂ ਪਹਿਲਾਂ ਅਮਰੀਕੀ ਕ੍ਰਾਈਮ ਸ਼ੋਅ ਡੇਕਸਟਰ ਸਮੇਤ ਕਈ ਕ੍ਰਾਈਮ ਫਿਲਮਾਂ ਅਤੇ ਸ਼ੋਅ ਦੇਖੇ ਸਨ।

ਇਸ ਤੋਂ ਬਾਅਦ ਹੀ ਉਸ ਨੇ ਸ਼ਰਧਾ ਦਾ ਕਤਲ ਕਰ ਦਿੱਤਾ ਅਤੇ ਆਰੇ ਨਾਲ ਕੱਟ ਕੇ ਉਸ ਦੀ ਲਾਸ਼ ਦੇ 35 ਟੁਕੜੇ ਕਰ ਦਿੱਤੇ। ਉਸ ਨੇ ਸਰੀਰ ਦੇ ਅੰਗਾਂ ਨੂੰ ਸੁਰੱਖਿਅਤ ਰੱਖਣ ਲਈ ਬਜ਼ਾਰ ਤੋਂ ਇੱਕ ਵੱਡਾ ਫਰਿੱਜ ਵੀ ਖਰੀਦਿਆ ਸੀ। ਹਰ ਰੋਜ਼ ਉਹ ਫਰਿੱਜ ਵਿੱਚੋਂ ਕੁਝ ਟੁਕੜੇ ਕੱਢ ਕੇ ਜੰਗਲ ਵਿੱਚ ਸੁੱਟਣ ਲਈ ਨਿਕਲ ਜਾਂਦਾ। ਇਹ ਸਿਲਸਿਲਾ 18 ਦਿਨ ਚੱਲਦਾ ਰਿਹਾ। ਇੰਨਾ ਹੀ ਨਹੀਂ ਆਫਤਾਬ ਨੇ ਸਬੂਤਾਂ ਨੂੰ ਮਿਟਾਉਣ ਲਈ ਗੂਗਲ 'ਤੇ ਖੂਨ ਸਾਫ ਕਰਨ ਦਾ ਤਰੀਕਾ ਵੀ ਸਰਚ ਕੀਤਾ ਸੀ।

ਡੇਕਸਟਰ ਇੱਕ ਅਮਰੀਕੀ ਅਪਰਾਧ ਡਰਾਮਾ ਅਤੇ ਮਨੋਵਿਗਿਆਨਕ ਥ੍ਰਿਲਰ ਸ਼ੋਅ ਹੈ, ਜੋ 2006 ਤੋਂ 2013 ਤੱਕ ਪ੍ਰਸਾਰਿਤ ਕੀਤਾ ਗਿਆ ਸੀ। ਇਸ ਦੇ 8 ਸੀਜ਼ਨ ਸਨ । ਸ਼ੋਅ ਦਾ ਮੁੱਖ ਪਾਤਰ, ਡੇਕਸਟਰ ਮੋਰਗਨ, ਦਿਨ ਵੇਲੇ ਪੁਲਿਸ ਲਈ ਇੱਕ ਫੋਰੈਂਸਿਕ ਟੈਕਨੀਸ਼ੀਅਨ ਵਜੋਂ ਕੰਮ ਕਰਦਾ ਹੈ, ਜਦੋਂ ਕਿ ਰਾਤ ਨੂੰ ਇੱਕ ਸੀਰੀਅਲ ਕਿਲਰ ਵਜੋਂ, ਉਹ ਉਨ੍ਹਾਂ ਅਪਰਾਧੀਆਂ ਦਾ ਕਤਲ ਕਰਦਾ ਹੈ, ਜਿਨ੍ਹਾਂ ਨੇ ਵਹਿਸ਼ੀ ਅਪਰਾਧ ਕੀਤੇ ਹਨ, ਪਰ ਕਾਨੂੰਨ ਦੁਆਰਾ ਸਜ਼ਾ ਨਹੀਂ ਦਿੱਤੀ ਗਈ ਹੈ। 2019 ਵਿੱਚ, ਸ਼ਰਧਾ ਮੁੰਬਈ ਵਿੱਚ ਇੱਕ ਕਾਲ ਸੈਂਟਰ ਵਿੱਚ ਕੰਮ ਕਰਦੇ ਹੋਏ ਆਫਤਾਬ ਨੂੰ ਮਿਲੀ। ਦੋਵਾਂ ਦੀ ਮੁਲਾਕਾਤ ਇੱਕ ਡੇਟਿੰਗ ਐਪ ਰਾਹੀਂ ਹੋਈ ਸੀ। ਪਰਿਵਾਰਕ ਮੈਂਬਰ ਉਨ੍ਹਾਂ ਦੇ ਰਿਸ਼ਤੇ ਤੋਂ ਨਾਖੁਸ਼ ਸਨ। ਇਸ ਕਾਰਨ ਉਹ ਮੁੰਬਈ ਤੋਂ ਦਿੱਲੀ ਸ਼ਿਫਟ ਹੋ ਗਿਆ ਅਤੇ ਮਹਿਰੌਲੀ ਵਿੱਚ ਇੱਕ ਫਲੈਟ ਵਿੱਚ ਰਹਿਣ ਲੱਗਾ।

Related Stories

No stories found.
Punjab Today
www.punjabtoday.com