ਬਾਲੀਵੁੱਡ ਦੇ ਸਹਿਨਸ਼ਾਹ ਅਮਿਤਾਭ ਬੱਚਨ ਦੇ ਲੱਖਾਂ ਫ਼ੈਨ ਹਨ, ਜੋ ਉਨ੍ਹਾਂ ਦੀ ਇਕ ਝਲਕ ਪਾਉਣ ਨੂੰ ਤਰਸਦੇ ਹਨ। ਦਿੱਲੀ ਹਾਈ ਕੋਰਟ ਨੇ ਇੱਕ ਅੰਤਰਿਮ ਹੁਕਮ ਵਿੱਚ ਕਿਹਾ ਕਿ ਹੁਣ ਮੈਗਾਸਟਾਰ ਅਮਿਤਾਭ ਬੱਚਨ ਦਾ ਨਾਮ, ਤਸਵੀਰ ਅਤੇ ਆਵਾਜ਼ ਦੀ ਵਰਤੋਂ ਕਰਨ ਤੋਂ ਪਹਿਲਾਂ ਇਜਾਜ਼ਤ ਲੈਣੀ ਪਵੇਗੀ।
ਅਮਿਤਾਭ ਬੱਚਨ ਦੀ ਤਰਫੋਂ ਇਸ ਮੰਗ ਨੂੰ ਲੈ ਕੇ ਇਕ ਪਟੀਸ਼ਨ ਦਾਇਰ ਕੀਤੀ ਗਈ ਸੀ, ਜਿਸ 'ਤੇ ਹਾਈਕੋਰਟ ਨੇ ਸ਼ੁੱਕਰਵਾਰ ਨੂੰ ਆਪਣਾ ਫੈਸਲਾ ਸੁਣਾਇਆ। ਹਾਈ ਕੋਰਟ ਵਿੱਚ ਦਾਇਰ ਇੱਕ ਪਟੀਸ਼ਨ ਵਿੱਚ, ਮੈਗਾਸਟਾਰ ਅਮਿਤਾਭ ਬੱਚਨ ਨੇ ਚਿੰਤਾ ਜ਼ਾਹਰ ਕਰਦਿਆਂ ਆਪਣੇ ਨਾਮ, ਚਿੱਤਰ, ਆਵਾਜ਼ ਅਤੇ ਸ਼ਖਸੀਅਤ ਦੀਆਂ ਵਿਸ਼ੇਸ਼ਤਾਵਾਂ ਦੀ ਸੁਰੱਖਿਆ ਦੀ ਮੰਗ ਕੀਤੀ ਸੀ। ਅਦਾਲਤ 'ਚ ਅਮਿਤਾਭ ਦੀ ਤਰਫੋਂ ਮਸ਼ਹੂਰ ਵਕੀਲ ਹਰੀਸ਼ ਸਾਲਵੇ ਪੇਸ਼ ਹੋਏ ਅਤੇ ਆਪਣਾ ਪੱਖ ਰੱਖਿਆ।
ਇਸ ਮਾਮਲੇ ਦੀ ਸੁਣਵਾਈ ਜਸਟਿਸ ਨਵੀਨ ਚਾਵਲਾ ਦੀ ਅਦਾਲਤ ਵਿੱਚ ਹੋਈ। ਦਰਅਸਲ ਕੁਝ ਕੰਪਨੀਆਂ ਅਮਿਤਾਭ ਬੱਚਨ ਦੇ ਨਾਂ, ਆਵਾਜ਼ ਅਤੇ ਸ਼ਖਸੀਅਤ ਦਾ ਗਲਤ ਤਰੀਕੇ ਨਾਲ ਇਸਤੇਮਾਲ ਕਰ ਰਹੀਆਂ ਸਨ। ਅਦਾਕਾਰ ਨੇ ਆਪਣੀ ਪਟੀਸ਼ਨ 'ਚ ਕਿਹਾ ਹੈ ਕਿ ਜੋ ਲੋਕ ਉਨ੍ਹਾਂ ਦੇ ਨਾਂ ਦੀ ਦੁਰਵਰਤੋਂ ਕਰ ਰਹੇ ਹਨ, ਵਪਾਰਕ ਸਨਅਤ ਨੂੰ ਇਨ੍ਹਾਂ 'ਤੇ ਕੰਟਰੋਲ ਕਰਨਾ ਚਾਹੀਦਾ ਹੈ।
ਸੋਸ਼ਲ ਮੀਡੀਆ 'ਤੇ ਅਮਿਤਾਭ ਬੱਚਨ ਦੇ ਨਾਂ 'ਤੇ ਇਕ ਲਾਟਰੀ ਐਡ ਵੀ ਚੱਲ ਰਿਹਾ ਹੈ, ਜਿੱਥੇ ਉਨ੍ਹਾਂ ਦੀ ਫੋਟੋ ਵੀ ਪ੍ਰਮੋਸ਼ਨਲ ਬੈਨਰ 'ਤੇ ਦਿਖਾਈ ਗਈ ਹੈ। ਇਸ ਤੋਂ ਇਲਾਵਾ ਇਸ 'ਤੇ ਕੇਬੀਸੀ ਦਾ ਲੋਗੋ ਵੀ ਚਿਪਕਿਆ ਹੋਇਆ ਹੈ। ਇਹ ਬੈਨਰ ਕਿਸੇ ਨੇ ਲੋਕਾਂ ਨੂੰ ਗੁੰਮਰਾਹ ਕਰਨ ਲਈ ਬਣਾਇਆ ਹੈ। ਜਿਸ ਲਈ ਅਮਿਤਾਭ ਨੇ ਪਟੀਸ਼ਨ ਦਾਇਰ ਕੀਤੀ ਸੀ। ਅਮਿਤਾਭ ਨੇ ਬਾਲੀਵੁੱਡ ਵਿੱਚ ਆਪਣੀਆਂ ਸ਼ਾਨਦਾਰ ਫਿਲਮਾਂ ਲਈ ਕਈ ਰਾਸ਼ਟਰੀ ਪੁਰਸਕਾਰ ਜਿੱਤੇ ਹਨ।
ਅਮਿਤਾਭ ਇਸ ਸਮੇਂ ਕੌਨ ਬਣੇਗਾ ਕਰੋੜਪਤੀ ਦੇ 14ਵੇਂ ਸੀਜ਼ਨ ਦੀ ਮੇਜ਼ਬਾਨੀ ਕਰ ਰਹੇ ਹਨ। ਅਮਿਤਾਭ ਕੇਬੀਸੀ ਦੇ ਕੁੱਲ 12 ਸੀਜ਼ਨ ਹੋਸਟ ਕਰ ਚੁੱਕੇ ਹਨ। ਇਹ ਸਾਰੇ ਸੀਜ਼ਨ ਸੁਪਰਹਿੱਟ ਰਹੇ ਹਨ। ਉਦੋਂ ਤੋਂ ਅਮਿਤਾਭ ਬੱਚਨ ਲਗਾਤਾਰ ਕੇਬੀਸੀ ਦੀ ਮੇਜ਼ਬਾਨੀ ਕਰ ਰਹੇ ਹਨ। ਅਮਿਤਾਭ ਬੱਚਨ ਨੇ ਕਈ ਫਿਲਮਾਂ 'ਚ ਗੀਤ ਵੀ ਗਾਏ ਹਨ। ਉਸਨੇ ਫਿਲਮ ਲਾਵਾਰਿਸ ਵਿੱਚ ਮੇਰੇ ਅੰਗਨੇ ਮੈਂ ਤੁਮਹਾਰੇ ਕਯਾ ਕਾਮ ਹੈ ਗਾਇਆ ਸੀ ਜੋ ਕਾਫੀ ਮਸ਼ਹੂਰ ਹੋਇਆ ਸੀ।
ਇਸ ਤੋਂ ਇਲਾਵਾ ਅਮਿਤਾਭ ਨੇ ਫਿਲਮ 'ਜਾਦੂਗਰ' ਦੇ ਗੀਤ 'ਪੜੋਸਣ ਅਪਨੀ ਮੁਰਗੀ ਕੋ' 'ਚ ਆਪਣੀ ਆਵਾਜ਼ ਨਾਲ ਸਾਰਿਆਂ ਨੂੰ ਦੀਵਾਨਾ ਬਣਾ ਦਿੱਤਾ ਸੀ। ਇਸ ਦੇ ਨਾਲ ਹੀ ਫਿਲਮ ਨਟਵਰਲਾਲ 'ਚ ਅਮਿਤਾਭ ਬੱਚਨ ਦੀ ਆਵਾਜ਼ 'ਚ ਗਾਏ ਗੀਤ ਨੂੰ ਅੱਜ ਵੀ ਬੱਚਿਆਂ ਵਲੋਂ ਕਾਫੀ ਪਸੰਦ ਕੀਤਾ ਜਾ ਰਿਹਾ ਹੈ। ਸਾਲ 2007 ਵਿੱਚ, ਬਿੱਗ ਬੀ ਨੇ ਅਮਿਤਾਭ ਬੱਚਨ ਅਤੇ ਜੀਆ ਖਾਨ ਸਟਾਰਰ ਫਿਲਮ ਨਿਸ਼ਬਦ ਵੀ ਵਿੱਚ ਰੋਜਾਨਾ ਜੀਏ ਰੋਜਾਨਾ ਗੀਤ ਨੂੰ ਵੀ ਆਪਣੀ ਆਵਾਜ਼ ਦਿੱਤੀ ਸੀ ।
