ਰਾਹੁਲ ਨੇ ਮਸਕ ਨੂੰ ਖਾਸ ਤਰੀਕੇ ਨਾਲ ਦਿੱਤੀ ਵਧਾਈ, ਕਿਹਾ ਹੇਟ ਸਪੀਚ ਹੋਵੇ ਬੈਨ

ਰਾਹੁਲ ਗਾਂਧੀ ਨੇ ਲਿਖਿਆ ਹੈ, ਕਿ ਉਨ੍ਹਾਂ ਨੂੰ ਉਮੀਦ ਹੈ ਕਿ ਹੁਣ ਭਾਰਤ 'ਚ ਸਰਕਾਰ ਦੇ ਇਸ਼ਾਰੇ 'ਤੇ ਟਵਿੱਟਰ 'ਤੇ ਵਿਰੋਧੀ ਧਿਰ ਦੀ ਆਵਾਜ਼ ਨੂੰ ਦਬਾਇਆ ਨਹੀਂ ਜਾਵੇਗਾ।
ਰਾਹੁਲ ਨੇ ਮਸਕ ਨੂੰ ਖਾਸ ਤਰੀਕੇ ਨਾਲ ਦਿੱਤੀ ਵਧਾਈ, ਕਿਹਾ ਹੇਟ ਸਪੀਚ ਹੋਵੇ ਬੈਨ

ਰਾਹੁਲ ਗਾਂਧੀ ਨੇ ਮਸਕ ਦੇ ਟਵਿੱਟਰ ਖਰੀਦਣ 'ਤੇ ਖੁਸ਼ੀ ਜ਼ਾਹਿਰ ਕੀਤੀ ਹੈ। ਟਵਿੱਟਰ ਨੂੰ ਖਰੀਦਣ ਤੋਂ ਬਾਅਦ ਦੁਨੀਆ ਭਰ ਦੀਆਂ ਮਸ਼ਹੂਰ ਹਸਤੀਆਂ ਐਲੋਨ ਮਸਕ ਨੂੰ ਵਧਾਈਆਂ ਦੇ ਰਹੀਆਂ ਹਨ। ਇਸ ਕੜੀ 'ਚ ਕਾਂਗਰਸ ਨੇਤਾ ਰਾਹੁਲ ਗਾਂਧੀ ਨੇ ਵੀ ਮਸਕ ਨੂੰ ਵਧਾਈ ਦਿੰਦੇ ਹੋਏ ਟਵੀਟ ਕੀਤਾ ਹੈ।

ਇਸ ਟਵੀਟ 'ਚ ਰਾਹੁਲ ਗਾਂਧੀ ਨੇ ਕਿਹਾ ਹੈ, ਕਿ ਉਮੀਦ ਕੀਤੀ ਜਾਣੀ ਚਾਹੀਦੀ ਹੈ, ਕਿ ਹੁਣ ਟਵਿਟਰ ਨਫਰਤ ਭਰੇ ਭਾਸ਼ਣ 'ਤੇ ਕਾਰਵਾਈ ਕਰੇਗਾ। ਇਸ ਦੇ ਨਾਲ ਹੀ ਉਨ੍ਹਾਂ ਨੇ ਇੱਕ ਗ੍ਰਾਫ਼ ਵੀ ਸਾਂਝਾ ਕੀਤਾ ਹੈ, ਜਿਸ ਵਿੱਚ ਖਾਤੇ ਵਿੱਚ ਹੇਰਾਫੇਰੀ ਦਾ ਡਾਟਾ ਸਾਂਝਾ ਕੀਤਾ ਗਿਆ ਹੈ। ਰਾਹੁਲ ਗਾਂਧੀ ਨੇ ਆਪਣੇ ਟਵੀਟ ਵਿੱਚ ਲਿਖਿਆ, ਐਲੋਨ ਮਸਕ ਨੂੰ ਵਧਾਈਆਂ। ਮੈਨੂੰ ਉਮੀਦ ਹੈ ਕਿ ਹੁਣ ਟਵਿੱਟਰ ਨਫਰਤ ਭਰੇ ਭਾਸ਼ਣ ਦੇ ਖਿਲਾਫ ਕੰਮ ਕਰੇਗਾ ਅਤੇ ਉਚਿਤ ਕਾਰਵਾਈ ਕਰੇਗਾ। ਇਸ ਦੇ ਨਾਲ ਹੀ ਸਖ਼ਤ ਤੱਥਾਂ ਦੀ ਜਾਂਚ ਵੀ ਕੀਤੀ ਜਾਵੇਗੀ।

ਇਸ ਤੋਂ ਅੱਗੇ ਰਾਹੁਲ ਨੇ ਲਿਖਿਆ ਹੈ, ਕਿ ਉਨ੍ਹਾਂ ਨੂੰ ਉਮੀਦ ਹੈ ਕਿ ਹੁਣ ਭਾਰਤ 'ਚ ਸਰਕਾਰ ਦੇ ਇਸ਼ਾਰੇ 'ਤੇ ਟਵਿੱਟਰ 'ਤੇ ਵਿਰੋਧੀ ਧਿਰ ਦੀ ਆਵਾਜ਼ ਨੂੰ ਦਬਾਇਆ ਨਹੀਂ ਜਾਵੇਗਾ। ਇਸ ਟਵੀਟ ਦੇ ਨਾਲ ਹੀ ਰਾਹੁਲ ਗਾਂਧੀ ਨੇ ਗ੍ਰਾਫ਼ ਸ਼ੇਅਰ ਕੀਤਾ ਹੈ। ਰਾਹੁਲ ਗਾਂਧੀ ਦੁਆਰਾ ਸ਼ੇਅਰ ਕੀਤੇ ਗਏ ਗ੍ਰਾਫ 'ਤੇ ਲਿਖਿਆ ਹੈ - ਰਾਹੁਲ ਗਾਂਧੀ ਅਕਾਊਂਟ ਮੈਨੀਪੁਲੇਸ਼ਨ। ਇਸ 'ਚ ਜਨਵਰੀ 2021 ਤੋਂ ਸਤੰਬਰ 2022 ਤੱਕ ਦਾ ਡਾਟਾ ਸਾਂਝਾ ਕੀਤਾ ਗਿਆ ਹੈ।

ਇਸ ਗ੍ਰਾਫ਼ ਨੂੰ ਤਿੰਨ ਭਾਗਾਂ ਵਿੱਚ ਵੰਡਿਆ ਗਿਆ ਹੈ, ਜਿਸ ਵਿੱਚ ਇਹ ਕਿਹਾ ਗਿਆ ਹੈ, ਕਿ ਨਵੇਂ ਫਾਲੋਅਰਸ ਵਧਦੇ ਹਨ, ਨਵੇਂ ਫਾਲੋਅਰਸ ਨੂੰ ਰੋਕਿਆ ਜਾਂਦਾ ਹੈ ਅਤੇ ਨਵੇਂ ਫਾਲੋਅਰਸ ਦੁਬਾਰਾ ਵਧਦੇ ਹਨ। ਇਸ ਵਿਚ ਦਿਖਾਇਆ ਗਿਆ ਹੈ ਕਿ ਅਗਸਤ 2021 ਵਿੱਚ ਬਲਾਤਕਾਰ ਪੀੜਤਾ ਬਾਰੇ ਇੱਕ ਟਵੀਟ ਕੀਤਾ ਗਿਆ ਸੀ।

ਇਸ ਤੋਂ ਬਾਅਦ ਫਰਵਰੀ 2022 ਤੱਕ ਫਾਲੋਅਰਸ ਦੀ ਗਿਣਤੀ 'ਤੇ ਰੋਕ ਲਗਾ ਦਿੱਤੀ ਗਈ ਸੀ। ਗ੍ਰਾਫ ਦੇ ਅਨੁਸਾਰ, ਫਰਵਰੀ 2022 ਵਿੱਚ, ਵਾਲ ਸਟਰੀਟ ਜਰਨਲ ਨੇ ਟਵਿੱਟਰ ਦਾ ਪਰਦਾਫਾਸ਼ ਕੀਤਾ ਸੀ। ਇਸ ਤੋਂ ਬਾਅਦ ਫਿਰ ਤੋਂ ਰਾਹੁਲ ਗਾਂਧੀ ਦੇ ਫਾਲੋਅਰਸ ਵਧਣੇ ਸ਼ੁਰੂ ਹੋ ਗਏ। ਇਹ ਵੀ ਲਿਖਿਆ ਗਿਆ ਹੈ, ਕਿ ਜਦੋਂ ਫਾਲੋਅਰਸ ਘੱਟ ਰਹੇ ਸਨ ਤਾਂ 20 ਵਾਰ ਅਪੀਲਾਂ ਕੀਤੀਆਂ ਗਈਆਂ ਸਨ, ਪਰ ਟਵਿੱਟਰ ਨੇ ਕੁਝ ਵੀ ਗਲਤ ਹੋਣ ਤੋਂ ਇਨਕਾਰ ਕੀਤਾ ਸੀ ।

Related Stories

No stories found.
Punjab Today
www.punjabtoday.com