ਚਾਰ ਮੋਢੇ ,ਅਰਥੀ ਤੇ ਪੰਡਿਤ ਮਿਲਣਗੇ, ਕੰਪਨੀ ਦਵੇਗੀ ਅੰਤਿਮ ਸੰਸਕਾਰ ਸੇਵਾਵਾਂ

ਅੰਤਿਮ ਸੰਸਕਾਰ ਮ੍ਰਿਤਕ ਦੇ ਰਿਸ਼ਤੇਦਾਰਾਂ ਵੱਲੋਂ ਕੀਤਾ ਜਾਂਦਾ ਹੈ। ਪਰ ਬਦਲਦੇ ਸਮੇਂ ਦੇ ਨਾਲ ਹੁਣ ਇਹ ਕੰਪਨੀ ਅੰਤਿਮ ਰਸਮਾਂ ਲਈ ਸਾਰੀਆਂ ਰਸਮਾਂ ਅਤੇ ਸਮਾਨ ਵੀ ਮੁਹੱਈਆ ਕਰਵਾਏਗੀ।
ਚਾਰ ਮੋਢੇ ,ਅਰਥੀ ਤੇ ਪੰਡਿਤ ਮਿਲਣਗੇ, ਕੰਪਨੀ ਦਵੇਗੀ ਅੰਤਿਮ ਸੰਸਕਾਰ ਸੇਵਾਵਾਂ

ਕਲਯੁਗ ਵਿਚ ਕਿ ਹੋ ਸਕਦਾ ਹੈ, ਇਹ ਤਾਂ ਰੱਬ ਹੀ ਜਾਣਦਾ ਹੈ। ਇਨ੍ਹੀਂ ਦਿਨੀਂ ਸੋਸ਼ਲ ਮੀਡੀਆ 'ਤੇ ਇਕ ਤਸਵੀਰ ਖੂਬ ਵਾਇਰਲ ਹੋ ਰਹੀ ਹੈ, ਜਿਸ 'ਚ ਅੰਤਿਮ ਸੰਸਕਾਰ ਸੇਵਾਵਾਂ ਪ੍ਰਦਾਨ ਕਰਨ ਵਾਲੀ ਇਕ ਕੰਪਨੀ ਦੇ ਸਟਾਰਟਅੱਪ ਦਾ ਅਨੋਖਾ ਕਾਰੋਬਾਰੀ ਮਾਡਲ ਦਿਖਾਇਆ ਜਾ ਰਿਹਾ ਹੈ। ਇਸ ਨਵੇਂ ਸਟਾਰਟਅੱਪ ਨੂੰ ਦੇਖ ਕੇ ਹਰ ਕੋਈ ਹੈਰਾਨ ਹੈ।

ਤਸਵੀਰ 'ਤੇ ਸੁਖਾਂਤ ਫਿਊਨਰਲ ਮੈਨੇਜਮੈਂਟ ਪ੍ਰਾਈਵੇਟ ਲਿਮਟਿਡ ਲਿਖਿਆ ਹੋਇਆ ਹੈ। ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਹੀ ਇੱਕ ਫੋਟੋ ਵਿੱਚ ਸਟਾਰਟਅਪ ਦਾ ਇੱਕ ਵਿਲੱਖਣ ਕਾਰੋਬਾਰੀ ਮਾਡਲ ਦਿਖਾਈ ਦੇ ਰਿਹਾ ਹੈ। ਫੋਟੋ ਵਿੱਚ ਦਿਖਾਈ ਦੇ ਰਹੀ ਕੰਪਨੀ ਦਾ ਨਾਮ ਸੁਖਾਂਤ ਫਿਊਨਰਲ ਮੈਨੇਜਮੈਂਟ ਪ੍ਰਾਈਵੇਟ ਲਿਮਟਿਡ ਹੈ ਅਤੇ ਇਹ ਫਿਊਨਰਲ ਸੇਵਾਵਾਂ ਪ੍ਰਦਾਨ ਕਰਦੀ ਹੈ। ਇਕ ਆਈਏਐਸ ਅਧਿਕਾਰੀ ਸਮੇਤ ਕਈ ਸੋਸ਼ਲ ਮੀਡੀਆ ਉਪਭੋਗਤਾਵਾਂ ਨੇ ਇਸ ਤਸਵੀਰ ਨੂੰ ਪੋਸਟ ਕੀਤਾ ਹੈ।

ਇਸ 'ਚ ਇਕ ਈਵੈਂਟ 'ਚ ਕੰਪਨੀ ਦਾ ਸਟਾਲ ਦਿਖਾਇਆ ਗਿਆ ਹੈ। ਇਸ ਵਿੱਚ ਅੰਤਿਮ ਸੰਸਕਾਰ ਦਾ ਸਾਮਾਨ ਅਤੇ ਅਰਥੀ ਦਿਖਾਈ ਦੇ ਰਹੀ ਹੈ। ਇਸ ਬਾਰੇ ਅਧਿਕਾਰੀ ਨੇ ਲਿਖਿਆ ਕਿ ਅਜਿਹੇ ਸਟਾਰਟਅੱਪ ਦੀ ਕੀ ਲੋੜ ਸੀ। ਇਸ ਦੇ ਨਾਲ ਹੀ ਇਕ ਹੋਰ ਯੂਜ਼ਰ ਨੇ ਲਿਖਿਆ ਕਿ ਮੇਰੇ ਪਰਿਵਾਰ 'ਚੋਂ ਕਿਸੇ ਨੇ ਇਕ ਵਾਰ ਕਿਹਾ ਸੀ, ਕਿ ਭਵਿੱਖ 'ਚ ਆਖਰੀ ਯਾਤਰਾ 'ਚ ਕਿਰਾਏ ਦੇ ਲੋਕ ਆਉਣਗੇ ਅਤੇ ਉਨ੍ਹਾਂ ਦੀ ਗੱਲ ਸੱਚ ਲੱਗ ਰਹੀ ਹੈ। ਇਹ ਬਹੁਤ ਹੈਰਾਨੀਜਨਕ ਹੈ। ਇੱਕ ਵਿਅਕਤੀ ਨੇ ਟਵੀਟ ਕੀਤਾ ਕਿ ਇਸ ਤਰ੍ਹਾਂ ਦੀ ਅੰਤਿਮ ਸੰਸਕਾਰ ਸੇਵਾ ਅਮਰੀਕਾ ਵਿੱਚ ਵੀ ਉਪਲਬਧ ਹੈ। ਇਹ ਬਿਜਨੈਸ ਭਾਰਤ ਲਈ ਨਵਾਂ ਲੱਗਦਾ ਹੈ, ਇਸ ਲਈ ਲੋਕ ਉਲਝਣ ਵਿਚ ਹਨ।

ਦਰਅਸਲ ਦੇਸ਼ ਦੀ ਰਾਜਧਾਨੀ ਦਿੱਲੀ ਦੇ ਪ੍ਰਗਤੀ ਮੈਦਾਨ 'ਚ 41ਵਾਂ ਅੰਤਰਰਾਸ਼ਟਰੀ ਵਪਾਰ ਮੇਲਾ ਯਾਨੀ ਭਾਰਤ ਅੰਤਰਰਾਸ਼ਟਰੀ ਵਪਾਰ ਮੇਲਾ ਚੱਲ ਰਿਹਾ ਹੈ। ਉਥੇ ਕਈ ਕੰਪਨੀਆਂ ਨੇ ਆਪਣੇ ਸਟਾਲ ਲਗਾਏ ਹੋਏ ਹਨ। ਇਥੇ ਮੁੰਬਈ ਦੀ ਕੰਪਨੀ ਨੇ ਆਪਣੇ ਸਟਾਰਟਅੱਪ ਨੂੰ ਪ੍ਰਮੋਟ ਕਰਨ ਲਈ ਇੱਕ ਸਟਾਲ ਵੀ ਲਗਾਇਆ ਹੈ।

ਧਿਆਨ ਦੇਣ ਵਾਲੀ ਗੱਲ ਇਹ ਹੈ ਕਿ ਅੰਤਿਮ ਸੰਸਕਾਰ ਮ੍ਰਿਤਕ ਦੇ ਰਿਸ਼ਤੇਦਾਰਾਂ ਵੱਲੋਂ ਕੀਤਾ ਜਾਂਦਾ ਹੈ। ਪਰ ਬਦਲਦੇ ਸਮੇਂ ਦੇ ਨਾਲ ਹੁਣ ਇਹ ਕੰਪਨੀ ਅੰਤਿਮ ਰਸਮਾਂ ਲਈ ਸਾਰੀਆਂ ਰਸਮਾਂ ਅਤੇ ਸਮਾਨ ਵੀ ਮੁਹੱਈਆ ਕਰਵਾਏਗੀ। ਕੰਪਨੀ ਦੀ ਵੈੱਬਸਾਈਟ ਦੇ ਅਨੁਸਾਰ, ਐਂਬੂਲੈਂਸ ਸੇਵਾ ਅੰਤਿਮ ਸੰਸਕਾਰ ਲਈ ਲੋੜੀਂਦੀ ਸਾਰੀ ਸਮੱਗਰੀ ਦਾ ਪ੍ਰਬੰਧ ਕਰਦੀ ਹੈ ਅਤੇ ਮੌਤ ਦਾ ਸਰਟੀਫਿਕੇਟ ਪ੍ਰਾਪਤ ਕਰਨ ਵਿੱਚ ਮਦਦ ਕਰਦੀ ਹੈ। ਜਾਣਕਾਰੀ ਮੁਤਾਬਕ ਇਹ ਕੰਪਨੀ ਕਰੀਬ 38 ਹਜ਼ਾਰ ਦੀ ਫੀਸ 'ਤੇ ਅੰਤਿਮ ਸੰਸਕਾਰ ਦੀ ਸਾਰੀ ਜ਼ਿੰਮੇਵਾਰੀ ਸੰਭਾਲੇਗੀ। ਇੰਨਾ ਹੀ ਨਹੀਂ ਪੰਡਿਤ ਅਤੇ ਨਾਈ ਤੋਂ ਲੈ ਕੇ ਇਹ ਲੋਕ ਅਸਥੀਆਂ ਨੂੰ ਵਿਸਰਜਨ ਕਰਨ ਵਿਚ ਵੀ ਮਦਦ ਕਰਨਗੇ।

Related Stories

No stories found.
Punjab Today
www.punjabtoday.com