ਗੂਗਲ ਪੂਰੀ ਦੁਨੀਆਂ ਲਈ ਇਕ ਵਰਦਾਨ ਦੀ ਤਰਾਂ ਸਾਬਿਤ ਹੋ ਰਿਹਾ ਹੈ। ਜਦੋਂ ਤੋਂ ਗੂਗਲ ਆਇਆ ਹੈ, ਦੁਨੀਆ ਦਾ ਕੰਮ ਬਹੁਤ ਸੌਖਾ ਹੋ ਗਿਆ ਹੈ। ਜੇਕਰ ਕੋਈ ਵਿਅਕਤੀ ਕਿਸੇ ਵੀ ਚੀਜ਼ ਦੀ ਖੋਜ ਕਰਨਾ ਚਾਹੁੰਦਾ ਹੈ, ਤਾਂ ਉਸਨੂੰ ਸਭ ਤੋਂ ਪਹਿਲਾਂ ਗੂਗਲ ਯਾਦ ਆਉਂਦਾ ਹੈ।
ਅਰਬਾਂ ਲੋਕ ਹਰ ਰੋਜ਼ ਗੂਗਲ 'ਤੇ ਖੋਜ ਕਰਦੇ ਹਨ। ਪਰ ਜਦੋਂ ਦੁਨੀਆ ਭਰ ਦੇ ਲੋਕ ਇੱਕੋ ਸਮੇਂ ਇੱਕੋ ਚੀਜ਼ ਦੀ ਖੋਜ ਕਰਨ ਲੱਗਦੇ ਹਨ, ਤਾਂ ਪੁਰਾਣੇ ਰਿਕਾਰਡ ਵੀ ਟੁੱਟ ਜਾਂਦੇ ਹਨ , ਐਤਵਾਰ ਦੀ ਸ਼ਾਮ ਨੂੰ ਵੀ ਅਜਿਹਾ ਹੀ ਹੋਇਆ। ਜਦੋਂ ਪੂਰੀ ਦੁਨੀਆ ਫੀਫਾ ਵਿਸ਼ਵ ਕੱਪ 2022 ਨੂੰ ਲੈ ਕੇ ਖੋਜ ਕਰ ਰਹੀ ਸੀ।
ਕਤਰ 'ਚ ਐਤਵਾਰ ਨੂੰ ਫੀਫਾ ਵਿਸ਼ਵ ਕੱਪ 2022 ਫੁੱਟਬਾਲ ਦਾ ਫਾਈਨਲ ਮੈਚ ਅਰਜਨਟੀਨਾ ਅਤੇ ਫਰਾਂਸ ਵਿਚਾਲੇ ਖੇਡਿਆ ਜਾ ਰਿਹਾ ਸੀ। ਇਸ ਸਮੇਂ ਦੌਰਾਨ ਪੂਰੀ ਦੁਨੀਆ ਸਿਰਫ ਇਕ ਚੀਜ਼ ਨਾਲ ਦੀਵਾਨੀ ਸੀ, ਉਹ ਸੀ ਫੁੱਟਬਾਲ। ਇਸ ਗੱਲ ਦੀ ਪੁਸ਼ਟੀ ਖੁਦ ਗੂਗਲ ਦੇ ਸੀਈਓ ਸੁੰਦਰ ਪਿਚਾਈ ਨੇ ਟਵੀਟ ਕਰਕੇ ਕੀਤੀ ਹੈ। ਗੂਗਲ ਦੇ ਸੀਈਓ ਸੁੰਦਰ ਪਿਚਾਈ ਨੇ ਹੁਣੇ ਤੋਂ ਕੁਝ ਸਮਾਂ ਪਹਿਲਾਂ ਕੀਤੇ ਇੱਕ ਟਵੀਟ ਵਿੱਚ ਲਿਖਿਆ ਹੈ ਕਿ ਫੀਫਾ ਵਿਸ਼ਵ ਕੱਪ 2022 ਦੇ ਫਾਈਨਲ ਦੌਰਾਨ ਖੋਜ ਨੇ ਪਿਛਲੇ 25 ਸਾਲਾਂ ਦਾ ਰਿਕਾਰਡ ਤੋੜ ਦਿੱਤਾ ਹੈ।
ਇਸ ਦੌਰਾਨ ਸਭ ਤੋਂ ਵੱਧ ਟ੍ਰੈਫਿਕ ਰਿਕਾਰਡ ਕੀਤਾ ਗਿਆ। ਇਹ ਇਸ ਤਰ੍ਹਾਂ ਸੀ ਜਿਵੇਂ ਸਾਰੀ ਦੁਨੀਆ ਇੱਕੋ ਚੀਜ਼ ਦੀ ਭਾਲ ਕਰ ਰਹੀ ਸੀ। ਇਸ ਤੋਂ ਪਹਿਲਾਂ ਸੁੰਦਰ ਪਿਚਾਈ ਨੇ ਵੀ ਲਿਖਿਆ ਸੀ, ਕਿ ਹੁਣ ਤੱਕ ਦੀ ਸਭ ਤੋਂ ਵਧੀਆ ਖੇਡਾਂ ਵਿੱਚੋਂ ਇੱਕ ਹੈ। ਅਰਜਨਟੀਨਾ ਅਤੇ ਫਰਾਂਸ ਵਿਚਕਾਰ ਸਭ ਤੋਂ ਵਧੀਆ ਮੈਚ।
ਮੈਸੀ ਤੋਂ ਵੱਧ ਕੋਈ ਵੀ ਇਸ ਦਾ ਹੱਕਦਾਰ ਨਹੀਂ ਹੈ। ਇਹ ਕੁਝ ਹੱਦ ਤੱਕ ਸੱਚ ਹੈ ਕਿ ਪਿਛਲੇ ਕੁਝ ਸਾਲਾਂ ਵਿੱਚ, ਪੂਰੀ ਦੁਨੀਆ ਨੂੰ ਸਭ ਤੋਂ ਸ਼ਾਨਦਾਰ ਫਿਨਾਲੇ ਦੇਖਣ ਨੂੰ ਮਿਲਿਆ। ਪਹਿਲੇ ਹਾਫ ਵਿੱਚ ਅਰਜਨਟੀਨਾ ਨੇ ਦੋ ਗੋਲ ਕੀਤੇ ਅਤੇ ਫਰਾਂਸ ਦੀ ਟੀਮ ਪਛੜ ਰਹੀ ਸੀ। ਪਰ ਫਿਰ ਦੂਜੇ ਹਾਫ ਵਿੱਚ ਫਰਾਂਸ ਨੇ ਦੋ ਮਿੰਟਾਂ ਵਿੱਚ ਦੋ ਗੋਲ ਕਰਕੇ ਮੈਚ ਬਰਾਬਰੀ 'ਤੇ ਲਿਆ ਦਿੱਤਾ। ਜੋ ਮੈਚ ਇੱਕ ਤਰਫਾ ਨਜ਼ਰ ਆ ਰਿਹਾ ਸੀ, ਉਹ ਹੋਰ ਵੀ ਦਿਲਚਸਪ ਹੋ ਗਿਆ ਸੀ।
ਕਤਰ 'ਚ ਖੇਡੇ ਗਏ ਫੀਫਾ ਵਿਸ਼ਵ ਕੱਪ 2022 ਦੇ ਫਾਈਨਲ ਮੈਚ 'ਚ ਅਰਜਨਟੀਨਾ ਦੀ ਟੀਮ ਮੌਜੂਦਾ ਚੈਂਪੀਅਨ ਫਰਾਂਸ ਨੂੰ ਪੈਨਲਟੀ ਸ਼ੂਟਆਊਟ 'ਚ 4-2 ਨਾਲ ਹਰਾ ਕੇ ਵਿਸ਼ਵ ਚੈਂਪੀਅਨ ਬਣੀ। ਅਰਜਨਟੀਨਾ ਲਗਭਗ 36 ਸਾਲਾਂ ਬਾਅਦ ਵਿਸ਼ਵ ਚੈਂਪੀਅਨ ਬਣਿਆ। ਲਿਓਨੇਲ ਮੇਸੀ ਲਈ ਇਸ ਤੋਂ ਵਧੀਆ ਵਿਦਾਈ ਸ਼ਾਇਦ ਹੀ ਹੋ ਸਕਦੀ ਸੀ। ਫਾਈਨਲ ਵਿੱਚ ਅਰਜਨਟੀਨਾ ਦੀ ਜਿੱਤ ਦੇ ਨਾਲ ਹੀ ਫਰਾਂਸ ਦਾ ਲਗਾਤਾਰ ਦੂਜੀ ਵਾਰ ਚੈਂਪੀਅਨ ਬਣਨ ਦਾ ਸੁਪਨਾ ਖਤਮ ਹੋ ਗਿਆ। ਪਹਿਲਾ ਹਾਫ ਅਰਜਨਟੀਨਾ ਦੇ ਨਾਂ ਰਿਹਾ ਅਤੇ ਦੂਜਾ ਹਾਫ ਫਰਾਂਸ ਨੇ ਦੇ ਨਾਂ ਰਿਹਾ।
