ਕੁੜੀਆਂ ਅੱਜ ਕਲ ਹਰ ਖੇਤਰ 'ਚ ਦੇਸ਼ ਦਾ ਨਾਂ ਰੋਸ਼ਨ ਕਰ ਰਹੀਆਂ ਹਨ। ਇਹ ਗੱਲ ਜਲੰਧਰ ਦੀ ਜਪਸਿਮਰਨ ਨੇ ਸੱਚ ਕਰਕੇ ਦਿਖਾ ਦਿਤੀ ਹੈ। ਕੇਂਦਰੀ ਵਿਦਿਆਲਿਆ ਦੀ ਅੱਠਵੀਂ ਜਮਾਤ ਦੀ ਵਿਦਿਆਰਥੀ ਜਪਸਿਮਰਨ ਨੇ 'ਕੌਨ ਬਣੇਗਾ ਕਰੋੜਪਤੀ' ਸੀਜ਼ਨ 14 ਜੂਨੀਅਰ ਤੋਂ 50 ਲੱਖ ਰੁਪਏ ਜਿੱਤੇ ਹਨ।
14 ਸਾਲਾ ਜਪਸਿਮਰਨ ਪਿੰਡ ਸੁਰਨੁਸੀ ਦੀ ਰਹਿਣ ਵਾਲੀ ਹੈ। ਉਸਦੇ ਪਿਤਾ ਬਲਜੀਤ ਸਿੰਘ ਰੇਲਵੇ ਵਿੱਚ ਇੰਜਨੀਅਰ ਹਨ ਅਤੇ ਮਾਤਾ ਗੁਰਵਿੰਦਰ ਕੌਰ ਸਰਕਾਰੀ ਪ੍ਰਾਇਮਰੀ ਸਕੂਲ ਮੁਸਤਫਾਪੁਰ ਵਿੱਚ ਅਧਿਆਪਕਾ ਹੈ। ਜਪਸਿਮਰਨ ਨੇ ਦੱਸਿਆ ਕਿ ਉਹ ਜ਼ਿਆਦਾਤਰ ਸਮਾਂ ਆਪਣੀ ਦਾਦੀ ਮਨਜੀਤ ਕੌਰ ਨਾਲ ਬਤੀਤ ਕਰਦੀ ਸੀ, ਕਿਉਂਕਿ ਉਸਦੇ ਮਾਤਾ-ਪਿਤਾ ਦੋਵੇਂ ਨੌਕਰੀ ਕਰਦੇ ਸਨ। ਇਹੀ ਕਾਰਨ ਹੈ ਕਿ ਉਹ ਦਾਦੀ ਨੂੰ ਆਪਣੀ ਪਹਿਲੀ ਮਾਂ ਮੰਨਦੀ ਹੈ, ਕਿਉਂਕਿ ਉਨ੍ਹਾਂ ਨੇ ਉਸ ਨੂੰ ਸਭ ਕੁਝ ਸਿਖਾਇਆ ਸੀ।
ਪਹਿਲਾਂ ਉਹ ਰੋਜ਼ਾਨਾ ਆਪਣੀ ਦਾਦੀ ਨਾਲ ਗੁਰਦੁਆਰਾ ਸਾਹਿਬ ਜਾਂਦੀ ਸੀ। ਜਦੋਂ ਤੋਂ ਦਾਦੀ ਜੀ ਦੇ ਗੋਡਿਆਂ ਵਿੱਚ ਦਰਦ ਹੋਣ ਲੱਗਾ ਹੈ, ਉਦੋਂ ਤੋਂ ਉਨ੍ਹਾਂ ਨੂੰ ਗੁਰਦੁਆਰਾ ਸਾਹਿਬ ਤੱਕ ਪਹੁੰਚਣ ਵਿੱਚ ਮੁਸ਼ਕਲ ਆਉਂਦੀ ਹੈ। ਹੁਣ ਗੁਰਪੁਰਬ ਦੇ ਦਿਨਾਂ ਵਿੱਚ ਹੀ ਗੁਰਦੁਆਰਾ ਸਾਹਿਬ ਜਾ ਸਕਦੇ ਹਨ। ਉਹ ਚਾਹੁੰਦੀ ਹੈ ਕਿ ਦਾਦੀ ਉਸ ਨਾਲ ਰੋਜ਼ਾਨਾ ਗੁਰਦੁਆਰਾ ਸਾਹਿਬ ਜਾਏ, ਇਸ ਲਈ ਉਹ ਜਿੱਤੇ ਪੈਸਿਆਂ ਨਾਲ ਦਾਦੀ ਦੇ ਗੋਡਿਆਂ ਦਾ ਇਲਾਜ ਕਰਵਾਏਗੀ। ਬਾਕੀ ਰਕਮ ਉਹ ਆਪਣੀ ਪੜ੍ਹਾਈ ਲਈ ਰੱਖੇਗੀ।
ਜਪਸਿਮਰਨ ਸਕੂਲ ਡਰੈੱਸ 'ਚ ਹੀ ਕੇਬੀਸੀ ਦੀ ਹੌਟ ਸੀਟ 'ਤੇ ਗਈ ਸੀ। ਪੁੱਛਣ 'ਤੇ ਉਸਨੇ ਕਿਹਾ -ਕੇਂਦਰੀ ਵਿਦਿਆਲਿਆ, ਸੁਰਨੁਸੀ ਨੇ ਕਈ ਬਹਾਦਰ ਸਿਪਾਹੀ ਦਿੱਤੇ ਹਨ। ਮੈਂ ਇਸ ਸਕੂਲੀ ਵਰਦੀ ਨੂੰ ਪਹਿਨ ਕੇ ਮਾਣ ਮਹਿਸੂਸ ਕਰਦੀ ਹਾਂ। ਜਦੋਂ ਉਹ ਕੇਬੀਸੀ ਲਈ ਚੁਣੀ ਗਈ ਤਾਂ ਸਕੂਲ ਵਿੱਚ ਸਵੇਰ ਦੀ ਸਭਾ ਵਿੱਚ ਸਾਰੇ ਵਿਦਿਆਰਥੀਆਂ ਦੇ ਨਾਲ-ਨਾਲ ਅਧਿਆਪਕਾਂ ਨੇ ਰਾਸ਼ਟਰੀ ਝੰਡਾ ਲਹਿਰਾ ਕੇ ਉਸਦੀ ਖੁਸ਼ੀ ਮਨਾਈ।
ਜਪਸਿਮਰਨ ਨੇ ਕਿਹਾ ਕਿ ਉਹ ਪੁਲਾੜ ਵਿਚ ਜਾਣ ਵਿਚ ਜ਼ਿਆਦਾ ਦਿਲਚਸਪੀ ਰੱਖਦੀ ਹੈ। ਉਹ ਆਈਆਈਟੀ ਐਸਟ੍ਰੋ ਫਿਜ਼ਿਕਸ ਦੀ ਲਾਈਨ ਚੁਣੇਗੀ। ਜਪਸਿਮਰਨ ਨੇ ਕਿਹਾ, ਮੇਰਾ ਆਦਰਸ਼ ਕਲਪਨਾ ਚਾਵਲਾ ਹੈ। ਮੇਰਾ ਸੁਪਨਾ ਉਸ ਵਾਂਗ ਪੁਲਾੜ ਵਿੱਚ ਜਾਣਾ ਹੈ। ਬਿਹਤਰ ਕਰੀਅਰ ਬਣਾਉਣ ਲਈ, ਮੈਂ ਹੁਣ ਤੋਂ ਲਗਾਤਾਰ ਖੋਜ ਕਰ ਰਹੀ ਹਾਂ । ਮੇਜ਼ਬਾਨ ਅਮਿਤਾਭ ਬੱਚਨ ਨਾਲ ਗੱਲਬਾਤ ਦੌਰਾਨ ਸ਼ੋਅ 'ਤੇ ਉਸਦਾ ਆਤਮ-ਵਿਸ਼ਵਾਸ ਅਤੇ ਸ਼ਖਸੀਅਤ ਬਹੁਤ ਚੰਗੀ ਤਰ੍ਹਾਂ ਦਿਖਾਈ ਦੇ ਰਹੀ ਸੀ। ਇਸ ਤੋਂ ਇਲਾਵਾ, ਉਸਨੇ ਸਾਰੇ ਪ੍ਰਸ਼ਨਾਂ ਨੂੰ ਸਮਝਦਾਰੀ ਅਤੇ ਤਰਕ ਨਾਲ ਕਰਨ ਦੀ ਕੋਸ਼ਿਸ਼ ਕੀਤੀ।
