ਜ਼ੀਰਕਪੁਰ 'ਚ ਬਿਜਲੀ ਦਾ ਬੁਰਾ ਹਾਲ,ਲੋਕਾਂ ਨੇ ਕੀਤੇ ਚੰਡੀਗੜ੍ਹ ਹੋਟਲ ਬੁੱਕ

ਜ਼ੀਰਕਪੁਰ 'ਚ ਬਿਜਲੀ ਨਾ ਹੋਣ ਕਾਰਣ ਕਈ ਲੋਕਾਂ ਨੇ ਤਾਂ ਆਪਣੇ ਬਜ਼ੁਰਗਾਂ ਨੂੰ ਹੋਟਲਾਂ ਵਿਚ ਸ਼ਿਫਟ ਕਰ ਦਿਤਾ, ਜਦੋਂ ਕਿ ਕਈਆਂ ਨੇ ਆਪਣੇ ਪਰਿਵਾਰਾਂ ਨੂੰ ਪੰਚਕੂਲਾ, ਮੋਹਾਲੀ ਅਤੇ ਚੰਡੀਗੜ੍ਹ ਵਿਚ ਰਿਸ਼ਤੇਦਾਰਾਂ ਦੇ ਘਰ ਸ਼ਿਫਟ ਕਰ ਦਿੱਤਾ।
ਜ਼ੀਰਕਪੁਰ 'ਚ ਬਿਜਲੀ ਦਾ ਬੁਰਾ ਹਾਲ,ਲੋਕਾਂ ਨੇ ਕੀਤੇ ਚੰਡੀਗੜ੍ਹ ਹੋਟਲ ਬੁੱਕ

ਜ਼ੀਰਕਪੁਰ 'ਚ ਬੀਤੇ ਚਾਰ ਦਿਨਾਂ ਤੋਂ ਬਿਜਲੀ ਦਾ ਬੁਰਾ ਹਾਲ ਹੈ, ਜਿਥੇ ਕੁਝ ਇਲਾਕਿਆਂ ਵਿਚ ਬਿਜਲੀ ਬਹਾਲ ਕਰ ਦਿਤੀ ਗਈ ਹੈ, ਉਥੇ ਬਹੁਤੀਆਂ ਕਲੋਨੀਆਂ ਵਿਚ ਹਜੇ ਤੱਕ ਵੀ ਬਿਜਲੀ ਨਹੀਂ ਆਈ ਹੈ। ਜ਼ੀਰਕਪੁਰ 'ਚ ਮੀਂਹ ਦੇ ਨਾਲ ਚੱਲੀਆਂ ਤੇਜ਼ ਹਵਾਵਾਂ ਨੇ 66 ਕੇਵੀ ਪਾਵਰ ਟਰਾਂਸਮਿਸ਼ਨ ਲਾਈਨ ਦੇ ਤਿੰਨ ਟਾਵਰਾਂ ਨੂੰ ਨੁਕਸਾਨ ਪਹੁੰਚਾਇਆ, ਪਭਾਤ ਖੇਤਰ ਅਤੇ ਜ਼ੀਰਕਪੁਰ ਦੇ ਹੋਰ ਹਿੱਸਿਆਂ ਵਿੱਚ 24 ਘੰਟਿਆਂ ਤੋਂ ਵੱਧ ਸਮੇਂ ਤੋਂ ਬਿਜਲੀ ਸਪਲਾਈ ਵਿੱਚ ਵਿਘਨ ਪਿਆ, ਜਿਸ ਕਾਰਨ ਲੋਕਾਂ ਨੂੰ ਕੜਾਕੇ ਦੀ ਗਰਮੀ ਵਿੱਚ ਪਸੀਨਾ ਵਹਾਉਣਾ ਪਿਆ।

ਬਿਜਲੀ ਸਪਲਾਈ ਵਿੱਚ ਵਿਘਨ ਪੈਣ ਕਾਰਨ ਜ਼ੀਰਕਪੁਰ ਖੇਤਰ ਵਿੱਚ ਪਾਣੀ ਦੀ ਸਪਲਾਈ ਵੀ ਪ੍ਰਭਾਵਿਤ ਹੋਈ। ਵੀਰਵਾਰ ਨੂੰ ਪੂਰਾ ਦਿਨ ਜ਼ੀਰਕਪੁਰ 'ਚ ਪਾਣੀ ਦੀ ਸਪਲਾਈ ਨਹੀਂ ਹੋਈ। ਇਕ ਅਧਿਕਾਰੀ ਨੇ ਦੱਸਿਆ ਕਿ ਸ਼ੁੱਕਰਵਾਰ ਦੁਪਹਿਰ ਤੱਕ ਪਾਣੀ ਦੀ ਸਪਲਾਈ ਹੋਣ ਦੀ ਉਮੀਦ ਨਹੀਂ ਸੀ,ਜਦੋਂ ਬਿਜਲੀ ਬਹਾਲ ਹੋਣ ਦੀ ਸੰਭਾਵਨਾ ਸੀ। ਲੋਕਾਂ ਨੂੰ ਪ੍ਰਾਈਵੇਟ ਕੰਪਨੀਆਂ ਵੱਲੋਂ ਚਲਾਏ ਜਾ ਰਹੇ ਟੈਂਕਰਾਂ ਰਾਹੀਂ ਪੀਣ ਵਾਲਾ ਪਾਣੀ ਲਿਆਉਣਾ ਪਿਆ ਜਾਂ ਫਿਰ ਮਿਨਰਲ ਵਾਟਰ ਦੀਆਂ ਬੋਤਲਾਂ ਖਰੀਦਣੀਆਂ ਪਈਆਂ। ਭਾਵੇਂ ਬੀਤੀ ਰਾਤ ਤਾਪਮਾਨ ਵਿੱਚ ਕੁਝ ਡਿਗਰੀ ਦੀ ਗਿਰਾਵਟ ਕਾਰਨ ਮੀਂਹ ਨੇ ਸ਼ਹਿਰ ਵਾਸੀਆਂ ਨੂੰ ਕੁਝ ਰਾਹਤ ਦਿੱਤੀ, ਪਰ ਸ਼ੁਕਰਵਾਰ ਨੂੰ ਧੁੱਪ ਵਾਲੇ ਮੌਸਮ ਨੇ ਉਨ੍ਹਾਂ ਦਾ ਕੰਮ ਔਖਾ ਕਰ ਦਿੱਤਾ।

ਜ਼ੀਰਕਪੁਰ 'ਚ ਇਨਵਰਟਰ ਵੀ ਖਤਮ ਹੋ ਗਏ ਅਤੇ ਬਿਜਲੀ ਨਾ ਹੋਣ ਕਾਰਨ ਚਾਰਜ ਨਹੀਂ ਹੋ ਸਕੇ। ਕੁਝ ਵਸਨੀਕਾਂ ਨੇ ਜਨਰੇਟਰ ਕਿਰਾਏ 'ਤੇ ਲਏ, ਖਾਸ ਤੌਰ 'ਤੇ ਉਹ ਲੋਕ ਜਿਨ੍ਹਾਂ ਦੇ ਘਰ ਵਿੱਚ ਗੰਭੀਰ ਰੂਪ ਵਿੱਚ ਬਿਮਾਰ ਬਜ਼ੁਰਗ ਸਨ। ਕਈਆਂ ਨੇ ਤਾਂ ਆਪਣੇ ਬਜ਼ੁਰਗਾਂ ਨੂੰ ਹੋਟਲਾਂ ਵਿਚ ਸ਼ਿਫਟ ਕਰ ਦਿਤਾ, ਜਦੋਂ ਕਿ ਕਈਆਂ ਨੇ ਆਪਣੇ ਪਰਿਵਾਰਾਂ ਨੂੰ ਪੰਚਕੂਲਾ, ਮੋਹਾਲੀ ਅਤੇ ਚੰਡੀਗੜ੍ਹ ਵਿਚ ਰਿਸ਼ਤੇਦਾਰਾਂ ਦੇ ਘਰ ਸ਼ਿਫਟ ਕਰ ਦਿੱਤਾ। ਬਿਜਲੀ ਸਪਲਾਈ ਵਿੱਚ ਵਿਘਨ ਪੈਣ ਕਾਰਨ ਜ਼ੀਰਕਪੁਰ ਖੇਤਰ ਵਿੱਚ ਪਾਣੀ ਦੀ ਸਪਲਾਈ ਵੀ ਪ੍ਰਭਾਵਿਤ ਹੋਈ।

ਵੀਰਵਾਰ ਨੂੰ ਪੂਰਾ ਦਿਨ ਪਾਣੀ ਦੀ ਸਪਲਾਈ ਨਹੀਂ ਹੋਈ। ਜ਼ੀਰਕਪੁਰ ਦੇ ਵਸਨੀਕਾਂ ਤੇ ਦੋਹਰੀ ਮਾਰ ਪਈ, ਪਾਣੀ ਦੀ ਸਪਲਾਈ ਨਾ ਹੋਣ ਦੇ ਨਾਲ ਬਿਜਲੀ ਬੰਦ ਹੋ ਗਈ। ਜ਼ੀਰਕਪੁਰ ਦੇ ਲੋਕਾਂ ਨੇ ਦੱਸਿਆ ਕਿ ਬੁੱਧਵਾਰ ਸ਼ਾਮ ਤੋਂ ਬਿਜਲੀ ਅਤੇ ਪਾਣੀ ਤੋਂ ਬਿਨਾਂ ਰਹਿ ਰਹੇ ਹਨ। ਅਸੀਂ ਆਪਣੇ ਮੋਬਾਈਲ ਫ਼ੋਨਾਂ ਅਤੇ ਲੈਪਟਾਪਾਂ ਨੂੰ ਚਾਰਜ ਕਰਨ ਵਿੱਚ ਅਸਮਰੱਥ ਹਾਂ, ਇਸ ਲਈ ਅਸੀਂ ਘਰ ਤੋਂ ਕੰਮ ਨਹੀਂ ਕਰ ਸਕਦੇ ਜਾਂ ਘਰ ਦੇ ਕੰਮ ਵੀ ਨਹੀਂ ਕਰ ਸਕਦੇ।

Related Stories

No stories found.
logo
Punjab Today
www.punjabtoday.com