ਟੀ-20 ਦੀ ਕਪਤਾਨੀ ਤੋਂ ਰੋਹਿਤ ਸ਼ਰਮਾ ਦੀ ਹੋ ਸਕਦੀ ਹੈ ਛੁੱਟੀ, ਕੀ ਹੈ ਕਾਰਨ?

ਰੋਹਿਤ ਸ਼ਰਮਾ ਫਿਲਹਾਲ ਤਿੰਨੋਂ ਫਾਰਮੈਟਾਂ 'ਚ ਟੀਮ ਇੰਡੀਆ ਦੇ ਕਪਤਾਨ ਹਨ।
ਟੀ-20 ਦੀ ਕਪਤਾਨੀ ਤੋਂ ਰੋਹਿਤ ਸ਼ਰਮਾ ਦੀ ਹੋ ਸਕਦੀ ਹੈ ਛੁੱਟੀ, ਕੀ ਹੈ ਕਾਰਨ?

ਰੋਹਿਤ ਸ਼ਰਮਾ ਫਿਲਹਾਲ ਤਿੰਨੋਂ ਫਾਰਮੈਟਾਂ 'ਚ ਟੀਮ ਇੰਡੀਆ ਦੀ ਕਪਤਾਨ ਸੰਭਾਲ ਰਹੇ ਹਨ। ਉਨ੍ਹਾਂ ਨੂੰ ਵਿਰਾਟ ਕੋਹਲੀ ਦੀ ਜਗ੍ਹਾ ਟੀਮ ਦੀ ਕਮਾਨ ਸੌਂਪੀ ਗਈ ਸੀ। ਪਰ ਮੀਡੀਆ ਰਿਪੋਰਟਾਂ ਮੁਤਾਬਕ ਰੋਹਿਤ ਸ਼ਰਮਾ ਨੂੰ ਜਲਦੀ ਹੀ ਟੀ-20 ਕ੍ਰਿਕਟ ਦੀ ਕਪਤਾਨੀ ਤੋਂ ਹਟਾਇਆ ਜਾ ਸਕਦਾ ਹੈ। ਰੋਹਿਤ ਦੀ ਜਗ੍ਹਾ ਨਵੇਂ ਕਪਤਾਨ ਲਈ ਇੱਕ ਖਿਡਾਰੀ ਦੀ ਚੋਣ ਵੀ ਕੀਤੀ ਗਈ ਹੈ।

ਇਹ ਕਿਆਸ ਵਰਿੰਦਰ ਸਹਿਵਾਗ ਦੇ ਇੱਕ ਬਿਆਨ ਤੋਂ ਬਾਅਦ ਆਏ ਹਨ। ਭਾਰਤ ਦੇ ਸਾਬਕਾ ਸਲਾਮੀ ਬੱਲੇਬਾਜ਼ ਵਰਿੰਦਰ ਸਹਿਵਾਗ ਦਾ ਮੰਨਣਾ ਹੈ ਕਿ ਰੋਹਿਤ ਸ਼ਰਮਾ ਨੂੰ ਟੀ-20 ਟੀਮ ਦੀ ਕਪਤਾਨੀ ਤੋਂ ਆਰਾਮ ਦਿੱਤਾ ਜਾਣਾ ਚਾਹੀਦਾ ਹੈ ਤਾਂ ਜੋ ਉਹ ਆਪਣੇ ਕੰਮ ਦੇ ਬੋਝ ਨੂੰ ਬਿਹਤਰ ਢੰਗ ਨਾਲ ਸੰਭਾਲ ਸਕਣ। ਸੱਟਾਂ ਅਤੇ ਕੰਮ ਦੇ ਬੋਝ ਦੇ ਪ੍ਰਬੰਧਨ ਕਾਰਨ ਰੋਹਿਤ ਕਪਤਾਨ ਬਣਨ ਤੋਂ ਬਾਅਦ ਨਹੀਂ ਖੇਡ ਸਕੇ ਹਨ।

ਸਹਿਵਾਗ ਨੇ ਪੀਟੀਆਈ ਨੂੰ ਦਿੱਤੇ ਇੰਟਰਵਿਊ ਵਿੱਚ ਕਿਹਾ ਕਿ ਜੇਕਰ ਟੀ-20 ਕਪਤਾਨ ਵਜੋਂ ਭਾਰਤੀ ਟੀਮ ਪ੍ਰਬੰਧਨ ਦੇ ਦਿਮਾਗ ਵਿੱਚ ਕਿਸੇ ਹੋਰ ਦਾ ਨਾਂ ਹੈ ਤਾਂ ਰੋਹਿਤ ਨੂੰ ਉਸ ਤੋਂ ਹਟਾਇਆ ਜਾ ਸਕਦਾ ਹੈ। ਸਿਲੈਕਟਰਸ ਨੇ ਉਹਨਾਂ ਦੀ ਗੱਲ ਸੁਣ ਲਈ ਹੈ। ਰੋਹਿਤ ਦੇ ਕੰਮ ਦਾ ਬੋਝ ਘੱਟ ਕਰਨ ਲਈ ਟੀਮ ਇੰਡੀਆ ਦੇ ਸਿਲੈਕਟਰਸ ਇਹ ਵੱਡਾ ਫੈਸਲਾ ਲੈ ਸਕਦੇ ਹਨ। ਰੋਹਿਤ ਸ਼ਰਮਾ ਫਿਲਹਾਲ ਇੰਗਲੈਂਡ ਦੌਰੇ 'ਤੇ ਹਨ ਪਰ ਕੋਰੋਨਾ ਕਾਰਨ ਉਹ ਦੌਰੇ ਦੇ ਪਹਿਲੇ ਮੈਚ 'ਚ ਖੇਡ ਸਕਣਗੇ ਜਾਂ ਨਹੀਂ, ਇਹ ਅਜੇ ਤੈਅ ਨਹੀਂ ਹੋਇਆ ਹੈ।

ਟੀਮ ਇੰਡੀਆ ਦੇ ਚੋਣਕਾਰਾਂ ਨੇ ਹਾਰਦਿਕ ਪੰਡਯਾ ਨੂੰ ਟੀ-20 ਕ੍ਰਿਕਟ ਦਾ ਕਪਤਾਨ ਬਣਾਉਣ ਦਾ ਮਨ ਬਣਾ ਲਿਆ ਹੈ। ਹਾਰਦਿਕ ਪੰਡਯਾ ਫਿਲਹਾਲ ਆਇਰਲੈਂਡ ਦੌਰੇ 'ਤੇ ਟੀਮ ਦੀ ਅਗਵਾਈ ਕਰ ਰਹੇ ਹਨ। ਚੋਣ ਕਮੇਟੀ ਦੇ ਇੱਕ ਮੈਂਬਰ ਨੇ ਇਨਸਾਈਡਸਪੋਰਟ ਨੂੰ ਦੱਸਿਆ, “ਸਾਨੂੰ ਰੋਹਿਤ ਸ਼ਰਮਾ ਦੀ ਜਗ੍ਹਾ ਲੈਣ ਦੀ ਕੋਈ ਜਲਦੀ ਨਹੀਂ ਹੈ। ਪਰ ਇਸ ਦੇ ਨਾਲ ਹੀ ਆਪਣੇ ਕੰਮ ਦੇ ਬੋਝ ਨੂੰ ਸੰਭਾਲਣਾ ਵੀ ਜ਼ਰੂਰੀ ਹੈ।ਇਸ ਲਈ ਹਾਰਦਿਕ ਸਾਡੀ ਯੋਜਨਾ ਵਿੱਚ ਹੈ ਕਿਉਂਕਿ ਭਵਿੱਖ ਵਿੱਚ ਕਈ ਛੋਟੇ ਦੌਰੇ ਹੋਣਗੇ ਅਤੇ ਉਹ ਫਿਲਹਾਲ ਟੈਸਟ ਯੋਜਨਾਵਾਂ ਵਿੱਚ ਨਹੀਂ ਹਨ।“

Related Stories

No stories found.
logo
Punjab Today
www.punjabtoday.com