ਵਿਸ਼ਵ ਅਥਲੈਟਿਕਸ ਚੈਂਪੀਅਨਸ਼ਿਪ 'ਚ 19 ਸਾਲ ਬਾਅਦ ਦੇਸ਼ ਨੂੰ ਤਮਗਾ ਮਿਲਿਆ ਹੈ। ਤਮਗਾ ਦਿਵਾਉਣ ਵਾਲੇ ਨੀਰਜ ਚੋਪੜਾ ਨੇ ਕਿਹਾ ਹੈ ਕਿ ਇਹ ਮੁਕਾਬਲਾ ਉਸ ਲਈ ਆਸਾਨ ਨਹੀਂ ਸੀ। ਲੋਕ ਗੋਲਡ ਦੀ ਉਮੀਦ ਵਿੱਚ ਸਨ ਪਰ ਮੈਂ ਚਾਂਦੀ ਦਾ ਤਗਮਾ ਜਿੱਤ ਕੇ ਵੀ ਬਹੁਤ ਖੁਸ਼ ਹੈ। ਮੈਂ ਮਿਹਨਤ ਕਰਦਾ ਰਹਾਂਗਾ। ਨੀਰਜ ਇਸ ਮੁਕਾਬਲੇ ਵਿੱਚ ਤਮਗਾ ਜਿੱਤਣ ਵਾਲਾ ਪਹਿਲਾ ਭਾਰਤੀ ਪੁਰਸ਼ ਹੈ। ਉਸ ਤੋਂ ਪਹਿਲਾਂ ਕੇਵਲ ਭਾਰਤ ਦੀ ਅੰਜੂ ਬੌਬੀ ਜਾਰਜ ਨੇ ਹੀ ਤਮਗਾ ਜਿੱਤਿਆ ਹੈ। ਹੁਣ ਤੱਕ ਨੀਰਜ ਨੇ ਸਾਰੇ ਗਲੋਬਲ ਮੁਕਾਬਲਿਆਂ ਵਿੱਚ ਮੈਡਲ ਜਿੱਤੇ ਹਨ।
ਨੀਰਜ ਨੇ ਕਿਹਾ, "ਅੱਜ ਹਾਲਾਤ ਬਹੁਤ ਚੰਗੇ ਨਹੀਂ ਸਨ, ਬਹੁਤ ਜ਼ਿਆਦਾ ਹਵਾ ਸੀ ਪਰ ਉਮੀਦ ਸੀ ਕਿ ਥਰੋਅ ਜ਼ਰੂਰ ਹੋਵੇਗਾ। ਮੈਂ ਅੱਜ ਮੈਡਲ ਜਿੱਤਿਆ ਹੈ, ਚੰਗਾ ਮਹਿਸੂਸ ਹੋ ਰਿਹਾ ਹੈ ਅਤੇ ਹੁਣ ਅਗਲੇ ਸਾਲ ਹੋਰ ਵੀ ਬਿਹਤਰ ਕਰਨ ਦੀ ਕੋਸ਼ਿਸ਼ ਕਰਾਂਗਾ। ਹਾਲਾਂਕਿ ਇਹ ਆਸਾਨ ਲੱਗਦਾ ਹੈ।", ਪਰ ਐਂਡਰਸਨ ਨੇ ਯਕੀਨੀ ਤੌਰ 'ਤੇ 90 ਮੀਟਰ ਦੀ ਦੂਰੀ ਤੈਅ ਕਰਨ ਲਈ ਬਹੁਤ ਮਿਹਨਤ ਕੀਤੀ ਹੋਵੇਗੀ। ਇਸ ਸਾਲ ਉਹ ਵਿਸ਼ਵ ਲੀਡਰ ਹੈ। ਬਹੁਤ ਵਧੀਆ ਥਰੋਅ ਸੁੱਟ ਰਿਹਾ ਹੈ। ਉਸ ਦੇ ਕਈ ਥਰੋਅ 90 ਮੀਟਰ ਤੋਂ ਵੱਧ ਹਨ। ਮੈਂ ਖੁਸ਼ ਹਾਂ। ਉਸਦੇ ਲਈ ਮੈਨੂੰ ਲੱਗਦਾ ਹੈ ਕਿ ਉਸਨੇ ਸਖਤ ਮਿਹਨਤ ਕੀਤੀ ਹੈ। ਇਹ ਮੇਰੇ ਲਈ ਵੀ ਚੰਗਾ ਹੈ। ਮੇਰੇ ਸਾਹਮਣੇ ਇੱਕ ਚੰਗੀ ਚੁਣੌਤੀ ਹੈ।"
ਚੋਪੜਾ ਨੇ ਫਾਊਲ ਥਰੋਅ ਨਾਲ ਸ਼ੁਰੂਆਤ ਕੀਤੀ ਅਤੇ ਫਿਰ ਆਪਣੀ ਮੀਟਰ ਕੋਸ਼ਿਸ਼ ਨਾਲ 82.39 ਮੀ. ਅਤੇ ਤੀਜੀ ਕੋਸ਼ਿਸ਼ ਨਾਲ 86.37 ਮੀਟਰ ਜੈਵਲਿਨ ਸੁੱਟਿਆ। ਪਰ ਹਜੇ ਵੀ ਉਹ ਤਮਗੇ ਤੋਂ ਦੂਰ ਸੀ ਅਤੇ ਆਪਣੀ ਚੌਥੀ ਕੋਸ਼ਿਸ਼ ਨਾਲ ਉਸਨੇ 88.13 ਮੀਟਰ ਦੀ ਥਰੋਅ ਦਰਜ ਕੀਤੀ ਅਤੇ ਚੌਥੇ ਤੋਂ ਦੂਜੇ ਸਥਾਨ 'ਤੇ ਪਹੁੰਚਿਆ। ਇਸਤੋਂ ਬਾਅਦ ਉਸਨੇ 2 ਹੋਰ ਅਟੈਂਪਟ ਲਈਆਂ ਪਰ ਉਹ ਫਾਈਲ ਥਰੋਅ ਰਹੇ।
ਇਸ ਮੈਦਾਨ 'ਚ ਦੂਜੇ ਭਾਰਤੀ ਰੋਹਿਤ ਯਾਦਵ ਨੇ 78.72 ਮੀਟਰ ਦੀ ਸਰਵੋਤਮ ਥਰੋਅ ਨਾਲ 10ਵੇਂ ਸਥਾਨ 'ਤੇ ਰਿਹਾ। ਰੋਹਿਤ ਕੁਆਲੀਫਿਕੇਸ਼ਨ ਗੇੜ ਵਿੱਚ 80.42 ਮੀਟਰ ਦੀ ਸਰਵੋਤਮ ਥਰੋਅ ਨਾਲ ਕੁੱਲ ਮਿਲਾ ਕੇ 11ਵੇਂ ਸਥਾਨ ’ਤੇ ਰਿਹਾ।
ਚੋਪੜਾ ਨੇ ਪਿਛਲੇ ਮਹੀਨੇ ਰਾਸ਼ਟਰੀ ਅੰਤਰ-ਰਾਜੀ ਚੈਂਪੀਅਨਸ਼ਿਪ 'ਚ ਚਾਂਦੀ ਦਾ ਤਗਮਾ ਜਿੱਤਦੇ ਹੋਏ 82.54 ਮੀਟਰ ਦਾ ਸੀਜ਼ਨ ਅਤੇ ਨਿੱਜੀ ਸਰਵੋਤਮ ਰਿਕਾਰਡ ਸੈੱਟ ਕੀਤਾ ਸੀ। ਉਸਨੇ ਪਿਛਲੇ ਸਾਲ ਟੋਕੀਓ ਓਲੰਪਿਕ ਵਿੱਚ ਭਾਰਤੀ ਅਥਲੈਟਿਕਸ ਦਾ ਪਹਿਲਾ ਸੋਨ ਤਮਗਾ ਜਿੱਤਿਆ ਸੀ। ਉਹ ਨਿਸ਼ਾਨੇਬਾਜ਼ ਅਭਿਨਵ ਬਿੰਦਰਾ ਤੋਂ ਬਾਅਦ ਓਲੰਪਿਕ ਵਿੱਚ ਵਿਅਕਤੀਗਤ ਸੋਨ ਤਮਗਾ ਜਿੱਤਣ ਵਾਲਾ ਦੂਜਾ ਭਾਰਤੀ ਹੈ।
