ਚੀਨ ਨਾਲ ਨਜਿੱਠਣ ਲਈ ਅਮਰੀਕਾ ਤਾਈਵਾਨ 'ਚ ਹਥਿਆਰਾਂ ਦੇ ਡਿਪੂ ਬਣਾਉਣ 'ਚ ਲੱਗਿਆ

ਰਾਸ਼ਟਰਪਤੀ ਜੋ ਬਿਡੇਨ ਨੇ ਪਿਛਲੇ ਮਹੀਨੇ ਕਿਹਾ ਸੀ, ਜੇਕਰ ਤਾਈਵਾਨ 'ਤੇ ਹਮਲਾ ਹੁੰਦਾ ਹੈ, ਤਾਂ ਅਮਰੀਕਾ ਉਸਦੀ ਰੱਖਿਆ ਅਤੇ ਮਦਦ ਕਰੇਗਾ।
ਚੀਨ ਨਾਲ ਨਜਿੱਠਣ ਲਈ ਅਮਰੀਕਾ ਤਾਈਵਾਨ 'ਚ ਹਥਿਆਰਾਂ ਦੇ ਡਿਪੂ ਬਣਾਉਣ 'ਚ ਲੱਗਿਆ

ਅਮਰੀਕਾ ਨੇ ਹੁਣ ਤਾਈਵਾਨ ਵਿੱਚ ਚੀਨ ਨਾਲ ਨਜਿੱਠਣ ਲਈ ਬੜੀ ਤੇਜ਼ੀ ਨਾਲ ਤਿਆਰੀਆਂ ਸ਼ੁਰੂ ਕਰ ਦਿੱਤੀਆਂ ਹਨ। ਅਮਰੀਕੀ ਰੱਖਿਆ ਵਿਭਾਗ ਯਾਨੀ ਪੈਂਟਾਗਨ ਦੇ ਅਧਿਕਾਰੀ ਤਾਇਵਾਨ ਵਿੱਚ ਹਥਿਆਰ ਇਕੱਠੇ ਕਰ ਰਹੇ ਹਨ ਅਤੇ ਇਸ ਲਈ ਵੱਡੇ ਡਿਪੂ ਤਿਆਰ ਕੀਤੇ ਜਾ ਰਹੇ ਹਨ।

ਅਮਰੀਕੀ ਅਧਿਕਾਰੀਆਂ ਨੇ ਹੀ ਇਹ ਜਾਣਕਾਰੀ ਦਿੱਤੀ ਹੈ। ਜੁਲਾਈ ਵਿੱਚ, ਤਾਈਵਾਨ ਨੇ ਫੌਜੀ ਅਭਿਆਸ ਕੀਤਾ। ਅਮਰੀਕਾ ਨੇ ਇਸ 'ਤੇ ਬਾਰੀਕੀ ਨਾਲ ਨਜ਼ਰ ਰੱਖੀ। ਇਸ ਦੌਰਾਨ ਉਨ੍ਹਾਂ ਚੀਜ਼ਾਂ ਦਾ ਖਾਸ ਧਿਆਨ ਰੱਖਿਆ ਗਿਆ, ਜੋ ਚੀਨ ਨਾਲ ਜੰਗ 'ਚ ਭਾਰੀ ਪੈ ਸਕਦੀਆਂ ਹਨ। ਅਮਰੀਕੀ ਫੌਜੀ ਅਫਸਰਾਂ ਮੁਤਾਬਕ, ਜੇਕਰ ਚੀਨ ਕਿਸੇ ਵੀ ਸਮੇਂ ਤਾਇਵਾਨ 'ਤੇ ਹਮਲਾ ਕਰਦਾ ਹੈ ਅਤੇ ਉਸ ਨੂੰ ਘੇਰ ਲੈਂਦਾ ਹੈ ਤਾਂ ਇਨ੍ਹਾਂ ਹਾਲਾਤਾਂ 'ਚ ਤਾਇਵਾਨ ਦੀ ਫੌਜ ਤੱਕ ਹਥਿਆਰ ਉਦੋਂ ਤੱਕ ਨਹੀਂ ਪਹੁੰਚ ਸਕਦੇ, ਜਦੋਂ ਤੱਕ ਅਮਰੀਕਾ ਜਾਂ ਕੋਈ ਹੋਰ ਦੇਸ਼ ਉਨ੍ਹਾਂ ਦੀ ਮਦਦ ਨਹੀਂ ਕਰਦਾ ।

ਦੂਜੇ ਸ਼ਬਦਾਂ ਵਿਚ, ਤਾਈਵਾਨ ਨਾ ਸਿਰਫ਼ ਚਾਰੇ ਪਾਸਿਆਂ ਤੋਂ ਘਿਰ ਜਾਵੇਗਾ, ਸਗੋਂ ਇਹ ਬਾਕੀ ਦੁਨੀਆਂ ਨਾਲੋਂ ਵੀ ਕੱਟਿਆ ਜਾਵੇਗਾ। ਇਸ ਸਮੱਸਿਆ ਨਾਲ ਨਜਿੱਠਣ ਲਈ ਅਮਰੀਕਾ ਨੇ ਤਾਇਵਾਨ ਵਿੱਚ ਹਥਿਆਰਾਂ ਦੇ ਡਿਪੂ ਤਿਆਰ ਕਰਨੇ ਸ਼ੁਰੂ ਕਰ ਦਿੱਤੇ ਹਨ। ਕੁਝ ਤਾਂ ਤਿਆਰ ਵੀ ਹਨ। ਇਸ ਦੇ ਲਈ ਅਮਰੀਕੀ ਹਥਿਆਰ ਉਤਪਾਦਨ ਕੰਪਨੀਆਂ ਵੱਡੇ ਪੱਧਰ 'ਤੇ ਜ਼ਰੂਰੀ ਹਥਿਆਰ ਬਣਾ ਰਹੀਆਂ ਹਨ। ਪੈਂਟਾਗਨ ਦੇ ਅਧਿਕਾਰੀ ਅਜੇ ਤੱਕ ਇਹ ਅੰਦਾਜ਼ਾ ਨਹੀਂ ਲਗਾ ਸਕੇ ਹਨ, ਕਿ ਜੇਕਰ ਅਮਰੀਕਾ ਤਾਇਵਾਨ ਦੀ ਇਸੇ ਤਰ੍ਹਾਂ ਮਦਦ ਕਰਦਾ ਰਿਹਾ ਤਾਂ ਚੀਨ ਕੀ ਕਾਰਵਾਈ ਕਰੇਗਾ।

ਰਾਸ਼ਟਰਪਤੀ ਜੋ ਬਿਡੇਨ ਨੇ ਪਿਛਲੇ ਮਹੀਨੇ ਕਿਹਾ ਸੀ, ਜੇਕਰ ਤਾਈਵਾਨ 'ਤੇ ਹਮਲਾ ਹੁੰਦਾ ਹੈ, ਤਾਂ ਅਮਰੀਕਾ ਇਸਦੀ ਰੱਖਿਆ ਅਤੇ ਮਦਦ ਕਰੇਗਾ। ਚੀਨ ਦੇ ਇਰਾਦਿਆਂ ਨੂੰ ਅਮਰੀਕਾ ਅਤੇ ਤਾਈਵਾਨ ਦੋਵਾਂ ਨੇ ਸਮਝ ਲਿਆ ਸੀ। ਇਸ ਦੇ ਨਾਲ ਹੀ ਚੀਨ ਦੀਆਂ ਸਾਰੀਆਂ ਧਮਕੀਆਂ ਦੇ ਬਾਵਜੂਦ ਅਮਰੀਕੀ ਸੰਸਦ ਦੀ ਸਪੀਕਰ ਨੈਨਸੀ ਪੇਲੋਸੀ ਨੂੰ ਤਾਇਵਾਨ ਦੇ ਦੌਰੇ 'ਤੇ ਭੇਜਿਆ ਗਿਆ। ਇਸ ਤੋਂ ਬਾਅਦ ਦੋ ਹੋਰ ਅਮਰੀਕੀ ਵਫ਼ਦ ਇੱਥੇ ਪੁੱਜੇ। ਚੀਨ ਸਮਝ ਗਿਆ ਸੀ, ਕਿ ਅਮਰੀਕਾ ਅਤੇ ਤਾਈਵਾਨ ਹੁਣ ਕਿਸੇ ਵੀ ਤਰ੍ਹਾਂ ਦੇ ਦਬਾਅ ਵਿੱਚ ਨਹੀਂ ਆਉਣ ਵਾਲੇ ਹਨ। ਕੁਝ ਦਿਨਾਂ ਬਾਅਦ ਤਾਈਵਾਨ ਨੇ ਸਪੱਸ਼ਟ ਕੀਤਾ ਕਿ ਜੇਕਰ ਚੀਨੀ ਲੜਾਕੂ ਜਹਾਜ਼ ਉਸ ਦੇ ਖੇਤਰ 'ਚ ਆਉਂਦੇ ਹਨ ਤਾਂ ਉਨ੍ਹਾਂ ਵਿਰੁੱਧ ਕਾਰਵਾਈ ਕੀਤੀ ਜਾਵੇਗੀ।

Related Stories

No stories found.
Punjab Today
www.punjabtoday.com