ਅਮਰੀਕਾ ਤੋਂ ਇਕ ਅਜੀਬ ਖਬਰ ਸੁਨਣ ਨੂੰ ਮਿਲ ਰਹੀ ਹੈ। ਅਮਰੀਕਾ ਦੇ ਮਿਸ਼ੀਗਨ ਵਿੱਚ ਰਹਿਣ ਵਾਲੇ ਐਂਡਰਿਊ ਦੇ ਪਰਿਵਾਰ ਵਿੱਚ 1885 ਤੋਂ ਬਾਅਦ ਕੁੜੀਆਂ ਦਾ ਸੋਕਾ ਪੈ ਗਿਆ। 1885 ਵਿੱਚ, ਪਰਿਵਾਰ ਵਿੱਚ ਆਖਰੀ ਵਾਰ ਇੱਕ ਲੜਕੀ ਨੇ ਜਨਮ ਲਿਆ।
ਇਹ ਐਂਡਰਿਊ ਤੋਂ 6 ਪੀੜ੍ਹੀਆਂ ਪਹਿਲਾਂ ਦੀ ਗੱਲ ਹੈ। ਸ਼ੁਰੂ ਵਿੱਚ ਕੁਝ ਸਾਲਾਂ ਤੱਕ ਪਰਿਵਾਰ ਨੂੰ ਇਹ ਸਭ ਆਮ ਲੱਗਿਆ। ਪਰ ਜਦੋਂ ਕਈ ਦਹਾਕਿਆਂ ਤੱਕ ਕੋਈ ਲੜਕੀ ਨਹੀਂ ਪੈਦਾ ਹੋਈ ਤਾਂ ਪਰਿਵਾਰ ਥੋੜ੍ਹਾ ਫਿਕਰਮੰਦ ਹੋ ਗਿਆ। ਪਰ ਜਦੋਂ ਅੱਗੇ ਸਾਲਾਂ ਤੱਕ ਪਰਿਵਾਰ ਵਿੱਚ ਕੋਈ ਲੜਕੀ ਪੈਦਾ ਨਹੀਂ ਹੋਈ, ਤਾਂ ਐਂਡਰਿਊ ਪਰਿਵਾਰ ਨੇ ਉਮੀਦ ਛੱਡ ਦਿੱਤੀ ਅਤੇ ਇਸਨੂੰ ਆਪਣੀ ਕਿਸਮਤ ਮੰਨ ਲਿਆ।
ਐਂਡਰਿਊ ਅਤੇ ਉਸ ਦੀ ਪਤਨੀ ਕੋਰਲੀਨ ਨੇ ਵੀ ਧੀ ਦੀ ਉਮੀਦ ਛੱਡ ਦਿੱਤੀ ਸੀ, ਪਰਿਵਾਰ ਦੇ ਲੰਬੇ ਕੁੜੀ ਰਹਿਤ ਇਤਿਹਾਸ ਨੂੰ ਦੇਖਦੇ ਹੋਏ ਉਨ੍ਹਾਂ ਦੀ ਉਮੀਦ ਖਤਮ ਹੋ ਗਈ ਸੀ । ਦੋਵਾਂ ਦਾ ਪਹਿਲਾਂ ਹੀ 4 ਸਾਲ ਦਾ ਬੇਟਾ ਹੈ। ਇਸ ਵਾਰ ਵੀ ਦੋਵਾਂ ਨੂੰ ਬੇਟੇ ਦੀ ਉਮੀਦ ਸੀ। ਪਰ ਜਦੋਂ ਉਨ੍ਹਾਂ ਨੂੰ ਪਤਾ ਲੱਗਾ ਕਿ ਉਨ੍ਹਾਂ ਦੀ ਇੱਕ ਬੇਟੀ ਹੈ ਤਾਂ ਉਨ੍ਹਾਂ ਦੀ ਖੁਸ਼ੀ ਦੀ ਕੋਈ ਹੱਦ ਨਾ ਰਹੀ। ਇੱਕ ਧੀ ਦੇ ਜਨਮ ਦਾ ਜਸ਼ਨ ਮਨਾਉਣ ਲਈ, ਐਂਡਰਿਊ ਅਤੇ ਉਸਦੀ ਪਤਨੀ ਨੇ ਪੂਰੇ ਪਰਿਵਾਰ ਲਈ ਇੱਕ ਸ਼ਾਨਦਾਰ ਪਾਰਟੀ ਦਿੱਤੀ। ਇਸ ਪਾਰਟੀ ਵਿੱਚ ਪਰਿਵਾਰ ਦੇ ਸਾਰੇ ਮਰਦ ਅਤੇ ਵਿਆਹੁਤਾ ਔਰਤਾਂ ਨੇ ਸ਼ਿਰਕਤ ਕੀਤੀ। ਇਸ ਅਮਰੀਕੀ ਪਰਿਵਾਰ ਦੀ ਅਨੋਖੀ ਕਹਾਣੀ ਪੂਰੀ ਦੁਨੀਆ 'ਚ ਪੜ੍ਹੀ ਜਾ ਰਹੀ ਹੈ।
ਐਂਡਰਿਊ ਅਤੇ ਉਸਦੇ ਪਰਿਵਾਰ ਦੀ ਕਹਾਣੀ 'ਤੇ ਅਮਰੀਕੀ ਮੀਡੀਆ ਵਿੱਚ ਬਹੁਤ ਕੁਝ ਲਿਖਿਆ ਗਿਆ ਸੀ। ਇਸ ਦੇ ਅਨੁਸਾਰ ਜਦੋਂ ਐਂਡਰਿਊ ਆਪਣੀ ਪਤਨੀ ਕੋਰਲੀਓਨ ਨੂੰ ਡੇਟ ਕਰ ਰਿਹਾ ਸੀ ਤਾਂ ਉਸਨੇ ਕੋਰਲੀਓਨ ਨੂੰ ਆਪਣਾ ਪਰਿਵਾਰਕ ਇਤਿਹਾਸ ਦੱਸਿਆ ਅਤੇ ਉਸਨੂੰ ਧੀ ਦੀ ਉਮੀਦ ਨਾ ਰੱਖਣ ਦੀ ਸਲਾਹ ਦਿੱਤੀ। ਡਾਕਟਰਾਂ ਦਾ ਕਹਿਣਾ ਹੈ ਕਿ ਜਦੋਂ ਗਰਭ ਵਿੱਚ ਲਿੰਗ ਨਿਰਧਾਰਿਤ ਕੀਤਾ ਜਾਂਦਾ ਹੈ, ਤਾਂ ਲੜਕਾ ਜਾਂ ਲੜਕੀ ਹੋਣ ਦੀ ਸੰਭਾਵਨਾ 50-50% ਹੁੰਦੀ ਹੈ। ਕੁਝ ਅਸਧਾਰਨ ਮਾਮਲਿਆਂ ਵਿੱਚ, ਟ੍ਰਾਂਸਜੈਂਡਰ ਪੈਦਾ ਹੁੰਦੇ ਹਨ। ਅਜਿਹੀ ਸਥਿਤੀ ਵਿੱਚ ਇੱਕ ਪਰਿਵਾਰ ਵਿੱਚ 6 ਪੀੜ੍ਹੀਆਂ ਅਤੇ 138 ਸਾਲ ਤੱਕ ਲੜਕੀ ਦਾ ਨਾ ਹੋਣਾ ਇੱਕ ਵੱਡਾ ਇਤਫ਼ਾਕ ਮੰਨਿਆ ਜਾਵੇਗਾ।
