ਐਲਟਨ ਜੌਨ ਨੇ ਛਡਿਆ ਟਵਿੱਟਰ, ਕਿਹਾ ਗਲਤ ਜਾਣਕਾਰੀ ਵੰਡ ਰਿਹਾ ਟਵਿੱਟਰ

ਐਲਟਨ ਜੌਨ ਨੇ ਛਡਿਆ ਟਵਿੱਟਰ, ਕਿਹਾ ਗਲਤ ਜਾਣਕਾਰੀ ਵੰਡ ਰਿਹਾ ਟਵਿੱਟਰ

ਟਵਿਟਰ ਦੇ ਸੀਈਓ ਐਲੋਨ ਮਸਕ ਨੇ ਵੀ ਇਸ 'ਤੇ ਪ੍ਰਤੀਕਿਰਿਆ ਦਿੱਤੀ ਹੈ। ਉਸਨੇ ਲਿਖਿਆ, ਮੈਨੂੰ ਤੁਹਾਡਾ ਸੰਗੀਤ ਪਸੰਦ ਹੈ, ਉਮੀਦ ਹੈ ਕਿ ਤੁਸੀਂ ਵਾਪਸ ਆ ਜਾਓਗੇ।

ਐਲਟਨ ਜੌਨ ਕਿਸੇ ਵੀ ਪਹਿਚਾਣ ਦੇ ਮੋਹਤਾਜ਼ ਨਹੀਂ ਹਨ। ਮਸ਼ਹੂਰ ਬ੍ਰਿਟਿਸ਼ ਗਾਇਕ ਅਤੇ ਸੰਗੀਤਕਾਰ ਸਰ ਐਲਟਨ ਜੌਨ ਨੇ ਟਵਿੱਟਰ ਨੂੰ 'ਗਲਤ ਜਾਣਕਾਰੀ' ਦਾ ਕਾਰਨ ਦੱਸਦੇ ਹੋਏ ਛੱਡਣ ਦਾ ਫੈਸਲਾ ਕੀਤਾ ਹੈ। ਐਲਨ ਜੌਨ ਨੇ ਇੱਕ ਟਵੀਟ ਵਿੱਚ ਇਸ ਖਬਰ ਦਾ ਐਲਾਨ ਕਰਦੇ ਹੋਏ ਕਿਹਾ, ''ਮੈਂ ਆਪਣੀ ਸਾਰੀ ਜ਼ਿੰਦਗੀ ਲੋਕਾਂ ਨੂੰ ਇਕੱਠੇ ਲਿਆਉਣ ਲਈ ਸੰਗੀਤ ਦੀ ਵਰਤੋਂ ਕਰਨ ਦੀ ਕੋਸ਼ਿਸ਼ ਕੀਤੀ ਹੈ।'' ਫਿਰ ਵੀ ਇਹ ਦੇਖ ਕੇ ਮੈਨੂੰ ਦੁੱਖ ਹੁੰਦਾ ਹੈ ਕਿ ਹੁਣ ਸਾਡੀ ਦੁਨੀਆ ਨੂੰ ਵੰਡਣ ਲਈ ਕਿਵੇਂ ਗਲਤ ਜਾਣਕਾਰੀ ਦੀ ਵਰਤੋਂ ਕੀਤੀ ਜਾ ਰਹੀ ਹੈ।

ਐਲਟਨ ਜੌਨ ਨੇ ਅੱਗੇ ਕਿਹਾ, 'ਮੈਂ ਫੈਸਲਾ ਕੀਤਾ ਹੈ ਕਿ ਮੈਂ ਹੁਣ ਟਵਿੱਟਰ ਦੀ ਵਰਤੋਂ ਨਹੀਂ ਕਰਾਂਗਾ, ਨੀਤੀ ਵਿੱਚ ਉਹਨਾਂ ਦੀ ਹਾਲੀਆ ਤਬਦੀਲੀ ਨੂੰ ਦੇਖਦੇ ਹੋਏ, ਜੋ ਗਲਤ ਜਾਣਕਾਰੀ ਨੂੰ ਬਿਨਾਂ ਜਾਂਚ ਕੀਤੇ ਵਧਣ ਦੀ ਇਜਾਜ਼ਤ ਦੇਵੇਗੀ।' ਟਵਿਟਰ ਦੇ ਸੀਈਓ ਐਲੋਨ ਮਸਕ ਨੇ ਵੀ ਇਸ 'ਤੇ ਪ੍ਰਤੀਕਿਰਿਆ ਦਿੱਤੀ ਹੈ। ਉਸ ਨੇ ਲਿਖਿਆ, 'ਮੈਨੂੰ ਤੁਹਾਡਾ ਸੰਗੀਤ ਪਸੰਦ ਹੈ। ਉਮੀਦ ਹੈ ਕਿ ਤੁਸੀਂ ਵਾਪਸ ਆ ਜਾਓਗੇ। ਕੀ ਕੋਈ ਗਲਤ ਜਾਣਕਾਰੀ ਹੈ, ਜਿਸ ਬਾਰੇ ਤੁਸੀਂ ਚਿੰਤਤ ਹੋ।' ਇਹ ਉਦੋਂ ਹੋਇਆ ਹੈ ਜਦੋਂ ਟਵਿੱਟਰ ਨੂੰ ਕਈ ਵਿਵਾਦਾਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ।

ਸੋਸ਼ਲ ਮੀਡੀਆ ਪਲੇਟਫਾਰਮ ਨੂੰ ਛੱਡਣ ਵਾਲੀਆਂ ਹੋਰ ਮਸ਼ਹੂਰ ਹਸਤੀਆਂ ਵਿੱਚ ਹੂਪੀ ਗੋਲਡਬਰਗ, ਜਿਮ ਕੈਰੀ, ਸ਼ੋਂਡਾ ਰਾਈਮਸ, ਡੇਵਿਡ ਸਾਈਮਨ, ਜਮੀਲਾ ਜਮੀਲ, ਟ੍ਰੈਂਟ ਰੇਜ਼ਨੋਰ ਅਤੇ ਗਿਗੀ ਹਦੀਦ ਸ਼ਾਮਲ ਹਨ। ਇਸ ਦੌਰਾਨ, ਟਵਿੱਟਰ ਨੇ ਪਹਿਲਾਂ ਕਿਹਾ ਸੀ ਕਿ ਉਹ ਹੁਣ ਕੋਵਿਡ ਦੇ ਪ੍ਰਕੋਪ ਬਾਰੇ ਗਲਤ ਜਾਣਕਾਰੀ ਦਾ ਮੁਕਾਬਲਾ ਕਰਨ ਦੇ ਇਰਾਦੇ ਵਾਲੇ ਨਿਯਮ ਨੂੰ ਲਾਗੂ ਨਹੀਂ ਕਰੇਗਾ। ਇਸ ਸਭ ਦੇ ਬਾਵਜੂਦ ਐਲੋਨ ਮਸਕ ਲਗਾਤਾਰ ਲੋਕਾਂ ਦੇ ਨਿਸ਼ਾਨੇ 'ਤੇ ਆ ਰਹੇ ਹਨ। ਉਨ੍ਹਾਂ ਲਈ ਨਫ਼ਰਤ ਫੈਲ ਰਹੀ ਹੈ, ਪਰ ਉਹ ਰੋਕ ਨਹੀਂ ਰਹੇ ਹਨ। ਉਨ੍ਹਾਂ ਦੇ ਕਈ ਟਵੀਟ ਵਾਇਰਲ ਵੀ ਹੋ ਜਾਂਦੇ ਹਨ, ਜਿਨ੍ਹਾਂ ਦਾ ਕੋਈ ਮਤਲਬ ਨਹੀਂ ਬਣਦਾ।

ਮਸਕ ਨੇ ਕੰਪਨੀ ਦੇ ਸਟਾਫ ਨੂੰ ਵੀ ਅੱਧਾ ਕਰ ਦਿੱਤਾ ਹੈ ਅਤੇ ਇਸਦੀ ਭਰੋਸੇ ਅਤੇ ਸੁਰੱਖਿਆ ਟੀਮ ਵਿੱਚ ਡੂੰਘੀ ਕਟੌਤੀ ਕੀਤੀ ਹੈ, ਜੋ ਗਲਤ ਜਾਣਕਾਰੀ ਅਤੇ ਨੁਕਸਾਨਦੇਹ ਸਮੱਗਰੀ ਨੂੰ ਫੈਲਣ ਤੋਂ ਰੋਕਣ ਲਈ ਜ਼ਿੰਮੇਵਾਰ ਹੁੰਦੀ ਹੈ।

Related Stories

No stories found.
logo
Punjab Today
www.punjabtoday.com