ਚੀਨ 'ਚ ਬਣੇ ਸਾਮਾਨ ਦੀ ਦੁਨੀਆਂ ਭਰ 'ਚ ਬਹੁਤ ਜ਼ਿਆਦਾ ਡਿਮਾਂਡ ਹੈ, ਪਰ ਕੀਨੀਆ 'ਚ ਚਾਈਨੀਜ਼ ਸਾਮਾਨ ਦਾ ਲਗਾਤਾਰ ਵਿਰੋਧ ਹੋ ਰਿਹਾ ਹੈ । ਕੀਨੀਆ ਵਿਚ ਚੀਨੀ ਵਪਾਰੀਆਂ ਦੇ ਖਿਲਾਫ ਵਿਰੋਧ ਪ੍ਰਦਰਸ਼ਨ ਤੇਜ਼ ਹੋ ਗਿਆ ਹੈ। ਹਜ਼ਾਰਾਂ ਸਥਾਨਕ ਕਾਰੋਬਾਰੀ ਬੈਨਰ ਪੋਸਟਰ ਲੈ ਕੇ ਸੜਕਾਂ 'ਤੇ ਉਤਰ ਆਏ ਅਤੇ 'ਚਾਈਨੀਜ਼ ਮਸਟ ਗੋ' ਦੇ ਨਾਅਰੇ ਲਾਏ। ਵਪਾਰੀਆਂ ਦਾ ਦੋਸ਼ ਹੈ ਕਿ ਚੀਨੀ ਵਪਾਰੀ ਅਤੇ ਕੰਪਨੀਆਂ ਸਥਾਨਕ ਵਪਾਰੀਆਂ ਨੂੰ ਖਤਮ ਕਰਨ ਲਈ ਹਰ ਤਰ੍ਹਾਂ ਦੇ ਹੱਥਕੰਡੇ ਅਪਣਾ ਰਹੀਆਂ ਹਨ।
ਚੀਨੀ ਵਪਾਰੀ ਆਪਣਾ ਸਾਮਾਨ 45 ਫੀਸਦੀ ਤੱਕ ਸਸਤਾ ਵੇਚ ਰਹੇ ਹਨ। ਇਸ ਕਾਰਨ ਸਥਾਨਕ ਵਪਾਰੀਆਂ ਨੂੰ ਭਾਰੀ ਨੁਕਸਾਨ ਝੱਲਣਾ ਪੈ ਰਿਹਾ ਹੈ। ਕੁਝ ਵਪਾਰੀਆਂ ਨੇ ਕਿਹਾ ਕਿ ਚੀਨੀ ਕਾਰੋਬਾਰੀ ਅਜਿਹਾ ਵਿਉਂਤਬੰਦੀ ਦੇ ਹਿੱਸੇ ਵਜੋਂ ਕਰ ਰਹੇ ਹਨ ਤਾਂ ਜੋ ਸਥਾਨਕ ਵਪਾਰੀਆਂ ਨੂੰ ਮੰਡੀ ਵਿੱਚੋਂ ਬਾਹਰ ਕੱਢਿਆ ਜਾ ਸਕੇ। 'ਅਫਰੀਕਨ ਨਿਊਜ਼' ਦੀ ਰਿਪੋਰਟ ਮੁਤਾਬਕ ਚੀਨ ਨੇ ਨਾ ਸਿਰਫ਼ ਕੀਨੀਆ ਬਲਕਿ ਅਫ਼ਰੀਕਾ ਦੇ ਕਈ ਦੇਸ਼ਾਂ 'ਚ ਵੀ ਨਵੀਂ ਕਿਸਮ ਦੀ ਸਾਜ਼ਿਸ਼ ਰਚੀ ਹੈ।
ਇਸ ਦਾ ਮਕਸਦ ਸਥਾਨਕ ਬਾਜ਼ਾਰ ਅਤੇ ਵਪਾਰੀਆਂ ਨੂੰ ਰਸਤੇ ਤੋਂ ਹਟਾਉਣਾ ਹੈ। ਇਸ ਦੇ ਲਈ ਕਈ ਤਰੀਕੇ ਅਜ਼ਮਾਏ ਜਾ ਰਹੇ ਹਨ। ਜੇਕਰ ਅਸੀਂ ਕੀਨੀਆ ਦੀ ਗੱਲ ਕਰੀਏ ਤਾਂ ਚੀਨ ਨੇ ਇੱਥੇ ਚੀਨੀ ਸਕੁਏਅਰ ਨਾਮ ਦੇ ਕਾਰੋਬਾਰੀ ਆਊਟਲੇਟ ਖੋਲ੍ਹੇ ਹਨ। ਇਹ ਅਫਰੀਕਾ ਅਤੇ ਚੀਨ ਦੇ ਲੋਕਾਂ ਲਈ ਕਿਸੇ ਮਾਲ ਤੋਂ ਘੱਟ ਨਹੀਂ ਹੈ। ਸਥਾਨਕ ਬਾਜ਼ਾਰ ਦੇ ਮੁਕਾਬਲੇ ਇੱਥੇ ਵਸਤੂਆਂ 45% ਤੱਕ ਸਸਤੀਆਂ ਵਿਕਦੀਆਂ ਹਨ। ਇਹੀ ਕਾਰਨ ਹੈ ਕਿ ਇੱਥੇ ਆਮ ਲੋਕ ਵੱਡੀ ਗਿਣਤੀ ਵਿੱਚ ਆਉਂਦੇ ਹਨ।
ਚੀਨੀ ਸਾਮਾਨ ਸਸਤੇ ਹਨ, ਪਰ ਉਨ੍ਹਾਂ ਦੀ ਗੁਣਵੱਤਾ ਬਹੁਤ ਘੱਟ ਹੈ। ਇਸ ਦੇ ਬਾਵਜੂਦ ਲੋਕ ਵੱਡੀ ਪੈਕਿੰਗ ਅਤੇ ਸਸਤੇ ਭਾਅ ਦੇ ਜਾਲ ਵਿੱਚ ਫਸ ਜਾਂਦੇ ਹਨ। ਚੀਨ ਦੀ ਇਸ ਕਾਰਵਾਈ ਕਾਰਨ ਸਥਾਨਕ ਵਪਾਰੀ ਭਾਵ ਸਥਾਨਕ ਕਾਰੋਬਾਰੀ ਤਬਾਹ ਹੋ ਰਹੇ ਹਨ। ਉਨ੍ਹਾਂ ਦਾ ਕਾਰੋਬਾਰ ਠੱਪ ਹੋ ਰਿਹਾ ਹੈ। ਇਹੀ ਕਾਰਨ ਹੈ ਕਿ ਚੀਨ ਦੀ ਇਸ ਸਾਜ਼ਿਸ਼ ਵਿਰੁੱਧ ਸਥਾਨਕ ਵਪਾਰਕ ਸੰਗਠਨ ਨੇ ਮੋਰਚਾ ਖੋਲ੍ਹ ਦਿੱਤਾ ਹੈ। ਸਥਾਨਕ ਵਪਾਰੀਆਂ ਨੇ ਉਪ ਪ੍ਰਧਾਨ ਅਤੇ ਸੰਸਦ ਨੂੰ ਅਪੀਲ ਵੀ ਸੌਂਪੀ ਹੈ। ਸਰਕਾਰ ਨੇ ਇਸ 'ਤੇ ਵਿਚਾਰ ਕਰਨ ਦਾ ਭਰੋਸਾ ਦਿੱਤਾ ਹੈ। 'ਦਿ ਅਫਰੀਕਾ' ਵੈੱਬਸਾਈਟ ਮੁਤਾਬਕ ਜੇਕਰ ਸਰਕਾਰ ਨੇ ਸਮੇਂ 'ਤੇ ਚੀਨ ਦੀ ਸਾਜ਼ਿਸ਼ ਨੂੰ ਨਾ ਰੋਕਿਆ ਤਾਂ ਅੰਦੋਲਨ ਹਿੰਸਕ ਰੂਪ ਧਾਰਨ ਕਰ ਸਕਦਾ ਹੈ ਅਤੇ ਇਸ ਦਾ ਸਿੱਧਾ ਅਸਰ ਚੀਨੀਆਂ ਦੀ ਸੁਰੱਖਿਆ 'ਤੇ ਪੈ ਸਕਦਾ ਹੈ।
