ਕਿਤਾਬ 'ਚ ਖੁਲਾਸਾ: ਪ੍ਰਿੰਸ ਹੈਰੀ ਨੇ ਆਪਣੇ ਤੋਂ ਵੱਡੀ ਔਰਤ ਨਾਲ ਕੀਤਾ ਸੀ ਸੈਕਸ

ਪ੍ਰਿੰਸ ਹੈਰੀ ਨੇ 17 ਸਾਲ ਦੀ ਉਮਰ ਵਿੱਚ ਕੋਕੀਨ ਲੈਣਾ, ਆਪਣੇ ਤੋਂ ਵੱਡੀ ਔਰਤ ਨਾਲ ਸਬੰਧ ਬਣਾਉਣਾ, ਵੱਡੇ ਭਰਾ ਵਿਲੀਅਮ ਨਾਲ ਕੁੱਟਮਾਰ ਕਰਨਾ, ਸ਼ਾਹੀ ਪਰਿਵਾਰ ਛੱਡਣਾ ਸਮੇਤ ਕਈ ਨਿੱਜੀ ਖੁਲਾਸੇ ਕੀਤੇ ਹਨ।
ਕਿਤਾਬ 'ਚ ਖੁਲਾਸਾ: ਪ੍ਰਿੰਸ ਹੈਰੀ ਨੇ ਆਪਣੇ ਤੋਂ ਵੱਡੀ ਔਰਤ ਨਾਲ ਕੀਤਾ ਸੀ ਸੈਕਸ

ਪ੍ਰਿੰਸ ਹੈਰੀ ਦੀ ਕਿਤਾਬ ਨੂੰ ਬ੍ਰਿਟੇਨ ਅਤੇ ਦੁਨੀਆਂ ਦੇ ਬਹੁਤੀਆਂ ਹਿਸਿਆਂ ਵਿਚ ਬਹੁਤ ਜ਼ਿਆਦਾ ਪਸੰਦ ਕੀਤਾ ਜਾ ਰਿਹਾ ਹੈ। ਬ੍ਰਿਟੇਨ ਦੇ ਸ਼ਾਹੀ ਪਰਿਵਾਰ ਦੇ ਪ੍ਰਿੰਸ ਹੈਰੀ ਦੀ ਕਿਤਾਬ 'ਸਪੇਅਰ' ਵਿਕਰੀ ਦੇ ਰਿਕਾਰਡ ਕਾਇਮ ਕਰ ਰਹੀ ਹੈ। ਇਸ ਕਿਤਾਬ ਦੀ 10 ਜਨਵਰੀ ਨੂੰ ਰਿਲੀਜ਼ ਦੇ ਦਿਨ ਯੂਕੇ, ਯੂਐਸ ਅਤੇ ਕੈਨੇਡਾ ਵਿੱਚ ਰਿਕਾਰਡ 4 ਲੱਖ ਕਾਪੀਆਂ ਵਿਕੀਆਂ।

ਇਸ ਕਿਤਾਬ ਵਿੱਚ ਪ੍ਰਿੰਸ ਹੈਰੀ ਨੇ 17 ਸਾਲ ਦੀ ਉਮਰ ਵਿੱਚ ਕੋਕੀਨ ਲੈਣਾ, ਆਪਣੇ ਤੋਂ ਵੱਡੀ ਔਰਤ ਨਾਲ ਸਬੰਧ ਬਣਾਉਣਾ, ਵੱਡੇ ਭਰਾ ਵਿਲੀਅਮ ਨਾਲ ਕੁੱਟਮਾਰ ਕਰਨਾ, ਮੇਘਨ ਨਾਲ ਵਿਆਹ ਕਰਨਾ ਅਤੇ ਸ਼ਾਹੀ ਪਰਿਵਾਰ ਛੱਡਣਾ ਸਮੇਤ ਕਈ ਨਿੱਜੀ ਖੁਲਾਸੇ ਕੀਤੇ ਹਨ।

Samir Hussein

ਹੈਰੀ ਨੇ ਕਿਤਾਬ 'ਚ ਦੱਸਿਆ ਹੈ, 'ਦੋ ਸਾਲ ਪਹਿਲਾਂ ਅਪ੍ਰੈਲ 'ਚ ਜਦੋਂ ਮੈਂ ਆਪਣੇ ਦਾਦਾ ਜੀ ਦੇ ਅੰਤਿਮ ਸੰਸਕਾਰ ਲਈ ਬ੍ਰਿਟੇਨ ਗਿਆ ਸੀ ਤਾਂ ਮੈਂ 'ਸਪੇਅਰ' ਲਿਖਣ ਦਾ ਮਨ ਬਣਾਇਆ ਸੀ। ਅਸਲ ਵਿਚ, ਮੈਨੂੰ ਅਹਿਸਾਸ ਹੋਇਆ ਕਿ ਨਾ ਤਾਂ ਮੇਰੇ ਪਿਤਾ ਅਤੇ ਨਾ ਹੀ ਮੇਰਾ ਭਰਾ ਸੱਚਮੁੱਚ ਸਮਝਦੇ ਸਨ ਕਿ ਮੈਂ ਅਤੇ ਮੇਗਨ ਕੈਲੀਫੋਰਨੀਆ ਕਿਉਂ ਚਲੇ ਗਏ ਸਨ।

ਸਪੇਅਰ 'ਚ ਪ੍ਰਿੰਸ ਹੈਰੀ ਨੇ ਕਿਤਾਬ 'ਚ ਲਿਖਿਆ, 'ਮੈਨੂੰ ਦਾਦੀ ਮਹਾਰਾਣੀ ਐਲਿਜ਼ਾਬੈਥ ਦੀ ਮੌਤ ਬਾਰੇ ਖ਼ਬਰਾਂ ਤੋਂ ਪਤਾ ਲੱਗਾ। ਜਦੋਂ ਮੈਂ ਫਲਾਈਟ ਤੋਂ ਉਤਰ ਰਿਹਾ ਸੀ, ਮੈਂ ਆਪਣੇ ਮੋਬਾਈਲ 'ਤੇ ਮੇਗਨ ਦਾ ਸੰਦੇਸ਼ ਪੜ੍ਹਿਆ ਅਤੇ ਉਸ ਵਿੱਚ ਲਿਖਿਆ ਸੀ - ਜਿਵੇਂ ਹੀ ਤੁਸੀਂ ਸੁਨੇਹਾ ਦੇਖੋਗੇ, ਮੈਨੂੰ ਕਾਲ ਕਰੋ। ਪ੍ਰਿੰਸ ਹੈਰੀ ਨੇ ਅੱਗੇ ਲਿਖਿਆ, 'ਇਸ ਤੋਂ ਬਾਅਦ ਮੈਂ ਬੀਬੀਸੀ ਦੀਆਂ ਖਬਰਾਂ ਦੇਖੀਆਂ। ਮੇਰੀ ਦਾਦੀ ਦੀ ਮੌਤ ਹੋ ਗਈ ਸੀ ਅਤੇ ਹੁਣ ਮੇਰੇ ਪਿਤਾ ਜੀ ਬਰਤਾਨੀਆ ਦੇ ਰਾਜਾ ਸਨ। ਮੈਂ ਕਾਲੀ ਟਾਈ ਪਾਈ, ਭਾਰੀ ਮੀਂਹ ਵਿੱਚ ਜਹਾਜ਼ ਤੋਂ ਉਤਰ ਗਿਆ। ਮੇਰੇ ਪਿਤਾ ਨੇ ਮੈਨੂੰ ਬੁਲਾਇਆ। ਉਨ੍ਹਾਂ ਨੇ ਮੈਨੂੰ ਦੱਸਿਆ ਕਿ ਬਾਲਮੋਰਲ 'ਤੇ ਮੇਰਾ ਸੁਆਗਤ ਹੈ, ਪਰ ਉਹ (ਮੇਗਨ) ਨਾਲ ਨਹੀਂ ਆਵੇਗਾ ।

ਹੈਰੀ ਨੇ ਲਿਖਿਆ, 'ਮੈਂ ਵੀਕੈਂਡ ਦੌਰਾਨ ਕਿਸੇ ਹੋਰ ਦੇ ਘਰ ਗਿਆ ਸੀ। ਮੈਨੂੰ ਉੱਥੇ ਕੋਕੀਨ ਦੀ ਪੇਸ਼ਕਸ਼ ਕੀਤੀ ਗਈ ਸੀ, ਜਿਸ ਨੂੰ ਪੀ ਕੇ ਮੈਂ ਦੂਜਿਆਂ ਵਾਂਗ ਖੁਸ਼ ਨਹੀਂ ਸੀ। ਹਾਲਾਂਕਿ, ਕੋਕੀਨ ਲੈਣ ਤੋਂ ਬਾਅਦ, ਮੈਂ ਵੱਖਰਾ ਮਹਿਸੂਸ ਕੀਤਾ। ਪ੍ਰਿੰਸ ਹੈਰੀ ਨੇ ਦੱਸਿਆ ਕਿ 17 ਸਾਲ ਦੀ ਉਮਰ ਵਿਚ, ਮੈਂ ਸ਼ਾਇਦ ਕੁਝ ਵੀ ਕਰਨ ਲਈ ਤਿਆਰ ਸੀ। ਪ੍ਰਿੰਸ ਹੈਰੀ ਨੇ ਦਾਅਵਾ ਕੀਤਾ ਹੈ ਕਿ 17 ਸਾਲ ਦੀ ਉਮਰ ਵਿੱਚ ਉਸ ਨੇ ਇੱਕ ਉਮਰ ਤੋਂ ਵਡੀ ਔਰਤ ਨਾਲ ਇੱਕ ਪੱਬ ਦੇ ਨੇੜੇ ਇੱਕ ਖੁੱਲੇ ਪਾਰਕ ਵਿੱਚ ਸਬੰਧ ਵੀ ਬਣਾਏ ਸਨ ।

Related Stories

No stories found.
logo
Punjab Today
www.punjabtoday.com