ਸ਼ਾਹਰੁਖ ਖਾਨ ਨੇ 'ਪਠਾਨ' ਫਿਲਮ ਦੀ ਪ੍ਰੋਮੋਸ਼ਨ ਦੌਰਾਨ ਕਿਹਾ ਸੀ, ਕਿ ਭਾਰਤ ਅਤੇ ਦੁਨੀਆਂ ਵਿਚ ਉਨ੍ਹਾਂ ਦੇ ਲੱਖਾਂ ਫੈਨਜ਼ ਹਨ, ਜੋ ਉਨ੍ਹਾਂ ਨੂੰ ਬਹੁਤ ਪਿਆਰ ਕਰਦੇ ਹਨ। ਟਾਈਮ ਮੈਗਜ਼ੀਨ ਦੇ ਰੀਡਰਜ਼ ਪੋਲ ਵਿੱਚ ਸ਼ਾਹਰੁਖ ਖਾਨ ਨੂੰ ਸਭ ਤੋਂ ਪ੍ਰਭਾਵਸ਼ਾਲੀ ਸ਼ਖਸੀਅਤ ਵਜੋਂ ਚੁਣਿਆ ਗਿਆ ਹੈ। 2023 ਟਾਈਮ 100 ਪੋਲ ਵਿੱਚ ਸਿਖਰ 'ਤੇ ਰਹੇ ਕਿੰਗ ਖਾਨ ਨੂੰ 4% ਵੋਟਾਂ ਮਿਲੀਆਂ। ਦੂਜੇ ਨੰਬਰ 'ਤੇ ਈਰਾਨੀ ਔਰਤਾਂ ਦਾ ਸਮੂਹ ਹੈ, ਜਿਨ੍ਹਾਂ ਨੇ ਬੁਰਕਾ ਅਤੇ ਹਿਜਾਬ ਦੇ ਖਿਲਾਫ ਪ੍ਰਦਰਸ਼ਨ ਕੀਤਾ। ਦੁਨੀਆ ਭਰ ਦੇ ਕੋਵਿਡ ਸਿਹਤ ਕਰਮਚਾਰੀ ਤੀਜੇ ਨੰਬਰ 'ਤੇ ਸਨ।
ਬ੍ਰਿਟੇਨ ਦੇ ਪ੍ਰਿੰਸ ਹੈਰੀ ਅਤੇ ਉਨ੍ਹਾਂ ਦੀ ਪਤਨੀ ਚੌਥੇ ਜਦਕਿ ਫੁੱਟਬਾਲਰ ਮੇਸੀ ਪੰਜਵੇਂ ਨੰਬਰ 'ਤੇ ਹਨ। ਟਾਈਮ ਮੈਗਜ਼ੀਨ ਮੁਤਾਬਕ ਇਸ ਸਰਵੇ 'ਚ ਦੁਨੀਆ ਭਰ ਤੋਂ 12 ਲੱਖ ਲੋਕਾਂ ਨੇ ਹਿੱਸਾ ਲਿਆ ਅਤੇ ਵੋਟ ਪਾਈ। ਇਸ ਪੋਲ 'ਚ ਸ਼ਾਹਰੁਖ ਨੂੰ 4 ਫੀਸਦੀ ਵੋਟ ਮਿਲੇ ਹਨ। ਬੁਰਕੇ ਦਾ ਵਿਰੋਧ ਕਰਨ ਵਾਲੀਆਂ ਈਰਾਨੀ ਔਰਤਾਂ, ਜੋ ਦੂਜੇ ਨੰਬਰ 'ਤੇ ਸਨ, ਨੂੰ 3% ਵੋਟਾਂ ਮਿਲੀਆਂ।
ਈਰਾਨੀ ਔਰਤਾਂ ਨੂੰ ਮੈਗਜ਼ੀਨ ਦਾ 2022 'ਪਰਸਨ ਆਫ ਦਿ ਈਅਰ' ਦਾ ਖਿਤਾਬ ਵੀ ਮਿਲਿਆ ਹੈ। ਚੌਥੇ ਨੰਬਰ 'ਤੇ ਪ੍ਰਿੰਸ ਹੈਰੀ ਅਤੇ ਮੇਗਨ ਹਨ, ਜਿਨ੍ਹਾਂ ਨੂੰ 1.9% ਵੋਟਾਂ ਮਿਲੀਆਂ ਹਨ। ਜਦੋਂ ਕਿ ਹੈਰੀ ਨੇ ਇਸ ਸਾਲ ਆਪਣੀ ਜੀਵਨੀ ਸਪੇਅਰ ਲਈ ਸੁਰਖੀਆਂ ਬਟੋਰੀਆਂ, ਮੇਘਨ ਨੇ ਆਰਕੀਟਾਈਪਸ ਨਾਮਕ ਇੱਕ ਪੋਡਕਾਸਟ ਦੀ ਮੇਜ਼ਬਾਨੀ ਕੀਤੀ। ਇਹੀ ਕਾਰਨ ਸੀ ਕਿ ਦੋਵਾਂ ਦੇ ਸ਼ਾਹੀ ਪਰਿਵਾਰ ਦੇ ਮੈਂਬਰਾਂ ਨੂੰ ਲੈ ਕੇ ਕਾਫੀ ਚਰਚਾ ਹੋਈ ਸੀ। ਫੁੱਟਬਾਲਰ ਲਿਓਨੇਲ ਮੇਸੀ 1.8% ਵੋਟਾਂ ਨਾਲ ਸੂਚੀ ਵਿੱਚ ਪੰਜਵੇਂ ਸਥਾਨ 'ਤੇ ਹੈ।
2022 ਵਿੱਚ, ਗੌਤਮ ਅਡਾਨੀ, ਕਰੁਣਾ ਨੰਦੀ ਅਤੇ ਖੁਰਰਮ ਪਰਵੇਜ਼ ਵਰਗੀਆਂ ਮਸ਼ਹੂਰ ਹਸਤੀਆਂ ਦੇ ਨਾਮ ਇਸ ਸੂਚੀ ਵਿੱਚ ਸ਼ਾਮਲ ਕੀਤੇ ਗਏ ਸਨ। ਸ਼ਾਹਰੁਖ ਨੇ ਹੁਣ ਤੱਕ 108 ਫਿਲਮਾਂ 'ਚ ਕੰਮ ਕੀਤਾ ਹੈ। ਹਾਲ ਹੀ 'ਚ ਉਨ੍ਹਾਂ ਦੀ ਫਿਲਮ 'ਪਠਾਨ' ਰਿਲੀਜ਼ ਹੋਈ ਸੀ, ਜਿਸਨੇ ਬਾਕਸ ਆਫਿਸ 'ਤੇ ਕਈ ਰਿਕਾਰਡ ਬਣਾਏ ਸਨ। ਇਸ ਦੇ ਨਾਲ ਹੀ ਉਨ੍ਹਾਂ ਦੀ ਅਗਲੀ ਫਿਲਮ ਜਵਾਨ ਜੂਨ 2 ਜੂਨ ਨੂੰ ਰਿਲੀਜ਼ ਹੋਵੇਗੀ। ਇਸ ਤੋਂ ਇਲਾਵਾ ਰਾਜਕੁਮਾਰ ਹਿਰਾਨੀ ਦੇ ਨਾਲ ਉਸਦੀ ਪਹਿਲੀ ਫਿਲਮ 'ਡੈਂਕੀ' 22 ਦਸੰਬਰ ਨੂੰ ਰਿਲੀਜ਼ ਹੋਵੇਗੀ। ਉਨ੍ਹਾਂ ਦੀਆਂ ਦੋਵੇਂ ਫਿਲਮਾਂ ਨੂੰ ਲੈ ਕੇ ਪ੍ਰਸ਼ੰਸਕ ਕਾਫੀ ਉਤਸ਼ਾਹਿਤ ਹਨ।
